VOV4.K’ho-Dà lơgar ngai sơlơ sền gròi mờ geh uă gùng dà broă lơh dong kờl ai cau lơh broă sa mờ mpồl lơh sa kă bro in lơh pràn broă ngui ală bơta jak chài pa tàm broă lơh sa sươn sre. Uă gùng dà broă lơh niam neh geh ai ngui mơya broă geh ngui ngan ngồn tàm rài kis kung gam là dùl bơta tam cah ngài ngan tài bơh kal ke bơh uă đah.

Công ty Trách nhiệm hữu hạn Một thành viên Hương Đất An Phú, tàm xã An Phú, [òn dờng Pleiku, càr Gialai là mpồl lơh sa kă bro bơh sơnrờp kung là dùl lơm tus tu\ do tàm càr Gialai geh Bộ Nông nghiệp mờ Phát triển nông thôn pà sră cơng tàng mpồl lơh sa kă bro ngui công nghệ cao.

 Tàm bă ù 5 lồ (apah cau dê), bơh nam 2014 tus tu\ do, mpồl lơh sa kă bro neh bơcri mờr 10 tơmàn priă ai ală công nghệ jak chài in tàm broă tam biăp, bùm, plai chi bơkah ờ [ơ\ [ơl, tăc tàm drà kă bro.

Jat bi Nguyễn Nam Phong, Phó Kuang atbồ Công ty, tu\ do, jơnau kờ` tàm drà kă bro gam uă ngan, mpồl lơh sa kă bro kung geh sơl gùng dà lơh sa dờng, mơya kal ke ngan geh càn priă jat bơnah priă ai càn 100 rbô tơmàn mờ priă cồng ờ uă.

Lài do, đah ngân hàng đơs là, mpồl lơh sa kă bro ờ hềt geh sră cơng tàng công nghệ cao den tàng ờ hềt ai càn, ai tu\ do neh geh sră cơng tàng den ngân hàng sồr wơl tai mpồl lơh sa kă bro pal geh bìa đỏ ù halà hìu den hơ\ sồng ai càn. Ală phan bơna kờp mờ priă tus mờr 10 tơmàn neh bơcri tàm hìu glòm, công nghệ cao ờ go\ geh ngui nàng dan càn priă mờ ngân hàng. Bi Nguyễn Nam Phong, đơs.

“Kơ\p kờ` bơh mpồl lơh sa kă bro dê là geh càn ală bơnah priă dong kờl ờ sa priă cồng uă, mơya gam gơtìp kal ke bè ală sră nggal gơrềng tus adat boh lam kung bè sră nggal càn priă.

Mpồl lơh sa kă bro gam bơcri priă uă ngan ai công nghệ cao in bè ală hìu glòm mơya tu\ mờ càn priă dà lơgar dê den kờ` pal geh phan bơna dờng ngan nàng dan càn. Tu\ do, bol a` gam gơtìp kal ke tàm broă do”.

Gơ wèt mờ mpồl lơh sa kă bro neh kal ke den gơ wèt mờ cau lơh broă sa Tây Nguyên, broă dan càn priă dong kờl ờ sa priă cồng uă jat bơnah priă ai càn 100 rbô tơmàn priă nàng bơcri blơi công nghệ cao tàm broă lơh sa den sơlơ kal ke uă tai.

Jat Quyết định sồ 813 ngai 24/4/2017 bơh Ngân hàng Dà lơgar dê bè broă ai càn priă dong kờl bơtàu tơnguh lơh broă sa sươn sre ngui công nghệ cao, lơh broă sa sươn sre kloh ờ [ơ\ [ơl, làng bol kờ` càn priă ờ sa priă cồng uă den kờ` pal lơh geh tơl ală jơnau sồr gi\t geh broă lơh, rơndăp broă lơh broă sa sươn sre ngui công nghệ cao, lơh broă sa sươn sre.

Hơ\ là kờ` pal geh sră cơng tàng bơh Bộ Nông nghiệp mờ Phát triển nông thôn dê mơya jơnau do ndrờm bè là ờ gơtùi ngan gơ wèt mờ cau lơh broă sa.

Bi Võ Quốc Khoa, cau tờm anih lơh sa sươn dờng công nghệ cao, sùm tam ală bơkàu niam ngan tàm xã Dà Ròn, kơnhoàl Đơn Dương, càr Lâm Đồng dê pà gi\t, nđờ nhai do, bi lòt tus uă ngan ngân hàng nàng dan càn priă dong kờl ờ sa priă cồng uă, rề ơnàng broă lơh sa mơya jơh ală ndrờm ờ geh cồng nha. Mờ geh bal broă ai sră ngui ù dan càn priă bơcri tàm broă lơh sa kung gam uă bơta kal ke ngan sơl. Bi Võ Quốc Khoa, đơs:

“Tu\ do, bol a` kung gam lơh ngan dan càn sơl mơya ờ hềt geh ai càn. Jơnau mờ khi sồr là dilah càn priă den pal geh uă phan bơna, mờ dilah mờ he ai sră ngui ù lơh broă sa sươn sre nàng dan càn den khi kờp jat mờ khà priă bơh dà lơgar dê, den tàng càn ờ go\ geh uă”.

Jat ồng Nguyễn Long Khánh, Phó Trưởng phòng Nông nghiệp mờ Phát triển nông thôn kơnhoàl Chư\ Pưh, càr Gialai dê yal, uă gùng dà broă lơh bơh dà lơgar dê niam ngan, geh kuơ ngan gơ wèt mờ broă dong bơtàu tơnguh lơh broă sa sươn sre công nghệ cao.

 Mơya, jơh ală broă lơh ndrờm gơtìp kal ke tàm gah ngân hàng, kal ke lơh tàm bơta geh ngan. Ồng Khánh ai lơh pơn yơu bè Quyết định sồ 68 nam 2013 “Bè gùng dà broă lơh dong kờl kờ` tơrmù [à hoàc hươr tàm lơh broă sa sươn sre”.

Quyết định geh ai ngui bơh ngai 1/1/2014 mơya tus tu\ do kung gam ờ hềt geh ai ngui ngan ngồn sơl tàm tiah do. Tài bơh ală sră nggal gam kal ke ir, cau lơh broă sa ờ hềt gơtùi càn priă bơh ngân hàng dê. Ồng Nguyễn Long Khánh, đơs bè do:

“Sră nggal ai càn priă blơi măy tuh dà tềm pềr halà bàr pe phan ngui tàm broă lơh sa den tàm bơta geh ngan, cau lơh broă sa ờ tơl bơta nàng càn priă blơi phan do càn priă jat bơta dong kờl ờ sa priă cồng uă, tài bơh ală jơnau sồr kal ke ngan.

Tàm tơngai tus, nàng cau lơh broă sa geh càn priă bơh broă dong kờl do, den dan ală kơnă ală gah sền gròi lơh tam gơl pa sră nggal hành chính ai càn, lơh [ươn ală bơta pal geh ai càn priă nàng cau lơh broă sa in gờ` geh càn priă tàm broă lơh sa”.

Tàm bơta ndai, broă bơtàu tơnguh lơh broă sa sươn sre công nghệ cao tàm Tây Nguyên gam kal ke tàm gùng dà broă lơh gơrềng tus ù tiah mờ ờ hềt geh bơta sền gròi ngan ngồn bơh gơnoar atbồ tiah do dê.

Dùl tàm ală bơta pal geh nàng làng bol mờ mpồl lơh sa kă bro gơtùi càn geh priă dong kờl ờ sa priă cồng uă do là ală tiah kờ` pal crơng gơs ală broă lơh, rơndăp broă lơh mờ ală kơnhoàl ù tiah, ală tiah lơh sa sươn sre công nghệ cao.

Mơya, tus tu\ do, ờ hềt geh càr lơi tàm Tây Nguyên lơh geh jơnau do. Cau lơh broă sa kờ` lơh broă bal, lơh bal mờ gơ\p nàng lơh sa jat công nghệ cao kung kal ke ngan mu\t lơh. Bi Lê Minh, cau atbồ dùl anih lơh sa sươn dờng tam bơkàu niam ngan, tàm xã Xuân Thọ, [òn dờng Dà Làc, càr Lâm Đồng pà gi\t:

“Uă tu\ he kờ` jơrnum tàm ală tiah lơh sa sươn sre công nghệ cao mờ đah [òn dờng halà càr sồr nàng he in lơh gơ geh bă ù ơnàng rlau. Mờ he tàm tơrgùm bal geh ală cau geh bal dùl bơta kơlôi sơnơng mờ he nàng bơyai lơh gơs mpồl nàng lơh sa bal dùl rơndăp tăp sèng, nàng geh phan lơh geh jơnau kờ` bơh drà tăc phan mờ lơgar ndai dê. Mơya, mờ tiah hơ\ đơs neh bơh uă ngan nam do mơya Dà Làc kung gam ờ hềt lơh gơs tiah lơh sa sươn sre công nghệ cao”.

Tây Nguyên, dùl kơnhoàl ù tiah nđiơm gơs mơya kung gam lơyaì bơtàu tơnguh sơl. Lơh broă sa sươn sre ngui công nghệ cao hơ pơrgon geh gơ gơs là bơta bơtàu tơnguh mhar nàng lơh sa Tây Nguyên tam gơl pa mờ bơtàu tơnguh.

 Nàng lơh geh jơnau do, kờ` pal geh bơta sền gròi bơh Chính phủ, ală bộ gah lơh broă dê kung bè gơnoar atbồ tiah do dê nàng tă bơsong ală kal ke, kòl yan dong làng bol mờ mpồl lơh sa kă bro tàm tiah bơcri priă, ngui công nghệ cao tàm broă lơh sa!

Cau cih mờ yal tơngi\t- Lơ Mu K’Yến