VOV4.K’ho- Drim ngai 10/7, tàm Hìu Niam chài, Lơh broă càr Kon Tum dê, Mpồl bơyai lơh Gùng lòt Pơrhê Dà lơgar dê pơgồp bal mờ Mpồl Chữ thập đỏ càr Kon Tum bơyai lơh Ngai chờ pà mhàm “Ntờc mhàm pơrhê đah tô Tây Nguyên”.

                           Dờp mhàm tàm Gùng lòt Pơrhê “Ntờc mhàm pơrhê đah tô Tây Nguyên”

Do là dơ\ 5 Gùng lòt Pơrhê geh lơh tàm càr do. Ngai chờ pà mhàm “Ntờc mhàm pơrhê đah tô Tây Nguyên” dờp geh bơta dùl nùs bal, tus lơh bal bơh gi\t nđờ rhiang nă cau pà mhàm dong kờl is dê tàm tiah do. Mờ tàm drim tơn, Mpồl bơyai lơh Ngai chờ pà mhàm “Ntờc mhàm pơrhê đah tô Tây Nguyên” neh dờp geh 150 kơldung mhàm bơh ală cau pà mhàm dong kờl is dê tàm kờp jơh 700 kơldung mhàm geh dờp geh tàm nhai 7 do.

Lài hơ\, tàm mho ngai 9/7, Mpồl bơyai lơh Gùng lòt Pơrhê dà lơgar neh bơyai lơh lik lòt tàm gùng, mblàng yal làm bă tiah bè Broă lơh Gùng lòt Pơrhê bơh ală gơl gùng drà bơh [òn dờng Kon Tum dê mờ bơyai lơh Broă lơh “Gala gùng lòt pơrhê nam 2020- Nhờc mhàm pơrhê đah tô Tây Nguyên”.

Cau mblàng Lơ Mu K’Yến