VOV4.K’ho- Càr Gia Lai tu\ do geh rlau 800 lồ [ơ, 600 lồ sầu riêng, pơgăp 400 lồ pơnăt, plai jràng tam bơrlu\ bal tàm ală sươn kơphê, tiêu. Priă cồng lơh geh bơh ală sươn tam bơrlu\ bal uă rlau bơh 2 tus 5 dơ\ pơndrờm mờ broă mìng tam gời ală tờm chi jo\ nam lơm.

Tàm hơ\, broă tam tờm sầu riêng tàm sươn kơphê ai cồng nha uă ngan rlau jơh, bơh 150 tus 250 tơlak tàm dùl lồ dùl nam, gơguh tus bơh 3 tus 5 dơ\. Cau lơh broă sa càr Gia Lai gam geh gùng dà rề ơnàng bă ù tam bơrlu\ bal chi sa plai tàm sươn kơphê, tiêu nàng tơnguh uă cồng nha lơh sa.

Gia Lai tam tàm bơrlu\ bal sầu riêng tàm sươn kau su lơh geh priă cồng 250 tơlak dùl lồ dùl nam

Kơnhoàl Krông Pach, càr Daklak tu\ do geh mờr 20 rbô lồ kơphe, 1 rbô 500 lồ kau su, 600 lồ điều, 1 rbô 400 lồ tiêu, rlau 1 rbô lồ sầu riêng, rlau 200 lồ bơ…

Uă ngan ală suơn chi công nghiệp ndrờm là tam bơrlu\, lơh gơs ală cờn chi che, lơyah ngan rlau jơh là tờm kơphe, pơn jat hơ\ là tiêu, mờ jơnhua ngan rlau jơh là sầu riêng mờ bơ. Kờ` dong làng bol lơh broă sa ngui khoa học kỹ thuật tàm broă lơh sa suơn sre, Viện Khoa học kỹ thuật Nông Lâm nghiệp Tây Nguyên pa bơyai lơh cribơyai yal mờ jàu ngui khoa học kỹ thuật tàm broă lơh sa suơn sre tàm Krông Pach.

Ală cau khoa học yal loh, tơl tờm chi geh dùl bơta pơn rơ krơi is, tu\ tam bơrlu\ den pal lơh jat khà tờm chi tàm suơn mờ ală bơta krơi is bè jơnau kờ` dà [ồm, phơng ơn… Làng bol kờ` pal geh broă ơn phơng dipal nàng dong ală tờm chi lì bơkàu tơt plai geh cồng nha jơnhua ngan rlau jơh.

Cau mblàng Lơ Mu K’Yến mờ K’Duẩn