VOV4.K’ho – Nam do, tài trồ mìu, trồ prang tam gơl ni sơna neh lơh uă suơn kơphe tàm càr Daklak lì bơkàu, tơt plai ờ ring. Bơta do neh lơh cau tam kơphe ờ suk ngan bè dùl nam tơnhàu kơphe ờ geh.

Mò Lưu Thị Huyền ơm tàm [òn 7, xã Hoà Đông, kơnhoàl Krông Pach, càr Daklak pà git, jat ờs mờng, pah tu\ tus pơgap nhai 11, nhai 12 pah nam, hìu nhă mò neh pic jơh 1 lồ 2 sàu kơphe. Tơnơ\ hơ\ rơcang lời ra` pơgap 1 nhai, tờm kơphe mòn bơkàu tơl làm hơ\sồng mò [ồm dà dơ\ 1 kờ` dong tờm kơphe lì bơkàu dùl dơ\ le\, tơt plai ring. Mơya tàm kàl do, mò ờ gơtùi sơngka sền gàr jat broă lơh yau, tài bơh nhai 12 nam 2016 tus tu\ do, Daklak sùm geh mìu, trồ ờ huan tơngai den tàng uă ngan bă kơphe ờ hềt geh lời ra` nàng mòn bơkàu, ờ hềt [ồm dà tờm kơphe in sơl. Tàm tu\ hơ\, tài aniai bơh trồ tiah nisơna, jơh bă kơphe neh lì bơkàu, mơya lì ờ ring, lơh gơbàn kal ke tàm broă sơngka sền gàr. Mò Huyền pà git: “Bè ờs den pah nam, bồ nhai 1 neh [ồm 1 dơ\ bloh, mơya nam do tài trồ tiah tam gơl nisơna den tàng tus tu\ do hơ\ sồng [ồm dà, den tàng kung aniai uă ngan tus cồng nha tơnhàu kơphe.”

Ai hìu nhă bi Nguyễn Đình Long, ơm tàm thị trấn Ea Pôch, kơnhoàl Cư Mgar geh rlau 4 lồ kơphe gam tàm tơngai tơnhàu pà git, ală nam lài do, tus tu\ do hìu nhă neh [ồm dơ\ 2 tờm kơphe in. Mơya nam do, trồ tiah tam gơl nisơna, hìu nhă ờ hềt [ồm dà gơ ya tờm kơphe kung lì bơkàu, mơya lì ờ ring, digơlan cồng nha tơnhàu gơmù pơn drờm mờ kàl lài. Bi Nguyễn Đình Long ờ suk: “A` go\ nam do trồ tiah tam gơl nisơna, lài mờ sa tềp den mìu nhàc mờ khà lì bơkàu ờ uă, ai tu\ do neh nhai 3 hơ\sồng pa rơp [ồm dà dơ\ sơn rờp. Nam do trồ tiah tam gơl uă ir, khà bơkàu lì ờ niam mờ plai den digơlan tơt ờ uă, digơlan tơnhàu ờ geh, hìu nhă kung ờ suk ngan.”

Jat ồng Trương Văn Cao, atbồ Trạm tam phan mờ sền gàr phan tam kơnhoàl Krông Pach pà git: Nam do mìu ờ di kàl gơlik geh lơh aniai tus jơh ală bơta chi tam, ngan là tờm kơphe lơh gơmù cồng nha tơnhàu kàl tơ nơ\ in. Gah lơh sa suơn sre sồr làng bol rơcang lài sơngka sền gàr suơn chi, ơn tơl phơng jat tơngai dờng pràn nàng pleh gơtìp kòp tu sa aniai chi tam. Bulah bè hơ\, kờp du\ lài cồng nha tơnhàu kơphe kàl tus gơmù là digơlan gơlik geh. Ồng Trương Văn Cao pà git: “Nam do tài mìu jo\ jòng, trồ tiah mrềt lơh bơkàu kơphe lì rah rài, bulah làng bol ờ hềt [ồm dà mơya bơkàu kơphe neh lì mờ khà tơt plai ờ uă, den tàng digơlan lơh aniai tus cồng nha tơnhàu tơnơ\ do. Kuơ màng bơta sơngka sền gàr, [ồm dà làng bol dê kal ke ngan, tu\ do geh ờ uă cau pa [ồm dơ\ sơn rờp den do kung là bơta krơi mờ pah nam. Pah nam tu\ do digơlan neh [ồm dơ\ 2, dơ\ 3 den tàng broă lì bơkàu dilah gơtìp trồ tiah ờ niam den lơh khà tơt plai ờ uă mờ lơh aniai tus cồng nha tơnhàu kàl tơnơ\.”

                                                                                     Cau cih mờ yal tơnggit K’Duẩn