VOV4.K’ho- Ơ làng bol mờ gơ\p bơyô! Bồ nhai 11 do, khà priă kơphê tàm ală càr Tây Nguyên neh gơguh tus 45 tơlak dùl tấn, jơnhoa ngan rlau jơh tàm mờr 5 nam rềp ndo. Mơya, khà priă do ờ tơl lơh geh bơta chờ hờp ai uă cau lơh broă sa in, tài bơh kơphê lơh geh tàm sươn kơphê bơh khi dê gơtìp gơmù uă ngan.

Ồng Dương Quang Thạo, kis tàm [òn 14, sơnah [òn Thống Nhất, [òn dờng Pleiku geh rlau 3 lồ kơphê. Ală kàl lài do, kờp bal sươn kơphê lơh geh pơgăp 70 tấn plai kơphê ris, mơya nam do, kơphê lơh geh gơmù 2/3; hìu bơnhă ồng mìng lơh geh rlau 20 tấn. Ồng Thạo đơs là, khà priă kơphê bulah gam ơm tàm khà jơnhoa ngan mờ digơlan gam gơguh jơnhoa uă tai tàm lồi kàl, mơya kung ờ tơl sơl nàng bơsir wơl tàm bơnah kơphê rlau 50 tấn neh gơmù. Bal mờ hơ\ tai là priă tă bơcri tàm tơngai lài gơguh uă ngan, den tàng kàl lơh kơphê do hìu bơnhă ồng digơlan là ờ geh priă cồng. Ồng Dương Quang Thạo, pà gi\t:

“Nam pa do ờ geh dà tuh, ală kơphê ờ geh plai là uă ngan, geh bơkàu là gơtìp ồm jơh, ồm bal mờ plai kơnròm tềng chi. Dilah geh dà tuh den kung mìng gơmù 1/3 lơm, mơya ờ geh dà là gơmù cồng nha tơnhàu tus nggùl tơn. Geh ală sươn kơphê ờ geh dà tuh den tàng mìng ròng tờm kơphê lơm, ờ geh plai ờ. Mìu uă, tu kòp lơh aniai là uă ngan, bơ sềt dum phồng geh uă ngan. He rơcang lài kờn [ồm sơnơm mơya gơtìp mìu te\ den tàng là neh rlau te\ tơngai là tu kòp gơ neh sa aniai uă ngan. Tu\ hơ\ he gơ sơ\t tu kòp là ờ gam geh cồng nha tai”.

Kung tàm jơnau tăc geh yòm khà priă mơya kơphê lơh geh ờ uă là jơnau bơh hìu bơnhă ồng Đỗ Đình Xiêm dê, kis tàm [òn Thắng Trạch 2, [òn drà Ia Kha, kơnhoàl Ia Grai. Trồ prang ală nhai bồ nam do ờ mình lơh sươn kơphê bơh hìu bơnhă dê gơmù cồng nha tơnhàu uă ngan lơm gời mờ bơta niam bơkah bơh kơphê dê kung gơmù uă ngan sơl. Bulah khà priă kơphê gơ jơnhoa ngan, mơya ờ bơtơl wơl geh bơta hoàc hươr tài bơh ờ geh tơnhàu. Ồng Đỗ Đình Xiêm, đơs:

 “Dùl nam lơh geh rlau 20 tấn tàm dùl lồ. Mơya, nam do ờ geh, uă ngan là mìng lơh geh rlau 10 tấn kơphê ris lơm. Plai pơndrờm mờ ală nam den gơ kung dềt mờ ờ niam sơl. Gơ ờ geh bơta niam bơkah. Pik mờ tăc tơn là neh 7 rbô 500 đong dùl ki\, tus kàl den gơ là gơguh tus rlau 9 rbô tus 9 rbô 500 đong dùl ki\. Khà priă uă mơya plai kơphê den dềt mờ ờ niam. Priă cồng nam do den ờ geh uă rlau pơndrờm mờ ală nam lài”.

Kàl lơh kơphê nam do, jơh gùt càr Gialai geh mờr 72 rbô lồ kơphê neh geh plai. Cồng nha lơh geh kờp bal digơlan geh 24 tạ tàm dùl lồ, gơmù 10% pơndrờm mờ kàl lơh kơphê lài do. Bàr pe kơnhoàl bè Cư\ Sê, Ia Grai…cồng nha lơh geh kơphê gơmù uă ngan pơndrờm mờ khà gơmù kờp bal.

Mpồl lơh broă tam phan mờ sền gàr phan tam càr Gialai bơto yal lài, digơlan ờ geh tơnhàu tài bơh trồ prang uă tàm uă tiah lơh kơphê bơh càr dê là kung gam uă ngan sơl tàm kàl tus. Cau lơh broă sa pal rơcang lài ală broă lơh sơrlèt gan mờ trồ prang tơnơ\ tu\ tơnhàu kơphê kàl do tơn. Ồng Hà Văn Uyển, Kuang atbồ Mpồl lơh broă tam phan mờ sền gàr phan tam càr Gialai, đơs:

“Tơnơ\ tu\ tơnhàu tơn, cau lơh broă sa pal jơm tờm kơphê nàng tơrmù [à bơta gơ dô dà, gàr tu\ tơngai sơrlèt gan mờ trồ prang gơ in jo\ rlau. Dơ\ bàr tai là bơh tu\ do tơn, bulah ờ hềt jơh kàl mìu, mơya bol he geh broă rơndăp lơh sơngka sền gàr ală chi bè chi kìng càl, chi gah brê. Gơ geh ală ntê, nha nàng kìng tơngai tờm kơphê in tàm kàl prang, lơh geh trồ tiah dềt is tàm sươn kơphê niam rlau”!

Cau cih mờ yal tơngi\t- Lơ Mu K’ Yến