VOV4.K’ho - Bulah mìng pa crơng gơs, mơya hợp tác xã Dak Tân, xã Dak Nia, thị xã Gia Nghĩa, càr Daknông neh tam klac bal mờ ală hìu bơnhă cau lơh broă sa nàng lơh gơlik biap, kơnuh, plai chi ờ do ờ dă, rơcang lài lơh broă bal mờ mpồl lơh sa kă bro nàng tac phan lơh gơs. Mờ bơngă pin dờn bal mờ bơta niam ală bơta phan neh geh sền gròi, hợp tác xã Dak Tân neh ki\ sră pơrgon mờ drà tờm Bình Điền, [òn dờng Hồ Chí Minh, mờ kờp jơh khà phan bơna gơguh tus 100 tơmàn priă tàm 1 nam:

3 lồ mờ gùl ù tam kơnuh sơbê kò lơgar Nhờk gam geh hợp tác xã Dak Tân tơnhàu, tac mờ khà priă 3 rbô tàm 1 ki\ (jat sră pơrgon neh ki\ mờ drà tờm Bình Điền, [òn dờng Hồ Chí Minh). Gàr tơl bè bơta niam, den tàng drà tờm Bình Điền neh ki\ sră pơrgon blơi jơh phan bơna lơh gơs jo\ jòng ai hợp tác xã in bal mờ khà 10 tấn biap, kơnuh, plai chi pah ngai. Nàng gơtùi lơh geh cồng nha do, hợp tác xã neh lơh jat niam ngan khà tơl tam biap, kơnuh, plai chi kloh niam bơh ală broă rơwah sơntìl, rơcang sơndră kòp tu sa aniai tus tơnhàu. Ală phan lơh gơs bơh hợp tác xã dê tu\ geh sền gròi ndrờm tơl khà niam, ờ do ờ dă phan sa. Bi Nguyễn Thế Hoà, cau lơh broă mờng chài kĩ thuật bơh hợp tác xã Dak Tân dê pà git: “A` tam biap neh jơt nđờ nam do, den gơwèt mờ kơnuh sơbê do den a` go\ kung [uơn ngan tam, ờ geh bơta lơi kal ke. Kuơ màng ngan rlau jơh là anih blơi phan lơh gơs là đah kong ti bol a` ki\ sră pơrgon mờ [òn dờng Hồ Chí Minh, mìng kờ` bơh 2 rbô priă tàm 1 ki\ là neh geh priă cồng, tài 1 lồ geh cồng nha tơnhàu digơlan gơguh tus 100 tấn, 1 lồ tu\ kờp jơh priă sơngka sền gàr den gam bơh 60 tus 70 tơlak priă, mờ dilah 2 rbô tàm 1 ki\ den kung tac geh 160 tơlak, kờp jơh priă sơngka sền gàr kung geh 100 tơlak, 2 nhai tơnhàu 1 dơ\.”

Kờ` geh tơl phan nàng tac jat sră cih mat blơi 10 tấn biap, kơnuh, plai chi pah ngai, hợp tác xã neh lơh broă bal mờ cau lơh broă sa tam mờ blơi jơh phan lơh gơs. Hợp tác xã dờp lơh ù, rơcang sơndră kòp tu sa aniai, tac phan bơna ngui tàm broă lơh sa suơn sre mờ blơi jơh phan lơh gơs tu\ tơnhàu. Bi ùr Trương Thị Thanh Yến, hìu bơnhă lơh broă sa tam klac bal mờ hợp tác xã do sền go\: “Lài do a` sùm tam mờ sơngka sền gàr tờm sơntìl, bơh ngai kong ti tam gơl tam kơnuh sơbê den a` kung tam sơl. A` go\ broă lơh tàm do kơljap ngan, priă lơh geh ờ mìng să tờm a` dê mờ uă ngan làng bol tàm do tai kung geh broă lơh kơljap sùm.”

Ồng Lê Văn Lục, Kuang atbồ Hợp tác xã Dak Tân pà git, Hợp tác xã Dak Tân geh crơng gơs bơh nhai 4 nam 2017 mờ 7 nă cau geh jơng, geh rlau 9 lồ ù tam phan. Tàm hơ\, 6 lồ ù lơh broă bal mờ cau lơh broă sa. Lơh jat ròt broă lơh bal mờ cau lơh broă sa mờ jat sră pơrgon mờ mpồl lơh sa kă bro nàng tac phan lơh gơs gơ jat bal mờ lơh sa, mờ gơguh uă cồng nha lơh geh bơh phan bơna suơn sre dê, là broă lơh bơh hợp tác xã Dak Tân dê. Do là pơn yơu niam tàm broă lơh geh cồng nha ròt broă lơh bal kờ` chồl pràn rơndap sap sèng wơl lơh sa suơn sre: “Jat bơta sơnơng mờ broă lơh bơh hợp tãc xã a` dê den geh lơh gơs tiah Dak Nia là tiah tam uă phan bơh càr Daknông dê tơn, phan lơh gơs bè biap, kơnuh, plai chi pal geh ală broă lơh lơh tơr lòng lài. Pơn yơu kờ` tam ală bơta chi tam ndai tam gơl pa den bol a` kung pal geh dùl suơn tam tơr lòng lài, pal tam tơr lòng lài hơ\ sồng he tam uă. Tàm do bơh sơn rờp tam kơnuh sơbê, blơn ồs, mờr tus là tờm blơn sut.”

Ồng Nguyễn Viết Vui, Kuang atbồ Trung tâm khuyến nông càr Daknông pà git, broă lơh sa suơn sre tàm càr Daknông gam  geh bơta tam gơl gơs lơh sa suơn sre ngui công nghệ cao, wèt tus 1 rài lơh sa suơn sre ờ do ờ dă, kơ\ kơljap: “Tàm hợp tác xã Dak Tân den bơta lơh broă bal đah hợp tác xã mờ làng bol, mờ ngan là lơh gơs tiah ơm kis mờ bơt bơtàu broă lơh, lơh gơs bơta gơ rề uă nàng làng bol in gơtùi sền mờ bơsram ngan ngồn, lơh uă ală broă lơh tàm tơ nơ\ do. A` go\ do là broă lơh lài mờ bol a` lơh ngan đơng lam, ai bơta do lơh tờm nàng lơh uă. Do là 1 broă lơh pa, ngan ngồn, geh cồng nha, bơtàu tơnguh rài kis, priă lơh geh làng bol in, di ngan mờ gùng dà, broă lơh bơh Đảng mờ dà lơgar dê.”

            Cau cih mờ yal tơnggit K’Duẩn