VOV4.K’ho- Tu\ do, bă ù tam rơmi\t tàm càr Daklak gơguh mhar ngan, gơguh tus khà mờr 7 rbô lồ. Mơya, uă bă ù tam rơmi\t là bơh làng bol dê tam is, bàr pe bă ù tam rơmi\t gam wơl là geh broă lơh bal mờ mpồl lơh sa kă bro.

Dùl tàm ală mpồl lơh sa kă bro bơcri priă tam rơmi\t gơ gơs tiah tam rơmi\t uă nàng lơh gơlik curcumin jat tơl khà dunia dê là công ti Solavina. Tàm jơnau do ngai do, bol a` lùp mò Hoàng Thị Thạo, Kuang atbồ Công ti Solavina càr Daklak bè ală gùng dà broă lơh bơh công ti dê tàm broă bơtàu tơnguh tờm rơmi\t tàm càr Daklak.

Ơ mò Hoàng Thị Thạo, tu\ do Công ti Solavina gam lơh bal mờ cau lơh broă sa tam rơmi\t tàm càr Daklak jat broă lơh lơi?

Mò Hoàng Thị Thạo: “Công ti neh geh gùng dà broă lơh là lơh sa lơh bal kơ\ kơl jăp mờ làng bol lơh broă sa. Công ti rwah ală hìu làng bol geh ù, geh cau lơh broă lơh sa sơnđờm lơh bal mờ ală tổ hợp tác xã tơnơ\ hơ\ ală tổ hợp tác xã geh ala mat nàng ki\ mờ công ti, den hơ\ sồng ai dùl broă lơh sơnđan là lơh broă bal lơh bal. Công ti geh blơi jơh phan bơna, pà sơntìl, phơng sih, bơto pơlam bơta chài tam sơngka sền gàr mờ pik tơnhàu, công ti blơi jơh ală phan bơna tàm tiah tam công ti ai”.

Bè hơ\, công ti lơh broă pà sơntìl, phơng sih mờ dong kờl bơto pơlam bơta chài tam mờ sơngka sền gàr ai cau lơh broă sa in bè lơi, ơ mò?

Mò Hoàng Thị Thạo: “Sơntìl rơmi\t geh mblàng geh uă jơi geh Viện dược liệu sền swì geh tơl khà niam den công ti geh blơi mờ ai làng bol in. Phơng sih geh ngui jơh ală mờ phơng vi sinh lơm. Dùl nơm hìu măy geh tơl khà GAP bơh măt È Rềt dê mờ công ti gam ki\ sră pơrgon mờ ai bơh tiah đah tô dà lơgar, tàm Tây Nguyên ờ hềt rwah geh hìu măy dipal, den tàng khà priă mờ công ti dê ai là jơnhoa ngan tài bơh priă pơndiang, mơya làng bol neh ngui lài neh geh jơnau đơs tă pơgồp wơl niam ngan.

Dơ\ bàr là ală broă lơh tam mờ sơngka sền gàr mờ công ti dê sồr, pa do geh sơl lòt bơto pơlam tơl khà GNP bơh mpồl lơh sơnơm dunia-WHO dê sồr, công ti bơyai lơh bơto pơlam làng bol là ờ go\ di ngui phơng hoá học, sơnơm tu tus dì phơng sih, tus mờ ală broă lơh tam sơntìl mờ phơng vi sinh mờ bơto pơlam, jơh ală là bơh công ti dê lơm ”.

Ơ mò, khà priă phơng sih kung bè khà priă blơi phan bơna geh công ti kờp bè lơi, nàng làng bol in iang nùs lơh broă bal jo\ jòng?

Mò Hoàng Thị Thạo: “Tăc là kờp khà priă ndrờm bè khà priă tàm drà dê sơl, priă sơntìl là dùl, priă phơng sih là bàr, broă bơto pơlam bơta chài tam mờ sơngka sền gàr, hơ\ sồng he kờp jơh bal, tus lồi nam den he kờp tàm phan bơna mờ he ai wơl.

Hơ pơrgon den công ti neh ai dùl khà priă hơ pơrgon bảo hiểm là 7 rbô 500 đong dùl ki\ kơnuh rơmi\t ris neh lơh kloh ù mờ kloh jơh rơyas. Do geh sền là khà priă kờp bal niam ngan rlau jơh, ai dilah khà priă drà kă bro digơlan gơguh, pơn yơu bè 7 rbô 800, 8 rbô mờ 9 rbô đong dùl ki\, den làng bol lơh broă sa, tổ hợp tác xã mờ công ti geh ring bal gơtùi tam pà ndrờm bal”.

Ơi, hơ\ là jơnau niam ngan. Mơya, lơh broă sa sươn sre den ờ gơtùi pleh klàs mờ jơnau digơlan gơtìp aniai hoàc hươr tài bơh trồ tiah, đơs pơn yơu là bè hơ\, den tu\ hơ\, công ti geh bơsong broă do bè lơi, ơ mò?

Mò Hoàng Thị Thạo: “Dilah lơh sa ờ geh tơnhàu, trồ tiah lơh aniai, trồ prang lơh aniai, halà gơtìp jơnau lơi hơ\, den bàr đah geh jơnau pơrgon bal. Bàr đah geh ko\ng kơnòl bal, pơn yơu bè gơtìp hoàc hươr jơh, den công ti digơlan roh jơh priă jền mờ công ti bơcri ai làng bol in, ai làng bol den roh jơh priă apah ù mờ priă apah cau lơh broă ”.

Ơ mò, tu\ do uă ngan cau lơh broă sa tam gơl bơh broă tam ală tờm phan sa ndai tus tam wơl tờm rơmi\t, lơh bă ù tam rơmi\t tàm Daklak dê gơguh uă mhar ngan. Bè hơ\, bơdìh mờ bă ù tam rơmi\t bơh công ti dê rwah dong kờl lơh tiah tam uă rơmi\t, den công ti geh blơi sơl phan bơna bơh đah bơdìh halà ờ?

Mò Hoàng Thị Thạo: “Pơn yơu bè rơmi\t lơh geh bơh làng bol dê uă ngan mơya pal lơh di tơl khà bơh công ti dê sồr, bè phan sền tơrlòng lài ờ go\ sền go\ sơnơm hoá học lơi tàm phan bơna. Bơh tu\ tam tus tu\ pik tơnhàu di mờ jơnau bơto pơlam, den công ti kung blơi sơl làng bol dê”.

Nàng bơtàu tơnguh kơ\ kơl jăp mờ jo\ jòng, den đah công ti Solavina neh geh ală gùng dà bè lơi gơ wèt mờ tiah tam uă rơmi\t tàm càr Daklak, ơ mò?

Mò Hoàng Thị Thạo: “Broă rơndăp lơh ai nam 2017 in là neh tam geh 320 lồ rơmi\t gam kis dờng niam ngan. Broă rơndăp lơh tơngai dơ\ 2, công ti gam lơh 3 hìu măy lơh phan bơh sơnrờp tàm kơnhoàl Krông Pach mờ 1 hìu măy lơh gơlik curcumin.

Mơya, ală kuang bàng đơng lam bồ gam geh bơta dong kờl uă ngan nàng lơh hìu măy lơh gơlik phan bơh sơnrờp tàm tiah Ea Yiêng ai làng bol lơh broă sa in. Nàng geh bơta kơ\ kơl jăp, jo\ jòng halà ờ mờ drà kă bro bơh rơmi\t dê geh sùm halà ờ, den công ti pal lơh hìu măy nàng phan bơna geh jun tus lơh gơlik phan bơh sơnrờp tơn, den khà priă geh niam rlau”.

Bè hơ\, bơdìh mờ Daklak, den công ti geh sơl jơnau kờ` rề ơnàng tai tiah tam uă rơmi\t tàm ală càr ndai halà ờ, ơ mò?

Mò Hoàng Thị Thạo: “Tiah ndai, den tu\ do bol a` ờ hềt geh broă rơndăp lơh tài bơh lơh sră blơi phan den bol a` mìng lơh tơl, lơh bè lơi lơh geh tơl khà bơh lơgar ndai dê sồr he in bè lơi, phan lơh geh tàm lơgar kung bè hơ\ sơl, den hơ\ sồng gơtùi kơ\ kơl jăp geh, tu\ do dilah blơi uă ir den he ờ jai gi\t gròi sền jơh”.

Ơi, dan ưn ngài mò uă ngan!

Cau cih mờ yal tơngit- Lơ Mu K’ Yến