VOV4.K’ho- Gỏi cồng rơpoal mờ poăc iar là dùl tàm ală phan sa jo\ rài ngan bơh kòn cau Rơđê dê tàm càr Dak Nông. Là phan sa gỏi mơya ờ mìng broă tàm bơr lu\ bal ală phan, phan te\ tàm phan sa lơm gời mờ broă lơh bơh gỏi cồng rơpoal mờ poăc iar geh bơnah kuơ màng ngan, cèng uă bơta niam chài phan sa krơi is bơh làng bol kòn cau Rơđê dê.

Cồng rơpoal ngui lơh gỏi mờ poăc iar geh lơh kal ke ngan sơl. Den tàng bè hơ\, ală hìu bơnhă sùm lơh phan sa do tàm ală dơ\ lơh chờ rlau mờ tàm tu\ sa pah ngai dê. Cau ùr kòn cau Rơđê dê g^t broă sac rơ wah cồng rơpoal bơkah ngan rlau jơh.

                                                            Phan sa gỏi cồng rơpoal mờ poăc iar

Cồng rơpoal pal ris, nha tơ lir niam, ngkòng rơpoal di mơ, tu\ pét gam rơbă. Cồng rơpoal lài mờ tu\ geh lơh gỏi pal plờs cồng biăp. Biăp geh plờs jơh kơm mhò bơdìh, tu\ sa hơ\ sồng rơbă. Pét ală gơl di sa bơh 5 tus 7 phơng. Cèng cồng rơpoal gơm tàm dà duh dùl ết, tu\ cồng rơpoal pa sin tus, tă păt dà lời gơ in rơ sơh.

Poăc iar den kuơ màng ngan, lơh nền bơta bơkah bơh phan sa dê. Iar geh ngui lơh gỏi pal là iar brê halà iăr ròng lềng tàm suơn. Bơkah ngan rlau jơh là iar pa ntào dờng, kơn jơ\ pơgap rlau 1 ki\. Tơnơ\ tu\ rào kloh, iar geh buh tàm ồs rơnga tus dì tu\ iar sin bơkah. Ală iar geh hìu bơnhă kòn cau Rơđê dê sùm ròng lềng tàm suơn, phan sa tờm bơh gơ dê là nhơ\t, ran, srah mờ kòi den poăc wền, lơngồt bơkah. Tă jơh ntìng, dùl bơnah poăc iar neh sin srè dềt ơn tàm mpal bo\. Pơn jat hơ\ tai ai cồng rơpoal neh gơm sin bo\ bal mờ poăc iar.

                        Gòi cồng rơpoal mờ poăc iar geh ơn tàm sơ lào phan sa bơh yau kòn cau Rơđê dê tàm ngai lơh chờ

Hàn kòn cau kung là dùl phan te\ ờ gơtùi ờ geh tàm phan sa do dê. Hàn kòn cau hòi mờ [ô bơkah krơi is ngan. Gơ wèt mờ kòn cau Rơđê, hàn kòn cau ờ mìng dong lơh geh bơta bô thồm, lơh geh bơta bơkah ai ală phan sa in lơm gời mờ gam geh sền bè là dùl bơta sơnơm sơm kòp nggù, hắt muh, jê bồ, bơ siă… Den tàng bè hơ\, jơh ală phan sa bơh kòn cau Rơđê dê ndrờm ngui hàn kòn cau ala mờ ngui hàn nha halà tỏi.

Hàn kòn cau plồ kơmhò, pờng lề càng tàm tơngi duh halà ơn bal tơn tàm poăc iar mờ cồng rơpoal. Te\ tai boh mờ bòk ngòk mờ ală phan te\ ndai. Tu\ do, cau bo\ bo\ di mơ nàng lơh mbè lơi poăc iar neh lề gơ klăc bal mờ cồng rơpoal mơya cồng rơpoal den ờ hoan lề ir. Phan sa bơkah tu\ poăc iar neh bo\ lề, ngkòng rơpoal kung gam geh tơlir mờ gam ngkòng bè ờs, phan te\ gơmut tàm poăc iar mờ cồng rơpoal. Ală poăc iar tàm klăc bal tàm ngkòng rơpoal mờ nha rơpoal.

Cồng rơpoal, lơngồt bơkah, lơh cau sa in gơ lơh lơngơm tàm mpiăt. Bơta lơbơn wền, [ô thồm bơkah bơh poăc iar dê klăc bal mờ bơta rơbă lơngồt bơh ngkòng rơpoal dê, bơta lơngàm bơh nha rơpoal mơda lơh cau sa in ờ tu\ lơi hu\i. Phan sa kung pràn bơkah ngan sơl tu\ geh bơta tàm pơ gồp bal bơh poăc iar mờ biăp. Do kung là dùl bơta krơi is ngan tàm phan sa bơh kòn cau Rơđê dê mờ broă tru\ gơm li la, uă ngan, geh bơta tàm pơgồp bal uă phan te\ bal.

Quốc Học jat Ba\o Dak Nông.org.vn- Cau mblàng K’ Hạnh