VOV4.K’ho – Tàm [òn dờng Buôn Ma Thuột, UBND càr Daklak pơ gồp bal mờ Mpồl lơh sa suơn sre ngui công nghệ cao Việt Nam bơyai lơh pơrjum “Tam klac bal tac hờ lơgar ndai jat ròt ală phan lơh gơs bơh ròng phan càr Daklak”. Daklak tu\ do geh rlau 1 tơlak 100 rbô nơm phan ròng dờng, mờr 10 tơlak nơm iar ơda. Tàm hơ\ mìng geh 20% ròng phan tơr gùm bal tàm rlau 400 wàng ròng dờng, gam wơl là ròng rah rài mờ dềt.

Tàm dơ\ pơrjum, ală kuang bàng đơs là, pơn drờm mờ bơta pràn bè bă ù, trồ tiah, ù tiah den khà phan ròng do kung gam ờ hềt dipal; broă lơh jat ală khà tơl tac hờ lơgar ndai gam ờ hềt uă, công nghệ lơh poac uă ngan là mờ tê, jơnau pơhìn [ơ\ [ơl tiah ơm kis uă, bơta niam phan lơh gơs ờ hềt tơl khà nàng drơng jơnau kờ` bơh drà kă bro tơlik tac dê… Daklak gam chồl pràn hòi jà bơcri priă bơt bơtàu ală tiah ròng phan tơr gùm bal, ngui công nghệ cao, ngan là ală rơndap broă ròng iar, sur, kơn rồ dà toh, kơn rồ lơh poac…

                                                                     Cau cih mờ yal tơnggit K’Duẩn