VOV4.K’ho- Mang ngai 12/11, kơnhoàl Krông Nô, càr Dăk Nông neh sơnđờm lơh Ngai chờ Niam chài, tàp pràn să jan ală jơi bơtiàn kơnhoàl Krông Nô nam 2020. Ngai chờ geh bơta tus bal bơh 11 mpồl ală nghệ nhân, cau chài đơs crih tam ya bơh ală jơi bơtiàn ơm kis tàm ală xã mờ thị trấn tàm kơnhoàl dê.

Mpồl cau chài dròng cing xã Quảng Phú

Geh lơh tàm 2 ngai, 12 mờ 13/11, ngai chờ geh uă broă lơh li la, bè lơh tơngo\ wơl ală broă lơh pơrjum duh khuai lơh yàng pin dờn mờ ală đờng goòng jơi bơtiàn kòn cau; Broă lơh hìu bơhiàn yau; Pơrlòng chi gơnơng mờ ală môn tàp pràn să jan rài yau; Pơrlòng soh phan bơhiàn yau; Pơrlòng tru\ gơm phan sa mờ ală jơnau nhơl rài yau.

Mò H’Glang, cau M’nông ơm tàm thôn Phú Lợi, xã Quảng Phú, kơnhoàl Krông Nô, càr Dăk Nông đơs là, broă bơyai lơh ngai chờ geh pơgồp bơnah prăp gàr mờ ngui niam ală bơta kuơ niam chài bơh yau bơh mpồl bơtiàn ală jơi bơtiàn tàm ù tiah kơnhoàl dê. Mò H’Glang, đơs: A` chờ hờp ngan tài bơh dơ\ lơh chờ ală jơi bơtiàn Krông Nô a` đơs is mờ càr Dăk Nông đơs bal. Làng bol pơgồp bal bơta chờ hờp nàng tam klăc bal ală jơi bơtiàn he, tìp măt lơh quèng lùp bơsram bal bơta mờng chài, dong kờl bal bè bơta niam chài, lơh sa jơh ală bơta bơh rài yau jơi bơtiàn he dê niam rlau. Kơnhoàl Krông Nô a` bơyai lơh ngai chờ niam chài tàp pràn să jan là tơngkah jơh tơl nă cau ờ go\ di hu\i, tài bơh do là bơta niam chài lơh rài bồ tơngoh jơi bơtiàn he dê, nàng oh kòn kòn sau he ờ go\ hu\i ală jơnau đơs pơnđik, tam ya, ală jơnau đơs crih bơh ală jơi bơtiàn dê bè jơnau pơnđik Rơđê, M’nông, Jrai..

Cau mblàng Lơ Mu K’Yến