VOV4.K’ho – Ală ngai do, khà priă tiêu tàm ală càr Tây Nguyên sùm gơmù lơyah. Tàm Daklak, khà priă tiêu lồi poh lài mìng gam 83 rbô priă tàm 1 ki\, gơmù 10 rbô tàm 1 ki\ pơn drờm mờ 1 nhai lài hơ\ mờ gơmù mờr gùl pơn drờm mờ tơngai bal nam lài dê. Tàm dơ\ gơmù khà priă do, uă ngan cau lơh broă sa gơ lơh kwi kuơ ngan, tài tac mơ den gơtìp hoàc huơr, mờ prap ing den ngòt khà priă gam pơnjat tai gơmù, ngan là gơ wèt mờ ală hìu nhă mờ priă tac tiêu bơh ală kàl lài kung ờ hềt bơ tơl wơl priă bơcri:

Mờr 1 nhai lài, hìu nhă ồng Phạm Văn Hà, ơm tàm [òn 6, xã Cư Ewi, kơnhoàl Cư Kuin, càr Daklak tơnhàu rlau 300 tờm tiêu geh mờr 1 tấn mờ gùl tiêu gar. Go\ khà priă hơ đơm 100 rbô tàm 1 ki\ là lơyah rlau mờ nam lài, ồng Hà neh prap wơl khà tiêu pa pic. Mơya tu\ do, khà priă sơlơ gơmù lơyah rlau tai, hìu nhă ồng Hà ờ khin prap tai, pal tac nàng geh priă tơm ală bơnah càn gam mờr tus tơngai tơm. Ồng Hà pà git: “Pah nam den tus tu\ do, khà priă tiêu pơgap 170 rbô tàm 1 ki\. Nam do, khà priă tiêu mìng geh rlau 90 rbô tàm 1 ki\. Tu\ do khà priă pơnjat tai gơmù, hìu nhă kung gam kwi kuơ, mơya digơlan sền gròi ală bơta gơlik geh den kung pal tac.”

Bulah khà priă gơmù mờr 50% pơn drờm mờ nam lài, mơya jat ồng Nguyễn Văn Tỵ, kuang atbồ Hợp tác xã lơh sa suơn sre Thống Nhất tàm sơnah [òn Khánh Xuân, [òn dờng Buôn Ma Thuột, cau tam tiêu kung ờ hềt gơtìp hoàc huơr. Geh tu\, dilah cồng nha tơnhàu geh 4 tấn tàm 1 lồ, ală cau tam tiêu kung geh priă cồng uă rlau mờ ală chi tam ndai tàm càr. Ồng Nguyễn Văn Tỵ đơs là, tac halà pơnjat tai prap là gơjat tàm bơta pràn lơh sa bơh tơl nă cau, tơl mpồl lơh sa kă bro dê, mơya ba` kơp bơtuah khà priă tiêu gơguh jơnhua bè lài do tai. Ồng đơs: “Cau geh priă jền den bulah khà priă gơmù prap wơl kung ờ gơtìp bơta aniai lơi. Mơya gơwèt mờ hìu nhă bè ờs den ngan là pal tac. Jat jơnau dờp git bơh să tờm a` dê, tiêu pơn drờm mờ nam lài den khà priă tac lơyah, mơya pơn drờm mờ ală bơta chi tam ndai den ờ di là lơyah. 1 ki\ tiêu tu\ do ndrờm mờ 2 ki\ gùl kơphe, khà priă bè hơ\ ờ di là lơyah. Ờ khin kơp tus khà priă tiêu geh wơl pơgap 200 rbô tàm 1 ki\, pơgap 100 rbô tàm 1 ki\ là kung di đau.”

Bơh bồ nam tus tu\ do, Daklak tac hờ lơgar ndai mờr 1 rbô 500 tấn tiêu gar, geh mờr 30% rơndap broă tàm nam, gơguh 2,3% bè khà mơya gơmù 25% bè priă lơh geh tài khà priă tac mờ lơgar ndai gơmù. Jat Phòng tac mờ blơi phan bơh lơgar ndai di Sở Công thương Daklak, bơta kơp kơ nờm tiêu gơguh wơl khà priă là ờ huan geh ngan. Mờ ală cau pa geh priă jền bơh tiêu, broă prap ing digơlan lơh khi sơlơ gơbàn dồs uă rlau tai.

                 Cau cih mờ yal tơnggit K’Duẩn