VOV4.K’ho- Tềng đăp bơta gơbàn kal ke bơh kòp as sồt gùng tă nhơm kơn jơ\ tài bơh jơi pa virus Corona dê lơh gơbàn, gah Bơto bơtê càr Dăk Lăk neh geh kơrnoat ai kơnòm bơsram in ơm rlô bơsam 1 poh mờ sồr ală hìu bơsram rcăng lài lơh jăt broă lơh mblàng yal ală broă lơh rcăng sơndră kòp. Mơkung pơgồp bal niam mờ gah lơh sơnơm càr lơh jăt ală broă lơh tơn jơh khih [ơ\, jùt ràu sàng goh hìu bơsram, cơldu\ bơsram mờ gròi sền pràn kơldang să jan kơnòm bơsram mờ cau pơgru dê.

Kờp bơh ngai geh ơm rlô bơsram nàng rcăng sơndră kòp as sồt gùng tă nhơm kơn jơ\ tài bơh jơi pa virus Corona (nCoV) dê lơh gơbàn, oh Vũ Yến Nhi, bơsram ơdu\ 7, hìu bơsram kấp dùl, kấp bàr mờ kấp pe Hoàng Việt lơh jăt broă bơsram jơnau bơsram mờ lơh jơnau bơsram sùm pah ngai. Mìng krơi là oh bơsram jăt broă bơsram online. Oh Vũ Yến Nhi pà gi\t, bulah pal ơm rlô bơsram, mơya să tờm oh ờ go\ kơlôi rcăng broă gơtìp roh jơnau bơsram tài bơh pah ngai oh ndrờm dờp geh jơnau lơh jơnau bơsram bơh pơgru dê pơyua bơh tàm fackbook halà zalo ơdu\ dê.

Oh Vũ Yến Nhi, đơs: Kơnờm hìu bơsram mblàng yal den tàng kung gi\t sơl bơta ngòt rơngơ\t bơh virus nCoV dê den tàng là tu\ hìu bơsram ai ơm rlô bơsram den bol kòn ndrờm dùl nùs bal jơh. Tu\ bol kòn ơm rlô bơsram, geh hìu bơsram hơ\ sồng ală pơgru jàu tai uă jơnau lơh jơnau bơsram tàm hìu nàng bơtơl tai jơnau gi\t wa\ den tàng ơm rlô bơsram mơya kung gam sền wơl jơnau neh bơsram lài sơl.

Ală pơgru jùt ràu sàng goh cơldu\ bơsram

Dùl nùs bal mờ broă ai kơnòm bơsram in ơm rlô bơsram tàm tơngai do, bi Phạm Thị Thanh Nga, pơgru bơto tàm hìu bơsram kấp bàr Phan Chu Trinh [òn dờng Buôn Ma Thuột, là cau mè geh 2 nă kòn gam bơsram kấp dùl đơs là, hơ\ là kơrnoat dipal nàng gàr niam ngan rlau jơh ai bơta pràn kơldang să jan bơh ală kòn dê kung bè dong ală hìu bơsram in geh tai tu\ jiơ nàng lơh niam broă lơh rcăng sơndră kòp.

Pơgru Phạm Thị Thanh Nga, đơs: Mờ bơta gơbàn kal ke bơh kòp as sồt gùng tă nhơm kơn jơ\ tài bơh jơi pa virus Corona lơh gơbàn den broă kơnòm bơsram ơm rlô bơsram dùl poh halà dùl poh tai jăt a` kơlôi là bơta kờ` ngan, tài bơh do gam là tơngai gơbàn uă bơh kòp dê. Tàm jơh gùt tu\ tơngai ơm rlô bơsram den kuang bàng, cau pơgru, cau lơh broă pơgồp bal mờ ală kuang bàng lơh sơnơm tàm tiah he dê neh geh broă lơh [ồm sơnơm tơn jơh khih [ơ\, jùt ràu sàng goh hìu bơsram cơldu\ bơsram nàng ală kơnòm bơsram in geh ngai bơsram wơl gơlơh sền go\ iang nùs rlau.

Bi Trịnh Thị Hồng Hạnh ơm tàm sơnah [òn Tân An, [òn dờng Buôn Ma Thuột dùl nùs bal mờ jơnau đơs do bè do: Tàm tu\ bơta kòp gam gơbàn kal ke bè do den a` ndrờm dùl nùs bal lơh mờ broă ai ală kòn in ơm tàm hìu bơsram is mờ tam cah is mờ ù tiah đah bơdìh. Să tờm a` geh 2 nă kòn bơsram kấp dùl, broă ală kòn geh ơm rlô jo\ ngai bè hơ\ den hìu bơnhă kung pal rơndăp tăp sèng ai ală oh in sơl, ngan là broă ơm tàm hìu, dơ\ 2 là broă ală kòn bơsram tàm hìu. Broă bơsram is tàm hìu kung geh hìu bơsram gròi sền sơl, lài mờ tu\ ơm rlô bơsram den ală pơgru kung pơyua jơnau bơsram bơh zalo, facebook sơl, mờ tàm ală tu\ bơsram bơh ală kòn dê den ală pơgru kung sùm dong kờl bal sơl.

{ồm sơnơm lơh tơn jơh khih [ơ\ tàm cơldu\ bơsram

Jăt ồng Trần Đức Huyên, Kuang ătbồ Hìu bơsram kấp dùl, kấp bàr mờ kấp pe Hoàng Việt dê đơs, tơnơ\ tu\ ai kơnòm bơsram in ơm rlô bơsram tơn nàng rcăng sơndră virus Corona, den hìu bơsram neh lơh jăt niam ngan broă lơh bơto bơsram onlien ai kơnòm bơsram in. Bè, mpồl kuang ătbồ hìu bơsram neh sồr ală cau pơgru rcăng jơnau bơsram mờ ku\p clip bơto jơnau bơsram tơnơ\ hơ\ pơyua tàm ală anih E Learning nàng kơnòm bơsram in pờ mờ bơsram. Mơkung sồr ală cau pơgru ătbồ ơdu\ bơsram jăt tàm bơta bơh tơl ơdu\ dê kung bè bồ tơngoh gi\t wa\ bơh tơl nă kơnòm bơsram dê nàng jàu jơnau lơh jơnau bơsram tàm hìu ai ală oh in bơh ală group bal ơdu\ dê.

Ồng Trần Đức Huyên, đơs: Hìu bơsram neh sồr ală pơgru là lơh di jăt ală E Learning, tơngkah kơnòm bơsram là neh lơh tus jơnau bơsram lơi, bơsram tus jơnau bơsram lơi, lơh ală jơnau bơsram mờ pơyua ală jơnau bơsram ai ală pơgru in bơh ală anih bơto bơtê online. Tu\ do, tơl nă pơgru den jăt tàm bơta pràn jak bơsram bơh kơnòm bơsram he dê den geh pơyua jơnau bơsram ai ală oh in mờ sồr ală oh pơyua jơnau đơs wơl nàng pơgru in ai điềm. Tơl ơdu\ bơsram ndrờm geh dùl mpồl zalo, pơgru ătbồ ơdu\ bơsram den gròi sền ală ơdu\ hơ\ bal, pơgru bộ môn kung geh mpồl zalo bơh ơdu\ he dê sơl.

Kơnòm bơsram bơsram online tàm hìu

Ồng Phạm Đăng Khoa, Kuang ătbồ Sở Giáo dục mờ Đào tạo càr Dăk Lăk dê pà gi\t, tàm tơngai ai kơnòm bơsram in ơm rlô bơsram, Sở neh sồr jơh ală hìu bơsram pal bơyai lơh [ồm sơnơm tơn jơh khih [ơ\, lơh sàng goh jơh [làng hìu bơsram. Mơkung sồr ală hìu bơsram pal yal tơngi\t jơnau bè kòp; jăt sền pràn kơldang să jan bơh kuang bàng, cau pơgru, cau lơh broă dê; pơgồp bal mờ hìu bơnhă kơnòm bơsram lùp nàng gi\t di tu\ jơnau gơ tơngo\ bơtờp kòp nàng pơgồp bal mờ anih lơh sơnơm kham, sơm kòp mờ gròi sền kòp. Tơnơ\ tơngai ơm rlô bơsram, ală anih lơh broă geh broă rơndăp lơh bơto bơtơl dipal, lơh jăt di broă rơndăp lơh tu\ tơngai nam bơsram 2019- 2020 dê. Kung jăt ồng Phạm Đăng Khoa dê đơs sơl, Sở Giáo dục mờ Đào tạo geh broă lơh bơsong krà` gơ wèt mờ ală hìu bơsram gam ờ hềt lơh niam tàm broă lơh rcăng sơndră kòp.

Ồng Phạm Đăng Khoa đơs bè do: Tu\ do, den kơnòm bơsram ơm rlô tus jơh ngai 9/2 do, tơnơ\ hơ\ den bol a` geh pơn jăt tai lơh jăt jơnau sồr pơn jăt tai bơh Chính phủ, bơh Bộ Giáo dục mờ Đào tạo mờ Ủy ban Nhân dân càr dê. Lài mờ tu\ ală oh sơnđờm mu\t bơsram pơn jăt tai den sồr ală hìu bơsram dùl dơ\ tai pal [ồm sơnơm tơn jơh khih [ơ\ mờ tàm ală hìu bơsram pal geh s[ong mờ dà sàng kloh nàng hùc. Dilah kuang ătbồ anih lơh broă lơi mờ ờ go\ rcăng ngăc, ờ go\ lơh niam tàm broă lơh rcăng sơndră virus Corona do den bol a` geh broă lơh lơh glài krà`, ờ lời kòp lơh bơtờp tàm càr, ngan là tàm ală hìu bơsram.

Cau cih Vũ Nam Trang- Cau mblàng Lơ Mu K’Yến