VOV4.K’ho- Ủy ban Nhân dân càr Daknông pa ki\ Rơndăp ù tiah lơh sa sươn sre ngui công nghệ cao bơh càr dê tus nam 2030. Pơn jat hơ\, kờp jơh bă ù rơndăp lơh sa sươn sre ngui công nghệ cao là mờr 30 rbô lồ, tam pà jat uă tiah trồ tiah, ù tiah gơkờ` mờ tơl tờm chi tam, bè: chi công nghiệp, tờm phan sa, chi sa plai, biăp, bơkàu…

Nàng rơndăp ù tiah do geh mu\t lơh geh cồng nha, gơnoar atbồ mờ gah lơh broă geh gơnoar càr Daknông neh ki\ lơh broă bal mờ càr Lâm Đồng, kờn geh dong kờl, tàm yal tơngi\t bal bơta mờng chài.

Bal mờ hơ\, càr geh ai ngui gùng dà broă lơh niam ngan rlau jơh nàng gơhòi gơ jà mpồl lơh sa kă bro mờ cau lơh broă sa bơcri priă tàm broă lơh do, bơ\t bơtàu ală mpồl lơh broă bal bơh bơnah sơntìl tus bơnah drà kă bro, tơnguh jơnhoa bơta niam phan bơna lơh gơs bơh sươn sre.

Cau cih mờ yal tơngi\t- Lơ Mu K’Yến