VOV4.K’ho-Mờ khà priă tăc jơnhoa ngan, bơh 40 tus 60 rbô đong dùl ki\ bè tu\ do, [ơ booth gam geh uă ngan làng bol tàm càr Dak Nông tam mờ bă ù uă ngan. Mơya, broă làng bol pơn jat tai tàm đòm jat gơ\p ur ar tam tờm chi tam do digơlan gơtìp hoàc hươr uă ngan. Tài bơh tàm bơta geh ngan tàm Tây Nguyên, neh geh uă tờm chi tam gơ ơm tàm bơta bòl glar ngan tài bơh lơh geh uă jơngkah jơngka` ờ geh cau blơi?

Mờ 2 lồ kơphê kra jo\ sơnam, hìu bơnhă ồng Nghiêm Xuân Dung tàm xã Thuận Hạnh, kơnhoàl Dak Song, càr Dak Nông lơh nền du\i sơrbì tờm kơphê nàng ai ù tam tờm [ơ booth, tài bơh sơntìl [ơ do gam tăc yòm ngan tàm drà tài bơh geh tăc bal mờ khà priă jơnhoa ngan. Ồng Nghiêm Xuân Dung, pà gi\t:

“Sươn bơh lài tus tu\ do tam kơphê, tài bơh kơphê neh kra jo\ sơnam den tàng a` koh sang jơh te\ nàng ai ù tam plai màk, tàm ală tu\ tam plai màk a` gi\t tờm [ơ booth là tờm chi tam geh priă jền uă, den tàng bè hơ\ a` ai tờm [ơ booth tam tàm sươn do, kơ\p kơnờm là tơnơ\ do geh gàr sùm khà priă tăc mơya tu\ do a` sền go\ làng bol tam uă ir den tàng a` kung ngòt sơl ngòt tơnơ\ do tăc gơmù khà priă, tăc ờ yòm tai”.

{ơ booth geh gi\t tus tàm drà càr Dak Nông tàm pơgăp bơh 4 tus 5 nam rềp ndo, mờ sùm geh tăc mờ khà priă jơnhoa ngan bơh 50 tus 100 rbô đong dùl ki\. Jơnau tam [ơ booth gơ rề uă neh lơh gơlik bơta niam ai ală anih tăc chi sơntìl [ơ booth in crơng gơs mờ bơtàu tơnguh.

Jat ồng Nguyễn Văn Quảng, là dùl nă cau tờm đại lý sơntìl [ơ booth tàm kơnhoàl Dak Mil yal, tơnơ\ 4 nam, hìu bơnhă ồng neh tăc tàm drà pơgăp 300 rbô tờm. Ngan tài bơh khà priă [ơ booth bàr pe nam do sùm gơ ơm tàm khà jơnhoa ngan, mờ priă lơh geh gi\t nđờ tơmàn priă tàm dùl lồ, den tàng kung dong ai ală hìu làng bol, sươn ờng chi sơntìl in kung lơh geh dùl bơnah priă cồng uă:

“Tăc yòm ngan rlau jơh tàm dùl ngai là he tăc geh 2 rbô tờm, tàm bàr pe nam rềp ndo, cau lơh broă sa tam [ơ booth uă ngan, hìu bơnhă a` kung neh tăc gi\t nđờ rhiang rbô tờm sơntìl mờ cau lơh broă sa tàm ală càr Tây Nguyên in. Tơngai rềp ndo, geh dùl sơntìl [ơ pa hơ\ là [ơ booth kơmhò tơlir gam sơnđan là [ơ booth, cau lơh broă sa kờ` ngan tài bơh sơntìl [ơ do geh bơta niam là cồng nha lơh geh uă, plai den niam ngan, ờ huan gơtìp aniai ờ geh tơnhàu, gi\t geh jơnau kờ` do den hìu bơnhă a` kung tam sơl dùl bă.

Ồng Nguyễn Cao Trí, Chủ tịch Mpồl cau lơh broă sa xã Thuận Hạnh, kơnhoàl Dak Song, pà gi\t: tu\ do jơh gùt xã geh tus 80% ală hìu làng bol tam [ơ booth mờ ală broă lơh mìng tam gơ lơm halà tam tàm bơrlu\ bal tàm sươn kơphê, tiêu.

Tàm ală nam do, mpồl cau lơh broă sa kung bơto pơlam làng bol in tam gơl chi tam. Ală sươn chi jo\ nam neh kra, lơh geh cồng nha ờ uă den tam gơl wơl ai ù nàng tam tờm [ơ booth kờ` tam gơl pa rài kis. Mơya, broă tam [ơ booth kung geh sồr tam dùl êt lơm gời, ba` tam mìng gơ lơm mờ pal tam tàm bơrlu\ bal mờ ală tờm chi tam ndai. Ồng Nguyễn Cao Trí, đơs bè do:

“Tàm ù tiah xã Thuận Hạnh tu\ do geh 15 anih tăc sơntìl [ơ booth nàng tăc mờ jơh ală hìu làng bol lơh broă sa tam [ơ booth. Gơ wèt mờ mpồl cau lơh broă sa den kung neh bơto yal lài làng bol in ờ go\ di koh kơl kơphê nàng tam ală tờm chi tam ndai, tờm [ơ booth tơnơ\ do khà priă bè lơi den kung ờ hềt go\ geh cau lơi kơlôi gi\t sơl.

{ơ booth là tờm [ơ geh phan bơkah tơl pràn uă ngan, plai niam, geh uă cau kờ` blơi tàm drà, den tàng bàr pe nam rềp ndo neh dong cau lơh broă sa lơh geh priă jền uă. Mơya, jơnau làng bol rề ơnàng bă ù dùl bă ur ar, ờ jai kơryan.

Jat rơndăp ù tiah bơh gah lơh broă sa sươn sre càr Dak Nông dê tus nam 2020, den bă ù tam ală tờm chi sa plai bơh càr dê là pơgăp 7 rbô lồ, mơya tu\ do mìng kờp is bă ù tam tờm [ơ booth neh gơguh tus 6 rbô lồ.

 Loh làng, broă rề ơnàng bă ù tam tờm [ơ do dùl bă khat gơboh, lơh is ờ go\ jat bơta rơndăp tăp sèng gam geh pơhìn ờ gơtùi lơh jat rơndăp ù tiah tam ală tờm chi tam tàm càr dê!

Cau mblàng mờ yal tơngi\t- Lơ Mu K’Yến