Broă ồng Lê Minh Hưng, Thủ tướng Chính phủ tus bal pơrjum kấp dờng tơnkah 35 nam gĭt gơ̆p Asean mờ Nga đơs nền tiah kwơ màng jŏ jòng bơh lơh broă bal Asean mờ Nga gơwèt mờ broă lơgar Việt Nam, pà gŏ bơta kơ̆p kờñ bơh lơgar Việt Nam dê tàm lơh jat gơnoar “rơbàng tàm tơrbŏ bal” sơlơ tơnguh tai bơta gĭt gơ̆p tam klăc lơh broă bal kwơ màng Asean mờ Nga bơtàu tơnguh ngan ngồn, geh cồng nha, drơm bal mờ bơta pràn mờ geh broă bơtàu tơnguh pa di dơ̆ tơngkah kir sơnrai 35 nam gĭt gơ̆p.

Pơrjum kung là dơ̆ nàng Việt Nam bal mờ ală lơgar sơlơ tơnguh tai gĭt mờ bơta geh ngan, ring bal mờ wèt tus cồng nha ngan ngồn tàm lơh broă bal Asean mờ Nga. Bơdìh hơ̆, Việt Nam kung kơ̆p kờñ pơgồp bơnah pờ ơnàng ù tiah lơh broă bal đah Asean mờ tiah câu Á- câu Âu.