VOV4.K’ho – Pơgap 5 nam do, Gialai sùm gơtìp trồ prang dờng soat dà lơh aniai, lơh git nđờ rbô lồ chi tam ală bơta gơtìp aniai, làng bol lơh broă sa gơtìp hoàc huơr kơnjơ\ ngan. Mìng is dơ\ prang dờng soat dà nam 2016 pa do, tàm càr neh geh mờr 23 rbô lồ chi tam gơtìp trồ prang dờng lơh aniai mờ ờ tơl dà [ồm. Tềng đap bơta do, kờ` dong làng bol iang nùs lơh broă lơh sa, bơtàu tơnguh lơh sa, UBND càr neh đơng lam ală kơnă, ală gah broă lơh, ală tiah tàm càr lơh ngan tam gơl chi tam tàm bơta tam gơl trồ tiah tu\ do; lam sồr làng bol tam gơl ờ uă bơta chi tam gơtùi hòn gơs niam, ai cồng nha tơnhàu uă bè nhơt, tơngời ai tờm, thanh long sò pơrhê, khoah rơbài… Kờp tus tu\ do, gùt càr neh tam gơl mờr 1 rbô lồ ù bơh tam kòi sre sùm gơtìp ờ tơl dà nàng tam ală bơta chi tam ndai ai cồng nha tơnhàu uă rlau.