VOV4.K’ho - Tềng gơbàn kal ke nisơna bơh trồ tiah tàm ala\ càr Tây Nguyên la mìu ua\,  neh lơh ua\ suơn kơphe tàm kơnhoàl Dăk Rlấp,  đah jum càr Dak Nông gơbàn ala\ bơta bơsềt kòp lơh aniai geh lơh aniai ngan tus khà niam mờ geh bơh plai kơphe nam do.

            Hìu nha\ mò Trần Thị Sáu kis tàm [òn 9,  xã Nhân Cơ, kơnhoàl Dak Rlấp geh 2 lồ kơphe gơ ai tơnhàu pah nam 6 tấn kơphe gar. Bulah bè hơ\,   tàm 2 nam do,  2 lồ kơphe bơh hìu nha\ mò Sáu mìng ai tơnhàu geh  gam di 4 tấn gar kơphe. Mò Sáu  pà git, nam pa do,  bơh gơbàn aniai bơh dùl dơ\ trồ prang jo\ jòng den tàng kơphe tơt plai ờ ua\. Mờ nam do,  bơh gơbàn aniai bơh dơ\ mìu dờng sùm den tàng kơphe gơbàn gơ jrùh  plai mờ gơbàn ala\ bơta bơsềt kòp lơh aniai, den tàng ngan tàm nam do, di gơlan suơn kơphe bơh hìu nha\ mò pơnjat tai geh ờ tơl cồng nha geh mờ  gơ mù plai geh. Mò Trần Thị Sáu đơs:

            Nam do bè  bơh hìu nha\ a` dê suơn neh bồm sơnơm geh di 2 dơ\ hơ\ sồng ngai mìng mong lah geh bồm tai sơnơm mơya trồ tiah sùm mìu den tàng ờ hềt gơtùi bồm. Pơndrờm mờ nam lài, den pal gam ua\, mơya tu sa aniai bè do di 3, 4 nhai tơnơ\ geh pic kung  gơ jrùh ua\ tài ua\ mìu. Bơsềt phồng geh,  bơ sềt kò geh,  gơbàn ro ntê,  jù plai mờ gơ jrùh, jơh gơ jrùh nha tus gơ jrùh plai,  lòt kleh tờk hala koh ntê den go\ bơsềt la ua\ ngan.

            Drờm bè hìu mò Sáu,  suơn kơphe hìu ồng Lê Văn Song, [òn 7 xã Nhân Cơ kung  gơbàn ala\ bơta kòp bè tep rtèl nha, bơsềt phồng. Ồng Song ai git, bơdĩh mờ broa\ gơbàn aniai bơh trồ tiah, den suơn kơphe ồng dê kung neh kra,  ai tơnhàu slơ ngai slơ gơmù. Den tàng ngan,  ồng kơp kờ` ala\ kơna\, sơnah broa\ lơh tàm gah lơh sa suơn sre bơh [òn lơgar dê pal dong mhal mo làng  bol tàm broa\ rwah sơnơm,  phơng tuh nàng gàr niam khà tàm drà ka\ bro kờ` gơtùi bơtàu tơnguh kơphe kơljap:

            Sươn kơphe hìu nha\ a` kung  gơbàn kòp ua\ ngan bè kòp tep rtèl nha, bơsềt phồng, hìu nha\ gam sơng ka sền gàr ờs mơya gơ ờ hoan ua\ plai. A` kơp kờ` ala\ kơna\ mpồl geh bơto pơlam làng bol rcang sơndra\ kòp mờ sơng ka sền gàr kơphe tàm nhai mìu mờ lơh mbè lơi làng bol cau tam kơphe geh bơsram bè sơng ka sền gàr kơphe nàng  lơh geh kơphe kloh.

            Jat Phòng nông nghiệp kơnhoàl Dăk Rlấp, kờp jơh ba\ kơphe kơnhoàl dê tus tu\ do tam di pơgap 17 rbô 400 lồ,  kơnhoàl kung neh mut lơh broa\ tam pa wơl kơphe  rlau 3 rbô lồ. Bulah bè hơ\,  bơnah ua\ ngan ba\ ù gam wơl la ala\ suơn kơphe neh kra, buơn ngan gơbàn bơsềt kòp lơh aniai tàm tơngai trồ tiah niơsna.

            Ồng Trần Hùng Thịnh, Chủ tịch hội khuyến nông xã Nhân Cơ ai git,  ala\ kơna\ mpồl geh lơh ngan lam sổ làng bol tam pa wơl kơphe tàm ala\ suơn kơphe neh kra nàng tơngguh cồng nha kơphe geh,  gơbàn aniai tus  cồng nha lơh geh kơphe kloh, kơljap. Bal mờ hơ\ tai,  geh lơh lài lơh bal mờ cau lơh broa\ bal bơto pơlam broa\ lơh sa tàm ala\ [òn nàng geh tus mo pơlam làng bol geh ngui ala\ bơta sơnơm bồm bơsềt kòp tềng đang tờm kơphe. Ồng Trần Hùng Thịnh ai git:

            Bè đah bơto pơlam broa\ lơh sa, bol a` neh bơyai lơh ala\ mpồl cau lơh broa\ bal bơto pơlam broa\ lơh sa tàm ala\ [òn, mờ mut lơh  lam sồr  ai tus ala\ broa\ lơh bơh  cau lơh broa\ bal lam sồr làng bol bơyai lơh rcang sơndra\, bồm sơnơm nàng kơryan bơsềt kòp phồng. A` kơp kờ` tàm tơngai tus, trồ tiah geh niam rlau  den làng bol geh mut lơh bồm sơnơm di pal mo nàng  ba` lơh gơbàn aniai ir tus mờ suơn kơphe làng bol dê.

            Ồng Cao Quý Thương, atbồ Phòng nông nghiệp mờ Phát triền nông thôn, UBND kơnhoàl Dăk Rlấp, càr Dak Nông tơng kah làng bol bè broa\ sơng ka sền gàr kơphe tàm nhai mìu:

            Mờ tờm kơphe tàm nhai mìu sùm gơbàn aniai  bơh tu sa aniai, ngan la kòp bơh bơsềt phồng, kơnhoàl neh mut lơh ua\ ơdu\ bơto pơlam, ngan la pa do neh bơyai lơh 11 ơdu\ bơto ai tus 11 xã, thị trấn,  bè tam pa wơl kơphe, sơng ka sền gàr kơphe tàm nhai mìu… ngan la geh lơh bal broa\ lơh, broa\ lơh pờ geh ala\ ơdu\ bơto dong kờl sơng ka sền gàr kơphe, ngan la  ai  bơta tơnơ\ tơnhàu. Bol a` geh đơs lài mờ làng bol cau tam kơphe pal ngui  ala\ bơta  phơng tuh geh pin dờ`, geh bơnga\ tàm drà ka\ bro, ngui tàm lơh sa tam kơphe kơljap jat gùng hữu cơ bal mờ lơh sa jat ala\ broa\ lơh 4C, nàng  gàr niam khà tơlik tac drơng tus broa\ lơh tơlik tac mờ lơgar ndai cèng geh cồng nha lơh sa ai  tus làng bol  cau lơh broa\ sa in.

                                          Cau cih mờ yal tơnggit K’ Brọp