VOV4.K’ho - Kơphe Daklak gam mut tàm kàl pa mờ ua\ ngan gơ tam gơl nisơna jơh bè trồ tiah bal mờ khà pria\,  tơnơ\ do cau ai tơnggit jơnau đơs geh dơ\ lùp ồng Trịnh Đức Minh kuang atbồ mpồl kơphe Buôn Ma Thuột gùt dar bơta do.

-Ơ ồng, cau  lơh broa\ sa  Tây Nguyên đơs bal mờ cau tam kơphe Daklak  đơs is gam mut tàm kàl tơnhàu pa,  ồng đơs mbè lời bè  kơphe geh kung bè khà niam bơh kơphe tàm kàl do?

Ồng Trịnh Đức Minh: Kàl kơphe nam 2016-2016, lài hơ\ ai go\ geh ua\ bơta  bol he  geh tơnhàu dùl kàl kơphe gơtìp ua\ ngan kal ke, ngan la  khà kơphe ờ gam gàr geh ua\ ndrờm bè ala\ nam lài. Jat jơnau yal tơnggit rềp do,  tàm ala\ mpồl lơh sa ka\ bro geh sền gròi  tàm mpồl geh yal lài bè khà kơphe di gơlan geh  roh tus bơh 15-20%, gơ jat mờ ala\ tiah mờ ai bơh bơta la bồ nam  den trồ prang jo\ jòng, nhai mìu den tus  bì, lơh khà kơphe gơbàn gơ jrùh ua\ mờ plai ờ dờng, nam do bơdĩh mờ broa\ gơmù khà kơphe geh,  kơphe ờ dờng gam lơh aniai tus khà niam  bơh  gar kơphe.

-Ơi ơ ồng,  cồng nha geh, khà niam bơh plai kơphe geh đơs lài la gơmù bè hơ\,  geh gơbàn bàn aniai mbè lơi tus pria\ kơphe?

Ồng Trịnh Đức Minh: Khà sồ bơh  mpồl kơphe dunia geh ai go\ la tàm kàl lài, mờ kàl do khà kơphe Robusta gùt dunia ờ tơl tus 3 tơlak 300 rbô bào. Bulah bè hơ\,  ờ hềt gơbàn aniai ua\ ngan tus mờ pria\ geh, den  tàng tus tu\ do, mờ ala\ bơta yal lài bơh khà geh kơphe  Robusta bơh lơgar Việt Nam dê geh gơmù, Brasil gơmù, Indonesia kung gơmù sơl den bol geh geh đơs la, bồ kàl pria\ kơphe geh gơmù lơyah,  mìng is nam do den pria\ kơphe gam gơguh ờs sùm.

-Ơi ơ ồng, mờ ala\  gơ tam gơl bơh drà ka\ bro kơphe bơh jo\ do geh bơta yal lài ờ di pal, bulah bè hơ\ nàng geh lơh lài tàm ala\ gơ tam gơl hơ\,  jat ồng cau tam kơphe kờ` pal sền gròi tus bơta lơi?

Ồng Trịnh Đức Minh: Mờ drà ka\ bro  kơphe den gơ geh tam gơl nisơna ờ git lài, bơta do cau lơi kung git. Lài jơh la mờ cau lơh broa\ sa den pal geh git drà ka\ bro sùm,  iat jơnau đơs bè yal tơnggit lài  kờ` bol he geh kơrnuat di pal tàm bơcri kung bè tac kơphe he dê. Mờ ala\ cau ka\ bro kung ờ gàr geh bơhìan prap ing plai kơphe  tai ờ,  niam rlau jơh  blơi tềng lơi tac tềng hơ\.

-Ưn ngài ồng ua\ ngan.

                                    Cau cih mờ yal tơngit K’ Brọp