VOV4.K’ho- Bơh bơta pràn jak bơh tờm rơmi\t dê tàm ù tiah càr Daklak, bồ nam 2017 pa do, uă mpồl lơh sa kă bro neh tus sền mờ bơcri priă tam rơmi\t gơ gơs tiah tam rơmi\t ngui nàng lơh gơlik sơnơm. Tàm khà hơ\ geh công ti Solavina, dùl tàm ală công ti sùm tam chi lơh sơnơm mờ bơcri priă lơh gơs sơnơm tăc mờ lơgar ndai.

Bơh lòt sền bơh sơnrờp, công ti neh rwah geh 200 hìu bơnhă bal mờ 200 lồ tàm kơnhoàl Krông Pach, càr Daklak nàng lơh bal rơndăp broă lơh do. Ală hìu bơnhă làng bol lơh bal rơndăp broă lơh do geh công ti dong kờl sơntìl, bơta chài mờ geh ki\ sră pơrgon blơi jơh phan lơh geh.

Tu\ do, bă ù tam rơmi\t neh geh ală broă lơh gơn kơnờm ngan. Ồng Nguyễn Hồng Quang, Chủ tịch Hội đồng quản trị, Tổng giám đốc công ti Solavina, yal bè gùng dà bơtàu tơnguh tiah tam chi lơh sơnơm kung bè broă lơh bal đah mpồl lơh sa kă bro mờ cau lơh broă sa:

Ơ ồng Nguyễn Hồng Quang, ồng geh jơnau đơs lơi bè bơta pràn bơh tờm rơmi\t dê tàm càr Daklak?

Ồng Nguyễn Hồng Quang: “Tiah Tây Nguyên đơs bal, Daklak đơs is là dùl kơnhoàl ù tiah geh trồ tiah ai pà niam ngan rlau jơh bal mờ 2 kàl là kàl prang mờ kàl mìu. Ù tiah pơrhê bazan geh dùl bơnah phan nđiơm gơs niam ngan den tàng là dùl tàm ală tiah bơtàu tơnguh bơh tờm chi tam lơh broă sa sươn sre niam ngan rlau jơh tàm lơgar Việt Nam.

Dơ\ bàr là tiah tam bơh Daklak dê ù tiah gam uă ngan, mờ tờm rơmi\t bàr pe nam pa do, cau lơh broă sa kung neh geh gùng dà bơtàu tơnguh tam gơl mờ tờm rơmi\t. Tờm rơmi\t [ươn ngan tam mơkung là dùl tờm chi lơh geh phan ngui lơh sơnơm niam ngan.

Gùng dà hơ\ geh công ti lòt sền mờ sền swì nền nòn ngan mờ sền go\ là tàm bàr pe kơnhoàl tàm càr Daklak dê lơh geh bơnah phan ngui lơh sơnơm Curcumin tàm tờm rơmi\t uă ngan. Den tàng, bol a` neh bal mờ ală cau jak kơlôi sơnơng mờ geh ală broă lơh tam mờ neh bơcri sơngka sền gàr niam ngan ai tờm rơmi\t tàm Daklak in”.

Bè hơ\, bơh bơta pràn hơ\, công ti neh geh gùng dà bơtàu tơnguh bè lơi gơ wèt mờ tờm rơmi\t tàm Daklak, ơ ồng?

Ồng Nguyễn Hồng Quang: “Tu\ do, công ti neh geh gùng dà mờ bơtàu tơnguh tam rơmi\t tàm 5 kơnhoàl bơh càr Daklak dê bal mờ bă ù tam rơmi\t bơh nam 2017 dê là pơgăp 200 lồ. Công ti neh bơcri priă blơi sơntìl, bơcri priă blơi phơng sih, bơcri priă lơh jơh ală broă sơngka sền gàr ai làng bol lơh broă sa, ai ală hợp tác xã mờ tổ hợp tác in. Wèt tus tam mờ lơh gơlik tờm rơmi\t gơ cèng mat kă bro Daklak dê.

Bol a` kung neh geh broă lơh pơlam sơngka sền gàr pik tơnhàu jat di tơl khà bơh Bộ Y tế dê. Tu\ do, công ti kung neh geh gùng dà bơcri priă ai ală hìu măy lơh gơs phan bơh sơnrờp in tàm ală kơnhoàl tàm ală tiah tam bơh he dê. Nam 2018 geh bơcri priă lơh hìu măy lơh gơlik Curcumin tàm càr Daklak”.

Ồng pa đơs bè broă lơh sa jat tơl khà bơh Bộ Y tế dê, bè hơ\ ngan ngồn là tơl khà lơi, mờ jơnau pal geh bè lơi, ơ ồng?

Ồng Nguyễn Hồng Quang: “GACP là dùl bộ tơl khà bơh Mpồl lơh sơnơm dunia- WHO mờ Bộ Y tế dê ai. Do là tơl khà mu\t lơh sơngka sền gàr mờ tơnhàu ờdo ờdă. Bol he pal ờ go\ di ngui sơnơm tu, ờ go\ di ngui chế phẩm hoá học mờ pal lơh jat anih lơh gơlik tàm tiah tam.

Mờ chi tam sơntìl geh anih lơh gơlik. Chi tam sơngka sền gàr geh tơngai pik tơnhàu, tơngai sơngka sền gàr, ơn phơng, jì nhơ\t. Jơh ală broă lơh hơ\ geh ai lài mờ lơh broă bal mờ jơnau cih tàm sră nggal bơh cau lơh broă sa dê. Tu\ tơnhàu, jơh tơl nă cau kung pal lơh jat di tơl khà kloh, ờdo ờdă.

Do là tơl khà bơh sơnrờp cau lơh broă sa ờs mờng kung neh lơh sơl, mơya tu\ do mìng là tơrgùm wơl, sền swì wơl jơnau neh lơh pah ngai nàng gi\t loh anih lơh gơlik chi tam tàm tơngai tam mờ tiah tam”.

Ơ ồng, nàng lơh geh jơnau kờ` tàm broă lơh bơtàu tơnguh tờm rơmi\t tàm Daklak, công ti neh geh broă lơh bal bè lơi nàng làng bol in pin dờn lơh bal jo\ jòng?

Ồng Nguyễn Hồng Quang: “Công ti cổ phần Solavina là dùl công ti neh bơtàu tơnguh lơh bal đah 4 nă cau chài ngan. Cau lơh broă sa lơh bal mờ mpồl lơh sa kă bro là ală mpồl geh bơta pràn bè priă jền, cau jak chài là ală cau geh ală broă bơceh lơh ală tơl khà mờ ală broă ngui bơta jak chài mờ gơnoar atbồ.

Broă lơh do là dùl tàm ală broă lơh mờ bol a` neh lơh bal chài ngan. Tàm do bol a` kờ` tus tàm ală tiah tam lơh bal mờ cau lơh broă sa. Bơdìh mờ cau lơh broă sa, bol a` kờ` lơh jat bal gùng dà bơh gơnoar atbồ dê nàng đơng lam jơh nùs ală broă tam phan bơh ală hìu làng bol lơh broă sa, ală hợp tác xã mờ mpồl lơh sa kă bro. Hơ\ là ală jơnau mờ bol a` kung neh geh uă mờng chài lơh bal đah 4 nă cau”.

Ơi, ưn ngài ồng uă ngan!

Cau cih mờ yal tơngi\t- Lơ Mu K’ Yến