VOV4.K’ho – Jat cồng nha Cuping, hơ\ là lơyap lài nàng sền bơta niam kơphe dê bơh Hiệp hội kơphe Buôn Ma Thuột dê, geh 36% bơta kơphe geh sền tơl khà kơphe Robusta bơkah jat khà tơl dunia. Jat hơ\, ală cau jak chài neh sền sơwì, sền gròi 11 bơta kơphe Robustan geh tam tàm uă tiah mờ khà jơnhua bă ù, sơntìl, mờ broă lơh gơlik krơi is. Ală bơta kơphe geh sền gròi jat khà tơl CQI/SCA bơh Hiệp hội kơphe bơkah dunia dê. Jat khà tơl do, kơphe bơkah geh sền sơwì jat khà tơl bơta niam, broă lơh gơlik mờ anih lơh gơlik. Tu\ do tàm Daklak neh geh ờ uă mpồl lơh sa kă bro lơh kơphe do, mơya khà lơh gơlik kung bè bơta pràn kă bro ờ huan uă.