VOV4.K’ho –Tu\ do, cau tam sầu riêng tàm kơnhoàl Krông Pach, càr Dak Lak dê gam tơnhàu uă ngan. Nam do, sầu riêng geh tơnhàu uă ngan, mờ khà priă den tăc jơnhoa ngan rlau jơh bơh lài tus tu\ do, gơguh tus 70 rbô đong dùl ki\ tăc tàm sươn. Mờ cồng nha lơh geh tơl lồ rlau 35 tấn plai, den cau tam sầu riêng lơh geh priă jền bơh 1 tơmàn 200 tơlak tus 1 tơmàn 500 tơlak.

Tàm sươn sầu riêng ơnàng rlau 1 lồ tam tàm bơrlu\ bal mờ kơphê bơh ồng Hà Văn Hào dê, tàm thôn Tân Bắc, xã Êa Kênh, kơnhoàl Krông Pach gam mu\t tàm kàl tơnhàu uă. Mờr 10 nă cau gam pik plai sầu riêng, dăp tềng rơndeh jun tus hờ gùng nàng tăc mờ cau kă phan in.

Cau tam sầu riêng tàm Dak Lak mờ bơta chờ hờp geh tơnhàu uă, tăc geh khà priă jơnhoa ngan rlau jơh bơh lài tus tu\ do

Ồng Hào pà gi\t, sươn ồng dê geh 230 tờm sầu riêng sơntìl Dona mờ J6 kơnồng rơmi\t gar nsiăp tam tàm bơrlu\ bal mờ kơphê bơh rlau jơ\t nam lài. Nam lài lơh geh mờr 25 tấn plai. Nam do, tài bơh sơngka sền gàr niam, trồ tiah kung niam sơl den tàng cồng nha lơh geh digơlan jơnhoa rlau dùl dơ\ mờ nggùl. Ồng Hào pà gi\t: kàl do, hìu bơnhă digơlan lơh geh rlau 2 tơmàn 500 tơlak priă.

Nam lài, mìng lơh geh 25 tấn lơm, ai nam do den digơlan lơh geh uă rlau pơgăp bơh 40-45 tấn plai. Plai den bơkah, kơmhò ring mờ bơ`à, tơlir, kơnồng rơmi\t mờ gar nsiăp. Bè khà priă den nam lài tăc geh pơgăp bơh 45- 48 rbô đong tàm dùl ki\, mơya nam do a` tăc gờ` là neh gơguh tus 61 rbô đong tàm dùl ki\, ai tu\ do den neh gơguh tus 68 tus 70 rbô đong tàm dùl ki\. Kàl do chờ hờp ngan, cau lơh broă sa bè bol a` lơh geh priă tơmàn den tàm mpau kung ờ go\ geh sơl ờ.

                        Khà priă tăc sầu riêng tàm sươn tàm tơngai do gơguh tus 70 rbô đong dùl k^

Broă tơnhàu mờ tăc sầu riêng ờ mìng geh lơh ur ar hô hơng ngan tàm ală sươn chi lơm gời ờ, tàm uă tiah blơi kềng gah gùng rơndeh dờng 26 gơl lòt gan thị trấn Phước An mờ UBND ală xã: Ea Yông, Ea Kênh, Ea Knếch, Ea K'ly mờ Hòa Đông kung geh lơh duh hồl hô hơng ngan sơl. Tàm ală gơl gùng, ală rơndeh pơndiang phan, rơndeh lơ òr geh rơmòk dăp bềng plai sầu riềng jun tus ală anih blơi. Ai tàm ală hìu prăp phan, gi\t nđờ rhiang nă cau sac rwah, lơh kloh plai, lir sră mat tàm plai sầu riêng.

Bi Dương Quốc Khánh là cau kă phan tàm [òn dờng Đà Nẵng là cau neh rlau 5 nam do sùm lòt blơi sầu riêng tàm do pà gi\t: Kàl sầu riêng nam do digơlan blơi pơgăp 20 rbô tấn plai jun tus anih ơhò ơm Khánh Hoà nàng tăc mờ lơgar ndai.

Sầu riêng nam do lơh geh uă rlau mờ nam lài pơgăp bơh 30- 40%, plai den kung bơkah rlau tài bơh geh làng bol sền gàr niam rlau. Tơngai tu\ do den blơi pơgăp 70 rbô đong dùl ki\ blơi tàm sươn, anih blơi phan a` dê dùl ngai blơi pơgăp bơh 60-70 tấn plai. Plai blơi den cèng tus anih ơhò ơm nàng khi blơi wơl tơnơ\ hơ\ tăc tus mờ ală lơgar bè Lo, halà Thái Lan, mờ geh tu\ là tăc mờ Lào, đơs bal là tăc mờ uă ngan lơgar…

                           Drà blơi uă ngan rlau jơh sầu riềng kung gam là Lo, Lào sơl…

Krông Pac là tiah tam uă ngan sầu riêng bơh càr Dak Lak dê. Jơh gùt kơnhoàl geh pơgăp 1.500 lồ sầu riêng, tàm hơ\ rlau 1000 lồ gam tàm tơngai ai sa, uă ngan là tàm ală xã: Ea Yông,  Ea Kênh, Ea Knếch, Ea K'ly, Hòa Đông mờ thị trấn Phước An. Nam do, trồ tiah niam, sầu riêng geh uă plai, cồng nha lơh geh kờp du\ geh 350 rbô tấn. Mờ khà priă tăc kờp bal là bơh 60-70 rbô đong dùl ki\ bè tu\ do, den là ală cau tam tờm chi tam do là gơtùi lơm lơh geh pơgăp 2 rbô tơmàn priă.

Jat ồng Nguyễn Huy Hoàng, Kuang atbồ Phòng Nông nghiệp mờ Phát triển Nông thôn kơnhoàl Krông Pach, yal: ală nam rềp ndo bơh broă tam sầu riêng nàng kă bro, uă hìu bơnhă neh gơ gơs pas sơm ngan. Ồng Hoàng pà gi\t, tơngai tus, phòng Nông nghiệp geh dan mờ UNBD kơnhoàl, gah lơh broă sa sươn sre càr dê ai lơh măt kă bro sầu riêng là phan bơna pơnrơ is bơh tiah do dê.

Nàng plai sầu riêng bơh Krông Pach dê geh uă cau gi\t, bol a` neh lơh mat kă bro ai sầu riêng bơh kơnhoàl dê in. Nàng lơh broă do, bal mờ broă crơng gơs tổ hợp tác xã sùm tam phan den bol a` neh lơh geh ală anih blơi phan bơh phan lơh geh tus drà kă bro. Pơn jat hơ\, bol a` geh lơh pang web nàng tu\ pờ pang web do den jơh tơl nă cau làng bol tàm càr, tàm gùt lơgar mờ geh tu\ là cau tàm dunia kung geh gi\t sơl bè plai sầu riêng bơh kơnhoàl bol a` dê.

Cau mblàng Lơ Mu K’Yến