VOV4.K’ho – Geh blơi tàm lơgar mờ tam tàm càr Gialai tàm nam 2012, bă ù tam tờm plai màk gam gơguh uă, ờ jat rơndap broă, ai go\ uă bơta ờ niam mờ pơhìn gơbàn aniai. Tu\ do, gùt càr geh mờr 3 rbô lồ tờm plai màk, mờ khà plai tơnhàu geh uă ngan, khà tac uă rlau mờ jơnau kờ` blơi. Geh tu\ khà priă plai màk gơmù lơyah, lơh gơbàn hoàc huơr làng bol lơh broă sa in.

Tềng đap bơta geh ngan hơ\, ală gah lơh broă geh gơnoar mờ ală tiah tàm càr pal lơh jat nền nòn jơnau đơng lam pa do bơh UBND càr Gialai dê bè sơlơ atbồ tam, kă bro plai màk; tàm hơ\ mblàng yal, pơlam làng bol ba` jat srơh, rề ơnàng bă ù tam dùl bă ur ar; pal bơcri tam jat bơta chài geh pơlam nàng tơnguh jơnhua cồng nha tơnhàu mờ bơta niam plai màk dê.