Đơs pơn dut dar pơrjum, ồng Tô Lâm, Tổng Bí thư, Chủ tịch lơgar đơs niam nùs nhơm geh kơnòl bơh ală anih lơh broă dê tàm tŭ rơcang ală jơnau rơcang cih, jơnau yal, ală jơnau lơh nền; mờ kung sồr pơn jat tai cih dờp jơnau đơs, lơh sir sră pơ àr gàr bơta niam mờ tŭ tơngai hơ pơrgon. 

Gơwèt mờ mìng dùl tơngume lơh gơs kơrnuat boh lam ală jơnau lơh nền bơtàu tơnguh lơh sa dà lơgar jat Jơnau lơh nền tàm pơrjum sồ 79 bơh Bộ Chính trị dê, ồng Tô Lâm, Tổng Bí thư, Chủ tịch lơgar sồr ring bal bơta git wă bè lơh sa dà lơgar bè dùl mpồl wil tơl geh kes priă, phan bơna dà lơgar, ù tiah, phan kuơ geh is, phan bơna bơt bơtàu, ơn prap dà lơgar, mpồl lơh sa kă bro mờ ală bơta priă jền dà lơgar ndai. Bơta tờm tàm tơngai tus mờ sền nền wơl tơl làm ală adat boh lam geh gơ rềng, tă bơsong ală bơta gơ kòl bè priă jền, tơnguh cồng nha đơng lam broă mpồl lơh sa kă bro dà lơgar mờ lơh niam gơnoar broă tề lam bơh lơh dà lơgar dê tàm rài lơh sa.