VOV4.K’ho - Khà lơh geh uă, bơta bơta kuơ ờ hềt uă là bơta geh ngan geh đơs tus uă tu\ đơs bè kơphe Việt Nam đơs bal mờ càr Daklak đơs is. Kờ` tơnguh bơta kuơ kơphe in, bơdìh mờ ală broă lơh tam, sơngka sền gàr kơphe jat khà tơl dunia den broă lơh tơnguh khà lơh gơlik uă kung geh càr sền gròi ngan. Nàng làng bol mờ gơp bơyô in git tai bè rơndap broă bơtàu tơnguh kơphe bơh càr Daklak dê tàm tơngai tus, cau ai tơnggit jơnau đơs do geh dơ\ lùp jơnau ồng Huỳnh Quốc Thích, Kuang jat jơng atbồ Gah lơh broă sa mờ bơtàu tơnguh [òn lơgar càr Daklak bè tơngume do:

Ơ ồng! Gơwèt mờ Gah lơh kơphe đơs bal mờ Gah lơh kơphe càr Daklak đơs is, bơh lài tus tu\ do, geh uă jơnau đơs đơs là, broă bol he tac hờ lơgar ndai kơphe ờ hềt lơh gơlik uă den lơh gơbàn bơta kuơ tac hờ lơgar ndai ờ uă mờ dùl tàm ală broă lơh geh ai tơlik là pal chồl pràn lơh gơlik uă. Bè hơ\, càr Daklak neh geh bơta sền gròi tus bơta do bè lơi ơ ồng?

Ồng Huỳnh Quốc Thích: Nam 2008, càr geh ki\ rơndap broă bơtàu tơnguh kơphe kơ\ kơljap tus nam 2015 mờ nam 2020 kung ai tơlik jơnau kờ` lơh gơlik uă. Bulah bè hơ\ tàm tu\ mut lơh neh ờ gơtùi lơh geh jơnau kờ` do. Tu\ do, càr gam jàu Gah lơh broă sa càr in đơng lam kờp sền wơl rơndap broă bơtàu tơnguh kơphe kơ\ kơljap mờ Anih duh broă làng bol càr tơlik kơrnuat sồ 41 tu\ do gam tong Anih duh broă làng bol càr sền sơ wì. Tàm rơndap broă do, kung ai tơlik jơnau kờ` lơh gơlik mơya bol he mìng ai tơlik tàm khà dipal rlau, pơn yơu bè khà lơh gơlik kơphe bòk halà kơphe klài lề pơgap bơh 10 tus 15%. Jat a` den khà do là dipal.

Ơi, bè hơ\ tàm rơndap broă dơ\ do khà lơh gơlik neh geh bơt bơtàu wơl gơ in dipal mờ bơta geh ngan. Bulah bè hơ\, kờ` lơh geh khà ai tơlik, gah lơh sa suơn sre neh geh ală broă lơh lơi ơ ồng?

Ồng Huỳnh Quốc Thích: Sền bè khà den go\, do là khà ai tơlik gơmù, mơya bè khà kơphe den ờ gơmù bè khà lơh geh. Tài bơh lài do mìng geh 350 rbô tấn, mơya tu\ do mùl màl bol he ai tơlik tus rlau 450 rbô tấn, geh tu\ geh nam rlau 460 rbô tấn. Bè broă lơh, bơdìh mờ ală anih mai\ kơphe tàm càr den kung hòi jà ală cau bơcri priă lơgar ndai tus bal. Do là broă lơh jo\ jòng, ờ gơtùi lơh mơ. Tơngai tus den geh ringbal ală broă lơh hòi jà bơcri priă kă bro, chul chồl jơnau kờ` cau ngui sa dê.

Ơi, ơ ồng bè ồng pa đơs, chul chồl jơnau kờ` ngui kung là dùl tàm ală broă lơh kuơ màng. Tàm broă chul chồl jơnau kờ` ngui tu\ do, drà kă bro ngui kơphe kung gam gơlik geh is tài bơta niam ờ hềt geh sền gròi mờ do kung là dùl tàm ală bơta kòl yan tu\ bol he hòi jà bơcri priă tus bal tàm gah do. Bè hơ\, gơ wèt mờ broă sền gròi bơta niam den gah lơh sa suơn sre càr neh geh ală broă lơh lơi nàng cau bơcri priă iang nùs rlau tu\ bơcri priă tàm gah lơh gơlik ơ ồng?

Ồng Huỳnh Quốc Thích: Den pal đơs là ờ mìng càr Daklak, mờ Gah lơh sa suơn sre kung sền gròi ngan. Gah lơh sa suơn sre dà lơgar neh rơ wah nam 2015 mờ pơnjat tai là nam 2016 là nam kloh niam ờ do ờ dă phan sa den broă atbồ bơta niam geh sền gròi uă ngan mờ càr kung neh geh rơndap broă bè sền gròi bơta niam phan lơh gơs bơh suơn sre brê bơnơm phan tàm dà bal tơn. Bè gah lơh sa suơn sre càr neh jàu đah atbồ bơta niam mut lơh ờ uă broă lơh phan sa niam mờ gơ wèt mờ kơphe den sền gròi uă ngan tus broă lơh gơlik mờ prap gàr kơphe. Kuơ màng là tơngai prap gàr kơphe gar mờ lơh gơlik kơphe bòk halà kơphe klài lề kung geh sền gròi. Gah lơh sa suơn sre càr kung neh bơyai lơh uă mpồl lùp sền, sền gròi nàng lòt sền ală anih lơh gơlik kờ` gàr bơta niam kơphe, ngan là kơphe bòk tu\ tac tàm drà kă bro.

Ơi, kơp kờ` mờ ală broă lơh ồng pa yal geh dong ală cau bơcri priă iang nùs tu\ bơcri tàm gah lơh gơlik uă mờ tơnguh khà lơh gơlik, tơnguh bơta kuơ tac kơphe hờ lơgar ndai uă rlau tàm tơngai tus. Dan ưn ngài ồng!

                Cau cih mờ yal tơnggit K’ Duẩn.