VOV4.K’ho -  Bơh gơbàn aniai bơh trồ tiah nisơna, mìu ờ di kàl mờ bơta lơh sa ờ niam, rlau 1 rbô lồ tiêu tàm Daklak neh gơbàn chơt, hòac hươr git nđờ rhiang tơmàn pria\. Ba\ tiêu gơbàn chơt ua\ ngan tàm ala\ kơnhòal đah mat tơngai lik, tàm hơ\ ua\ ngan la Ea Kar rlau 800 lồ,  pơnjat tai la kơnhòal M’Drak mờ Cư\ Kui`. Gah lơh broa\ geh gơnoar ala\ kơnhòal neh  ai git bơt tài tiêu gơbàn chơt la bơh gơbàn gơ bam dà,  gơ tờp  ala\ bơsềt kòp. Bulah bè hơ\, jat ồng Nguyễn Hoài Dương atbồ Sở Nông nghiệp mờ phát triển nông thôn càr Daklak den gơbàn ngan  lơh tiêu chơt  ua\ la bơh  cau tam geh tam tàm ala\ ù tiah ờ gơ kờ` ờ lơh jat broa\ lơh tam. Ngai òr (2/3),  ồng Lê Quốc Doanh, Thứ trưởng Bộ Nông nghiệp mờ phát triển nông thôn dà lơgar neh bal mờ mpồl tus lơh broa\ lòt  sền nền nòn tàm ờ ua\ suơn tiêu gơbàn chơt tàm Daklak nàng geh pơlam mờ lam sồr broa\ geh lơh niam wơl tiêu.

                        Cau cih mờ yal tơnggit K’ Brọp