VOV4.K’ho- Kòp sốt xuất huyết pơn jăt tai gơbàn kal ke tàm càr Gia Lai, khà cau kòp gơguh mhar mờ neh geh 10 rbô nă cau gơbàn kòp do. Tus tơngai do, kòp sốt xuất huyết neh lơh bơtờp tus jơh ală xã, sơnah [òn bơh 17 kơnhoàl, thị xã, [òn dờng tàm càr Gia Lai.

Tàm hơ\, 4 tiah geh khà cau bơtờp kòp uă ngan rlau jơh là [òn dờng Pleiku, ală kơnhoàl Kbang, Đăk Pơ mờ thị xã An Khê, bal mờ pơgăp 5 rbô nă cau gơbàn kòp, geh tus rlau nggùl khà cau kòp bơh jơh gùt càr dê. Jăt Tiah tờm gròi sền kòp tê jê să càr Gia Lai dê yal, kòp sốt xuất huyết gơbàn kal ke ngan tàm 3 nhai pa do bal mờ kờp bal pah nhai geh tus mờr 2 rbô nă cau bơtờp kòp pa.

Cau bơtờp kòp sốt xuất huyết tàm ală nhai do geh bơta gơ tơngo\ kơn jơ\ rlau mờ neh geh 2 nă cau chơ\t. Tiah tờm gròi sền kòp tê jê să càr Gia Lai pà gi\t, broă lơh rcăng sơndră kòp gam geh lơh mhar tàm jơh gùt càr. Tàm hơ\, broă gơ sơ\t kih dà mờ lơh sàng goh tiah ơm kis pal geh bơta tam pà bal bơh gơnoar atbồ ală kấp mờ làng bol [òn lơgar dê.

Cau mblàng Lơ Mu K’Yến