VOV4. K'ho - Bơh nam 2016, sơntìl prìt nam Mỹ neh geh ai tam  ờ ua\ tiah bơh kơnhòal Buôn Đôn, càr Daklak. Nàng gàr bơta kuơ làng bol dê, gah lơh broa\ geh gơnoar bơyai lơh geh lơh broa\ bal mờ mpồl lơh sa ka\ bro dong kờl sơntìl,  pơlam bơta chài mờ blơi jơh prìt tam geh làng bol in. Mờ  broa\ lơh  bal do,  prìt gam gơ gơs la chi tam pờ geh bơta kơp kơnờm pa tàm  bơta tam gơl rơndap chi tam tàm [òn lơgar.

Suơn prìt rlau 1 lồ bơh hìu nha\ lo\ Phùng Thị Mai, kis tàm [òn Ea Mar, xã Krông Na, kơnhòal Buôn Đôn, càr Daklak tu\ do gam mut tàm nhai dơ\ 7, prìt neh rlau mờ bồ, dờng tờm neh rlau 20 phơng,  ờ ua\ prìt den neh rơp dùh,  gơtùi tơnhàu di 3-4 nhai tai.Lo\ Mai ai git, do la sơntìl prìt Nam Mỹ bơh dùl mpồl lơh sa ka\ bro tàm [òn dờng Hồ Chí Minh ai geh. Mpồl lơh sa ka\ bro do lơh broa\ bơh mờ Phòng nông nghiệp mờ phát triển nông thôn kơnhòal ky\ pơrgon mờ làng bol, dong kờl sơntìl,  bơta chài tam mờ sền gàr mờ blơi jơh prìt tơnhàu geh. Tàm tơngai tam,  ala mat phòng nông nghip kơnhòal mờ cau lơh broa\ gah kỹ thuật bơh kông ti sùm  geh tus còp suơn prìt, sền jat sùm  tu sa aniai mờ geh pơlam ala\ broa\ bồm sơnơm sơndra\ tu sa.

Kong ti khi rê ring bơh hờ xã,  tus kơnhòal ky\ sra\ pơrgon blơi jơh prìt  lơh geh, Gah kỹ thuật  bal mờ gah nông nghiệp khi sùm tus, di dùl nhai tus dùl nđờ  dơ\. Prìt den ù do kung gơ kờ` ngan, niam, jơnhua di 4 thơt jơh mờ nha, tờm den dờng ngan.

Suơn prìt hìu  lo\ Mai neh rơ\p dùh sơnđùng

Kung bè hìu nha\ lo\ Mai,  hìu nha\ mò H’ Nhap Hra kis tàm [òn Drêc A, xã Ea Huar, kơnhòal Buôn Đôn, tơmơ\ ua\ dơ\ tus sền ngan ngồn tàm ala\ suơn tam  tơ lòng mờ geh xã  nhap nhar lam sồr, neh khin cha tam 8 sào prìt sơntìl pa. Bulah pa tam mơya go\ prìt dờng gơs, êt tu sa. Rlau mờ hơ\ tai,  geh mpồl lơh sa ka\ bro sa\ tờm tus dong kờl sơntìl  mờ ky\ sra\ blơi  jơh prìt tam geh tơnơ\ geh sreh prìt,  tàm sra\ ky\ geh đơs loh,  dilah mpồl lơh sa ka\ bro gơbàn tìs ờ blơi prìt bè neh pơrgon den pal tơm làng bol in 100 tơlak pria\ dùl lồ, den tàng hìu nha\ iang nùs ngan. Mò H’ Nhap Hra đơs:

Tàm xã, kơnhòal bơyai lơh pơrjum mờ geh jơnau yal la kong ti mờr bơri, mờ bơklau a` kung neh lòt sền broa\ lơh tam tơ lòng bơh cau dê geh tam lài hơ\. Tơnơ\ hơ\, bol a` hơ\ sồng dan cih mat tam prìt. Klo cau yal kong ti  bơyai lơh blơi, blơi jơh  prìt bơh làng bol lơh geh den bol a` sơ\ sồng khin tam,  dilah mờ ìng geh bơcri  gời mờ  ờ geh anih ka\ bro den bol a` ờ khin tam lòng ờ.

Suơn prìt hìu mò H'Nhap Hra

Jat broa\ lơh tam gơl tam gơl chi tam geh tam tàm [òn  lơgar, nam 2016, kơnhòal Buôn Đôn crơng gơs mpồl đơng lam tam prìt tơlik tac mờ lơgar cau bơh Chủ tịch UBND kơnhòal la cau atbồ, geh lơh bal mờ Kong ti Cổ phần  đầu tư Việt - dùl mpồl lơh sa ka\ bro mìng tam mờ tơlik tac prìt mờ lơgar cau tàm [òn dờng Hồ Chí Minh, lơh gơs tiah mìng tam prìt. Mpồl lơh sa ka\ bro geh dong kờl làng bol mơ gùl bơta kuơ geh bơh sơntìl ròng  bơtờp mờ mô, geh pơlam kỹ thuâht sơng ka sền gàr mờ blơi jơh prìt tam geh. Tàm ờ ua\ broa\ lơh lài,  pria\ jền [òn lơgar geh dong kờl làng bol mơ gùl khà pria\ sơntìl  mờ ròt phan tuh dà tềm pềr.

Tus tu\ do,  kơnhòal Buôn đôn neh tam tơ lòng geh 24 lồ prìt Nam Mỹ. Ala\ suơn prìt drờm dờng,  gòn gơs niam, ờ ua\ suơn  prìt neh sơnđờm  dùh sơnđùng. Mò Trần Thị Thuỷ, Phó kuang atbồ Phòng nông nghiệp mờ phát triển nông thôn kơnhòal Buôn Đôn ai git,  jat  lơh sra\ pơrgon kong ti dê  geh blơi jơh prìt  sreh geh làng bol dê bơh pria\ 5 rbô tàm dùl kg. Mờ pria\ do, mìng  kờ` prìt niam tơl khà di 20 kg tàm dùl sơnđùng, kờp bal tơl lồ prìt tơnơ\ geh tơnhàu làng bol geh cồng  bơh 100 tơlak pria\ ua\  rlau pah nam.

Broa\ do neh geh broa\ lơh bơh kơnhòal, tu\ crơng gơs gơs den  ồng  Chủ tịch UBND kơnhòal geh lơh kuang atbồ,  mờ 13  gah lơh broa\  geh  gơnoar drờm geh tàm hơ\. Pơnjat mờ hơ\, kong ti ky\ sra\ tơn mờ làng bol geh bơta sền gròi bơh gơnoar atbồ [òn lơgar. Tus tu\ do,  geh ala\ ba\ suơn   prìt mờr tus nhai dơ\ 7 gơ bloh den tàng neh dùh sơnđùng bloh. Neh geh  ngai làng bol dê yal mờ kong ti nàng geh pơndiang tus ala\ ròt broa\ bè kơldung  glòm,  che mờ pơlam làng bol kờ` geh ngui tơnơ\ hơ\  khi  geh  ờ kờp pria\ tơnhàu. Tu\ do tus mờ ba\ ù do den làng bol iang nùs ngan  mờ geh bơta ai go\ niam tus kơnhòal.

Jat  rơndap broa\,  tàm nam do, kơnhòal Buôn Đôn geh tam tai 50 lồ prìt Nam Mỹ, mờ kờp du\ tus nam 2020, geh pờ ơnàng mờ geh gàr niam ba\ ù tam prìt tàm ba\ ù 200 lồ. Mờ broa\ lơh bal  mờ 3 cau la gơnoar at bồ- cau lơh sa – cau bơcri, gah lơh broa\ geh gơnoar geh sa\ tờm sền gròi,  cau bơcri kung geh ai sơntìl tam,  pơlam bơta  kỹ thuật mờ blơi jơh prìt tam geh bơh cau tam dê, prìt  Nam Mỹ gam pờ geh gùng pa bè bơta chi tam geh  tac yòm bơh lơh sa phan bơna tàm Buôn Đôn.