Gia Lai bơcri priă 810 tơmàn đong lơh 3 broă lơh bơt bơtàu rơbòng dà dờng
Thứ tư, 06:00, 24/06/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Anih duh broă Làng bol càr Gia Lai pa bơsram lơh jat ală kơnòl broă jal mhar nam 2026, tàm hơ̆ sền gĭt bơcri priă lơh 3 broă lơh bơt bơtàu rbòng dà dờng mờ kờp jơh priă bơcri lơh pơgăp 810 tơmàn đong là kơnòl broă tờm bơh gah broă lơh sa suơn sre dê.
Ală broă lơh bơt bơtàu geh tơnau rơbòng dà Djang tàm sàh Kbang, tơnau dơng dà Ka Tung tàm sàh Tơ Tung mờ tơnau dơng dà Đăk Trau Dle tàm sàh Kon Chiêng.
Tŭ lơh sir, ală broă lơh rơ̆p pà dà tuh ai pơgăp 2 rơbô 400 lồ ù lơh sa suơn sre, gàr niam dà ngui ai gĭt nđờ rơbô hìu bơnhă làng bol in, mơkung pơgồp bơnah tam pà dà tih, lơh niam wơl tiah ơm kis brê bơnơm mờ tơrmù ƀà ngui dà căt tàm dơ lam ù. Ală rơndăp broă lơh kờp jơh bơta pràn dơng dà rlau 10 tơlak khối, geh lam lơh tàm tơngai bơh nam 2026-2030, gàr niam lơh jat ală jơnau sồr bè bơcri priă dà lơgar, bơt bơtàu, ù tiah, dà mờ sền gàr tiah ơm kis.
Viết bình luận