Gơ rềng tus bơta tơlik tac phan lơh sa suơn sre gơtìp kal ke, khà priă gơmù uă, tàm Gia Lai, khà priă mre\ kung gơbàn bè do sơl, neh lơh làng bol gơtìp hoàc huơr kơn jơ\ ngan. Tàm tiah tam mre\ tàm uă bòn di ală ntum Hà Tam, Tân An kơn hòal Đak Pơ mờ ală sơnah bòn An Bình, An Phước, An Phú bòn drà An Khê halà ntum Đông, Nghĩa An, Đak Hlơ, kơnhòal Kbang, mre\ gam du\m bềng ngan, mơya uă cau lơh broă sa ờ pic. ờ uă hìu nhă neh dus săng tờm mre\ nàng tam chi ndai. Bal mờ jơnau là tài làng bol tam bre\ uă ir, do gam là jơnau gơ lời wơl bơh broă anih tơlik tac gơ wèt ir tàm lơgar Lo.

Gam tàm gùl kàl, git nđờ rhiăng lồ mre\ du\m pơr hê ngan, mơya uă cau tàm ală kơnhòal tiah đah mattơngai lik càr Gia Lai bè Đak Pơ, Kbang, An Khê, Kông Chro săng jơh, ờ pic. Ồng Nguyễn Văn Bộ, ơm tàm bòn 5, ntum Hà Tam kơn hòal Đak Pơ pà git, nam lài, làng bol tàm tiah tam mre\ geh priă cồng uă, den tàng kàl do, ồng tam gơl 6 sàu tàu nàng tam mre\. Tồn lah geh cồng nha, mơya khà pruă mre\ sùm gơmù bơh 30 rbô 1 ki\ tàm lồi kàl lài, gam 12 rbô 1 ki\ bồ kàl mờ tu\ do mìng gam mờr 6 rbô 1 ki\, tàm tu\ hơ\, priă ơpah cau pic neh roh 5 rbô 1 ki\, lơh ồng gơtìp hoàc huơr uă ngan. Tu\ do, mre\ gam du\m pơrhê tàm suơn, mơya ồng Bộ kung ờ pic. Ồng yal:“ Kờp ngan den hoàc huơr, den tàng tu\ do săng tơn ờ pic. He kung ờ git bơta gơlik geh bè lơi, bồ kàl khà priă gam bơh 11 tus 12 rbô 1 ki\, den gơ pơnjat tai gơmù. Kung klo là đah lơgar Lo uă ir, ờ blơi tai.”

Ur ar tam mre\ jat srơh, den tàng git nđờ rbô hìu nhă làng bol tàm ală kơn hòal đah mattơngai lik càr Gia Lai gam gơtìp kal ke tài khà priă mre\ gơmù uă. Hoàc huơr lơh uă hìu nhă pal dus săng jơh suơn mre\ gam du\m nàng tam chi ndai bè tàu, biăp, rơpual.

Geh bal kal ke là ală cau kă bro tàm bòn lơgar. Drà kă bro blơi mre\ uă ngan là Lo tu\ do ndrờm bè ơm ờ blơi tai, den tàng anih tơlik tac mre\ kal ke ngan. Mò Nguyễn Thị Trầm 1 nă cau kă bro blơi mre\ tàm ntum Hà Tam, kơnhòal Đak Pơ pà git, kàl tam mre\ nam 2013, mò blơi mờ tơlik tac geh 50 tấn mre\ tus lơgar Lo. Broă blơi mre\ geh bơyai lơh uă ngan, tu\ rơnde container mrềt ơm săp sèng nàng tus tiah tam mre\ đah mattơngai lik càr dê, tàm pơr lòng blơi mre\. Mơya, nam do, mò ờ hềt tơlik tac geh 1 dơ\ lơi. Anih tac tu\ do uă ngan là bòn dờng Hồ Chí Minh, Đà Nẵng, mơya khà blơi ờ uă, den tàng khà priă neh gờmu uă ngan pơn drờm mờ nam lài. Mò đơs: “ Nam lài khà priă tus 80 rbô 1 ki\ mre\ ră`, mre\ ris là 20 nđờ rbô 1 ki\, tu\ do roh rlau gùl. He blơi nàng geh priă cồng, mơya dilah bè do den ờ geh cồng. mờ drà kă bro lơgar Lo ờ blơi den mbe he tac.”

Broă làng bol ur ar tam is mre\, ờ jat jơnau pơlam bơh ală gah lơh broă geh gơnuar neh lơh bă ù tam mre\ gơguh uă ngan tàm càr Gia Lai tàm nđờ nam rềp do. Mìng is kàl do, gùt càr geh mờr 1 rbô 600 lồ mre\ mờ tu\ do làng bol neh dus săng mờr 1 rbô lồ nàng tam chi tam ndai.

Ồng Nguyễn Công Tuấn kuang atbồ cơldu\ lơh sa phan bơna bòn drà An Khê, càr Gia Lai pà git, bal mờ jơnau bă ù tam mre\ gơguh uă nisơna, broă gơ wèt tàm drà kă bro lơgar Lo mờ tu\ Lo ờ blơi, den là jơnau tờm ngan lơh khà priă mre\ gơmù uă mờ làng bol pal dus săng mre\. Ồng pà git:“ Tu\ do làng bol píc jơh là dus tơn, ờ tam wơl tai . cau kă bro den ờ kơljap, kờ` den blơi mờ khà priă jơnhua, ờ kờ` den blơi mờ khà priă lơyah. Pơn yơu geh sră pơr gon mờ lơgar Lo, den khi lam rơndeh tus ndo blơi den tu\ hơ\ khà priă jơnhua, khi ờ blơi den khà priă gơmù. Đơs bal là gơ jat tàm cau kă bro.

Jơnau đơs sùm “tam jat srơh, kơl jat drà kă bro tus mờ ờ uă bơta chi tam tàm lơgar he 1 dơ\ tai gơlik geh tàm tờm mre\ tàm Gia Lai lơh git nđờ rhiăng hìu nhă làng bol gơtìp hoàc huơr.

………………………..

Mờ bơta pria\ tac gơ mù ua\, lơh cau tam mre\ gơbàn hoàc hươr siơ\u siar ngan tàm càr Gia Lai, cau ai tơnggit jơnau đơs Việt Nam neh geh dơ\ tus mờ lùp jơnau mờ ồng Văn Phú Bộ kuang at bồ cơldu\ lơh broa\ sươn sre, di Gah lơh broa\ sa mờ bơtàu tơngguh bòn lơgar càr Gia Lai bè ala\ bơta đơs lài ồng dê geh gơ rềng tus broa\ tam ua\ mre\.

            -Ơ ồng, ba\ ù tiah tam mre\ tàm càr Gia Lai tàm ờ ua\ nam do neh gơbàn mbè lơi?

            Ồng Văn Phú Bội: Mre\ la chi tam geh ơn tàm bơta chi biap. Tàm rơndap bal den ờ geh broa\ rơndap nền nòn tus mờ mre\. Tàm ala\ nam do,  den cau lơh broa\ sa tàm ờ ua\ kơnhoàl đah mat tơngai lik càr dê, cau tam mre\ lời tac tàm  lơgar mờ di gơlan la geh tac hờ lơgar cau tai. Tàm ala\ nam lài, mre\ tac yòm, den tàng cau tam chờ ngan, mìng is nam 2014 pria\ mre\ gơmù ua\ ngan den tàng ờ ua\ hìu nha\ neh sang ờ tam mre\, tam mờ ờ tơnhàu pic plai mre\ tài kờp du\ cau pic mre\ tac ờ tơl pria\ nàng tơm kong cau lòt pic, den tàng neh sang  sơbì, ờ pic mre\.

            -Ơ ồng, tàm tu\ gơbàn pria\ mre\ gơmù lơyah, cau tam gơbàn hoàc hươr bè tu\ do, gah lơh broa\ geh gơnoar geh ala\ jơnau đơs lài lơi, geh gùng  lơh broa\ nền nòn mbè lơi?

            Ồng Văn Phú Bộ: Lài jơh, mờ ba\ ù tam mre\ gam tu\ do, a` đơs mờ làng bol cau tam ba` sang sơbì. Bol he gơtùi pic jơh, ai cau lơh broa\ hìu nha\ nàng pic mre\ rê ìs ra`, lơh mre\ ro prap. Tơnơ\ do, tu\ pria\ mre\ gơguh wơl den he gơtùi ka\ bro geh. Dơ\ 2, tờm mre\ ờ di la chi tam tờm, broa\ lơh kuơ màng den tàng làng bol pal sơnơng nền nòn lài mờ tu\ tam mre\. Pleh go\ gơbàn go\ pria\ kas den he tam ua\ la ba`  lơh bè hơ\, tam di mơ, gàr niam broa\ ka\ bro, pleh bơta tam ua\ ir, tơnơ\ tu\ pria\ gơmù bè nam do den lơh gơbàn aniai tus cau lơh broa\ sa in.

            -Ưn ngài ồng ua\ ngan!