VOV4.K’ho- Tềng đăp ală bơta gơbàn kal ke bơh kòp Covid-19 dê tàm uă tiah tàm gùt lơgar, càr Gia Lai neh lơh pràn broă lơh rcăng sơndră lài kòp. UBND càr Gia Lai neh sồr ală tiah tàm càr lơh mhar gi\t bơta gơlik geh, di tu\ sền go\ ală cau pa rê bơh tiah gơbàn kòp, jà lơh jăt ală broă lơh rcăng sơndră lài kòp jăt jơnau sồr.

{làng rơndeh par Pleiku- tiah gi\t jơnau yal kuơmàng bè ală cau tus Gia Lai

UBND ală xã mờ hìu sơnơm xã ai kuang bàng lơh broă sùm, bơto pơlam di tu\ ai làng bol in bè ală broă lơh tam cah is, rcăng sơndră lài, mơkung gròi sền broă tam cah is rcăng sơndră lài kòp tàm tiah ơm kis. Ală broă lơh dùl ròt bal bơh càr dê gam pà go\ geh cồng nha ngan ngồn tu\ jơnau gi\t wa\ rcăng sơndră lài kòp SARS CoV 2 bơh làng bol dê geh gơguh uă.

Jăt Sở Y tế càr Gia Lai yal, tàm càr gam geh 3 nă cau gam tam cah is nàng gròi sền kòp, tàm hơ\ geh 2 nă cau tàm Hìu sơnơm dờng càr mờ 1 nă cau tàm Hìu sơnơm kơnhoàl Chư Pưh, jơh ală ndrờm ờ bơtờp mờ kòp SARS CoV 2. 

Cau mblàng Lơ Mu K’Yến