VOV4.K’ho - Càr Dak Lak neh tam cah is gơwèt mờ 300 nă cau kờ` rơcang sơndră mờ kòp Covid-19. Broă geh 241 nă cau neh jơh tơngai tam cah is mờ bơta pràn kơl dang să jan bè ờs; gùt càr ờ gơtìp cau lơi go\ mờ kòp là cồng nha niam bơne\ ngan gơwèt mờ ală cau gam pơn jăt tai tàm tơngai tam cah is.

Bơdìh hơ\ tai, càr Dak Lak kung gàr tơl niam ală bơta tàm rài kis, niam ờ do ờ dă, kloh niam broă rơcang sơndră mờ kòp tàm ală hìu tam cah is, den tàng cau tam cah is ờ ngòt gơbàn bơta lơi.

Ồng Nguyễn Văn Thắng bal 3 nă cau pròc mhàm bơh càr Bắc Giang tus tàm càr Dak Lak kờ` tus jun bap kơmòn ùr tàm kơnhoàl Krông Păc.

                         Kuang đơng lam càr Dak Lak còp mờ pà phan ai ală cau tàm tiah tam cah is in

Tơnơ\ mờ tu\ l^k bơh [làng rơndeh par Buôn Ma Thuột ờ hềt jo\, ồng Thắng bal mờ cau pròc mhàm neh dờp jơnau yal bơh gah lơh sơnơm sồr lơh jăt broă tam cah is kờ` sền gròi bơta pràn kơl dang să jan tài geh đì bal mờ cau neh geh tu\ tìp rềp mờ cau kòp Covid-19.

Tơnơ\ mờ ngai hơ\ ồng Thắng bal mờ cau tàm hìu nhă tòm geh cèng tus tàm tiah tam cah is tơrgùm bal càr Dak Lak dê. Wă tus mờ bơta ngòt rơngơ\t bơh kòp gơtòp, den tàng bu\ lah ờ tus mờ dơ\ jun bao kơmòn, 3 nă cau tàm hìu nhă ồng Thắng gam chờ hờp tàm tiah tam cah is tơl 14 ngai:

-Bơh tu\ mu\t tàm do den geh ală bác sĩ bơto sồr tàm broă ơm kis, go\ ală bác sĩ jơh nùs, geh sào sa tơl. Bơh ală bác sĩ boh bơr mờ geh tam cah is bè do den di lah geh cau lơi gơtìp mờ gơwèt tàm mpồl tam cah is den yal mờ hìu sơnơm kờ` he geh mu\t tàm do geh sền gròi, broă sào sa tàm do niam ngan, kloh, sào sa tơl di bè broă sào sa ờs mờng mờ niam ờ do ờ dă tus mờ să tòm, cau tàm hìu nhă mờ ală cau in.

Ngai 17 nhai 3, tus wơl hờ hìu bơsram tơnơ\ mờ dùl tơngai neh rê hờ [òn lơgar tòm tàm càr Ninh Thuận-do là tiah kòp Covid-19 gam gơbàn kal ke, Châu Nữ Hoàng Anh, cau bơsram dờng tàm hìu bơsram Đại học Tây Nguyên neh yal mùl màl bơta tàm să jan mờ hìu bơsram kờ` geh broă bơsong di pal.

                              Ală cau lơh broă jùt, [ồm sơnơm lơh kloh vi trùng tàm tiah tam cah is tơrgùm bal

Tơnơ\ mờ hơ\, oh geh yal tam cah is tơrgùm bal den tàng pal lơh jăt nền nòn. Rơlao 1 poh ơm tàm do, oh geh cau lơh sơnơm bơto nền nòn, ală broă tàm rài kis pah ngai kung gam geh lơh tơl:

-Bơh tu\ mu\t tàm do den bơta duh să jan bè ờs, ờ bơsiă ờ duh să. Tàm do cau sền gàr he niam ngan, ngai lơi kung geh còp să sùm mờ was bơta duh să jan ngai 2 dơ\, anih ơm den kloh niam, geh l^k tàm pràn să jan tai.

Kung ndrờm mờ Hoàng Anh sơl, tu\ rê bơh Hà Nội-do là tiah neh geh dờp uă cau gơtìp kòp Covid-19, lo\ Nguyễn Hoa Quế, kis tàm kơnhoàl Cư\ Mgar neh yal mờ cau lơh sơnơm mờ dan geh tam cah is, tài lo\ Quế đơs là, lơh jăt di mờ kơrnoăt geh ai, lài jơh là sền gàr bơta pràn kơl dang să tòm, tơnơ\ mờ hơ\ là sền gàr bơta pràn kơl dang mpồl bơtiàn in tai:

-Tus tàm do a` kung dan tam cah is kờ` lài jơh là gàr niam să tòm a` dê mờ hìu nhă bal mờ cau tàm [òn lơgar. A` gơlơh iang nùs ngan tu\ ơm tàm do, ală cau sền gàr nền nòn ngan. Pah ngai bol a` geh was bơta duh să ian 2 dơ\, geh sào 3 dơ\ nền nòn ngan.

Jăt bác sĩ Trịnh Quang Trí, Phó kuang atbồ drơng broă tòm sền gròi kòp tê jê să càr Dak Lak yal, làng bol lơh jăt broă tam cah is tơrgùm bal tàm tiah tam cah is tơrgùm bal càr dê geh gàr niam ală bơta tàm rài kis, tơl ală phan ngui tàm rài kis pah ngai, geh sào sa tơl 3 dơ\ tàm 1 ngai mờ khà mờr 60 rơbô đong tàm 1 nă 1 ngai geh mpồl kuang àng dờp lơh.

                                             Piang sào bơh ală cau tàm tiah tam cah is tơrgùm bal

Mờ pah ngai tàm do sùm geh bơh 8 tus 10 nă cau lơh sơnơm tus bơh anih sền gròi kòp tê jê să càr, anih lơh sơnơm [òn dờng mờ hìu sơnơm [òn dờng Buôn Ma Thuột sền gàr sùm ngai kung bè mang kờ` bơto pơlam, sền gròi bơta pràn kơl dang ală cau in; lơh jăt broă lơh kloh niam tàm tiah kis, [ồm sơnơm lơh kloh vi khuẩn.

Kung jăt bác sĩ Trịnh Quang Trí yal, tàm tơngai tus, bơta kòp Covid-19 gam pơn jăt tai kal ke, mpồl đơng lam rơcang sơndră mờ kòp Covid-19 tàm càr Dak Lak geh pơn jăt tai pờ tai tiah tam cah is tơrgùm bal kung bè rơcang tơl cau lơh broă, phan lơh broă kờ` wă rò tai gal cau rê bơh tàm tiah gơbàn kòp ha là tìp rềp mờ cau gơtìp kòp Covid-19:

-Tàm broă tam cah is den anih sền gròi kòp tê jê să lơh jăt broă wă rò, tam cah is, bơto sồr tam cah is mờ lam sồr ală cau tus tam cah is kờ` lơh broă bal. Tàm tu\ hơ\, mpồl kuang àng den bơyai sền gàr mờ jun ală phan sa làng bol in.

Tus do di gơlan khà cau bơh lơgar bơdìh rê ha là khà cau geh tu\ tìp mờ cau kòp den geh gơguh tàm 1, 2 poh tus. Di gơlan mu\t tàm bồ nhai 4 geh lơh tai tiah tam cah is tàm KM6, sơnah [òn Tân Hoà. Khà jơnờng tam cah is di gơlan 300 nơm.

Dak Lak gam là càr ờ hềt geh cau lơi geh go\ mờ kòp SARS-CoV2, mơya bơta kòp gơtòp tàm dunia kung bè tàm lơgar Việt Nam geh ală bơta kal ke, broă tơnguh uă kơnòl mờ mpồl bơtiàn bơh broă lơh jăt broă tam cah is là pal geh lơh.

Mờ ală cau neh mờ gam lơh jăt broă tam cah is tàm càr Dak Lak, do là broă lơh geh kuơ tàm broă lơh jăt kơnòl mờ să tòm, hìu nhă mờ mpồl bơtiàn tềng đăp mờ broă di gơlan gơtòp bơh kòp.

Cau mblàng Ndong Brawl