VOV4.K’ho- Bộ Y tế drim do 31/8 yal ờ go\ tai cau bơtờp kòp Covid-19. Kờp jơh khà cau bơtờp kòp gơ ơm sùm tàm khà 1 rbô 40 nă. Bè hơ\, 36 jiơ do ờ geh tai cau bơtờp kòp pa.

Tàm tơngai nhai 9, kơnòm bơsram geh lòt bơsram wơl, broă lòt rê sơlơ gơguh uă tai, ồng Nguyễn Xuân Phúc Thủ tướng Chính phủ sồr Bộ Y tế mhar geh sră bơto pơlam ờdo ờdă tàm hìu sơnơm, hìu bơsram, tiah lơh broă, gùng lòt mpồl bơtiàn…Hìu sơnơm pơn jăt tai tam cah mpồl cau tus kham, sơm kòp; xét nghiệm gờ` ală cau pin bơtờp kòp tàm khà cau kòp halà cau hìu bơnhă cau kòp dê geh bơta gơ tơngo\ bơsiă, duh sră.

Chính phủ sồr sơlơ lơh mhar broă lơh kơlôi sơnơng sơnơm vaccine, sơnơm sơm kòp; sơlơ lơh broă bal tai mờ dunia, ngan là mờ ală lơgar geh cồng nha kơlôi sơnơng vaccine bơh sơnrờp.

Cau mblàng Lơ Mu K’Yến