VOV4.K’ho– Jat khà kờp bơhh Tiah tờm sền gròi kòp tê jê să càr Dak Lak dê yal, tàm 11 nhai nam 2020, gùt càr neh geh 7 nă cau chơt tài bơh kòp sơnrang. Jơh ală cau do ndrờm bơh so sơnrang kap mờ ờ cit sơnơm vaccine rơcang sơndră kòp tơ nơ\ hơ\ mơ tơn. Do là kòp bơ tờp ngòt rơngơt mờ neh geh bơh jo\ mơya jơnau git wă rơcang sơndră kòp bơh làng bol dê kung ờ hềt ua\, ua\ hìu bơnhă ờ sền gròi, sền ờ sơp tàm broă cit sơnơm vaccine rơcang sơndră kòp sơnrang so mèo in mờ ờ lòt kham tu\ gơtìp so, mèo kap.

Cau gơbàn kòp sơnrang mờ cau chơt dơ\ 7 là cau klau, 40 sơnam, kòn cau Rơđê, ơm tàm thôn Cư H’Lâm, xã Ea Pôk, kơnhòal Cư M’Gar, càr Dak Lak.

Ngai 11/9/2020, cau kòp gơtìp ô kap tềng nau tê kiau mờ tồr đah ma hòr mhàm, tơ nơ\ hơ\ neh pờng chơt so. Cau kòp ờ lòt cit sơnơm vaccine rơcang sơndră kòp sơnrang. Ngai 2/11/2020, kòp sơn đờm gơbàn mờ tềl tơnggo\ nrơt să, ngòt dà, ngòt càl, ngòt àng, loan lơhan den tàng hìu bơnhă jun mut tàm hìu sơnơm kơnhòal Cư M’Gar kham. Tàm do, ală bác sĩ pà git gơbàn kòp sơnrang mờ ntrờ` jun hờ hìu sơnơm dờng tiah Tây Nguyên tơ nơ\ hơ\. Ngai 3/11/2020, cau kòp gơtìp chơt să. Jơnau đơs pơn dut chơt să: kòp sơnrang.

Kòp sơnrang bơh virus sơnrang lơh gơbàn. Kòp bơ tờp tus kòn bơnus bơh dà diau phan sơnrang dê bơh tềl kap halà liar tềng tềl sồt. Jơh ală cau gơtìp kòn sơnrang là bơh so, mèo sơnrang kap, ờ ua\ cau bvơh ală phan ndai kap bè rềt, dồ, đe….

Tơ nơ\ tu\ mut tàm să cau, virus sơnrang geh ntrờ` bơh tap mô hơ đơm kơltau halà bơh ơră mut tàm ală gùng che tơnggoh ngoại biên, tus thung mờ tơngoh. Tơngai gơ drơm kòp digơlan bơh 2, 3 ngai tus 2, 3 nhai halà digơlan jo\ jòng tus 1 nam. Cau gơbàn kòp sơnrang sùm geh ală tềl tơnggo\ bè jê halà kiat tềng tềl kap, khoah; duh să, glar să, jê bồ jo\ jòng bơh 2 tus 4 ngai; ngòt dà, ngòt àng mờ ngòt sap nggồr; sùm gơ lơh ngòt tàm să, ờ suk tàm să…

Tu\ do kòp sơnrang ờ hềt geh sơnơm sơm. Tu\ neh gơtìp kòp sơnrang den cau kòp rơp chơt tơ nơ\ hơ\ ờ jo\. Den tàng, nàng rơcang sơndră kòp sơnrang, làng bol pal lơh jat ală broă lơh tơ nơ\ do:

Cit sơnơm vaccine rơcang sơndră kòp sơnrang ai so, mèo in jat tơngai pơrgon bè jơnau pơlam bơh anih lơh sơnơm phan ròng dê.

Ba` ting lềng so mèo tàm gùng. Dilah ting lềng den pal kơt mbùng.

Ba` nhơl, bơsèl so mèo, ngan là ba` lời kơ nòm dềt ơm rềp so mèo.

Tu\ gơtìp so, mèo kap, broă lài ngan là pal ràu tềl kap mờ sơ [ong mờ dà hòr sùm bơh 15 tus 20 phuk. Do là broă lơh bơh sơn rờp geh cồng nha ngan rlau jơh nàng rơcang sơndră kòp sơnrang. Tơ hơ\ lời tềl sồt gơ ha bè hơ\ mờ tus mơ hìu sơnơm nàng geh sơm. Tu\ do, sơnơm vaccine rơcang sơndră kòp sơnrang là broă mìng dùl lơm nàng pleh gơtìp chơt să.

Ba` sơm is kòp tàm hìu mờ ală bơta sơnơm bơhìan yau.

Cau mblàng K’Duẩn