VOV4.K’ho – Dùl tàm ală tơngume geh pơrjum dơ\ 4, Hội đồng Nhân dân càr Daklak tơrgùm cribơyai, hơ\ là bơtàu tơnguh lơh broă sa sươn sre kơ\ kơl jăp, tàm hơ\ kơphê là tờm chi tam pràn bơh tiah do dê kờ` pal geh sền gròi rlau tai. Bơta geh ngan phan lơh gơs bơh sươn sre “geh tơnhàu mơya tăc ờ yòm” lơh uă cau lơh broă sa kơlôi rơcang neh geh uă kuang bàng đơs tàm dơ\ cribơyai.

Ală kuang bàng Hội đồng Nhân dân càr Daklak kơ\p kờ` càr gờ` geh gùng dà broă lơh pràn kờ` lơh geh drà kă bro sùm ai phan lơh gơs bơh sươn sre in, dong cau lơh broă sa iang nùs lơh sa. Cribơyai bè Rơndăp broă lơh bơtàu tơnguh kơphê kơ\ kơl jăp bơh càr Daklak dê tus nam 2020 mờ wèt tus nam 2030, ală kuang bàng kung sồr Hội đồng Nhân dân càr pal sền swì bè bơta cồng nha bơh Rơndăp broă lơh dê tu\ tơrmù rơhời bă kơphê gơmù gam 180 rbô lồ mơya kung gam gàr niam rài kis làng bol in tu\ tam gơl rơndăp tăp sèng chi tam.

Cau cih mờ yal tơngi\t- Lơ Mu K’ Yến