VOV4.K’ho- Drim ngai (24/9), tàm Bảo tàng Dak Lak, Sở Văn hóa – Thể thao mờ Du lịch càr pơgồp bal mờ Tiah tềl lời wơl kah yau Chủ tịch Hồ Chí Minh tàm hìu Chủ tịch  bơyai lơh sơn đờm mut lơh dơ\ ràng tơlik rùp Hồ Chí Minh- Rài kis mờ broă lơh.

Geh lơh bơh tu\ do tus jơh nhai 12/2020, dơ\ ràng tơlik geh 268 pang rùp, sră nggal jat 6 tơngume bè rài kis mờ broă lơh Bác Hồ dê mờ bè ală broă lơh bơh jơi bơtìan kòn cau càr Dak Lak dê tàm broă bơsram mờ lơh jat krơh niam rài kis Bác Hồ dê.

Tus bal tàm dơ\ ràng tơlik, ồng Bùi Văn Cường, Bí thư Tỉnh ủy đơs là, do là broă lơh geh kuơ màng tềng đap Pơrjum dờng Đảng bộ càr dê dơ\ 17. Bơh hơ\, pơgồp bơnah tơnguh broă bơsram mờ lơh jat Bác Hồ bơh kuang bàng, làng bol Dak Lak dê geh ngai sơlơ ngan ngồn mờ mut lơh jrô rlau tai.

Cau mblàng K’ Hạnh