VOV4.K’ho - Tam pa wơl kơphe tu\ do là bơta geh uă cau lơh broă sa sền gròi ngan. Anih priă jền lơh sa suơn sre mờ bơtàu tơnguh [òn lơgar càr Daklak kung neh hơ pơrgon ai càn 3 tơmàn priă nàng drơng jơnau kờ` càn priă tam pa wơl kơphe. Mơya tu\ do làng bol lơh broă sa tàm uă tiah tàm càr kung ờ hềt geh dờp bơnah priă càn do:

Hìu nhă mò Trần Thị Liên, ơm tàm ntum Hoà Đông, kơnhoàl Krông Pach, càr Daklak geh mờr 7 sàu kơphe neh kra, cồng nha tơnhàu dùl êt ngan, kờ` pal kơl sang nàng tam pa. Mò Liên pà git, hìu nhă mò kờ` tam pa wơl suơn kơphe neh bơh jo\, mơya kung gam ờ hềt tơl priă mut lơh. Di tu\ hơ\, mpồl cau lơh broă sa ntum yal hìu nhă mò in bè bơnah dong kờl cau lơh broă sa tam pa wơl kơphe, mò chờ hờp ngan. Mơya bơta chờ hờp hìu nhă mò dê ờ jo\ jòng tu\ mò cèng sră nàng lòt càn priă. Mò yal: “ Tu\ do lòt càn khi đơs là mìng càn geh bơh 1 tus 2 nam tơn jo\ tơngai càn mơya tàm 2 nam hơ\ pal tơm jơh priă càn, pơ yơu he càn 100 tơlak priă là tus 2 nam pal tơm jơh, den tàng dilah bè do den hìu nhă a` ờ gơtùi tam pa wơl.”

Ală hìu nhă lòt càn priă tam pa wơl kơphe pà git, bulah broă dong kờl neh geh mơya geh uă ir sră nggal bè sră cơng tàng geh tơl bơta nàng tam pa, gơ ơm tàm tiah tam kơphe geh càr rơndap lài, lơh jat nền nòn rơndap broă tam pa wơl bơh gah lơh broă sa mờ bơtàu tơnguh [òn lơgar dà lơgar ai tơlik, den tàng uă cau lơh broă sa kung gam gơlơh kwi kuơ ngan. Bal mờ hơ\, broă ai càn priă tam pa wơl kơphe tu\ do geh tă jat kàl lơh sa, nam sơn rờp lơh ù tam pa geh càn 80 tơlak priă tàm 1 lồ, nam dơ\ 2 geh càn 30 tơlak priă, nam dơ\ 3, dơ\4  geh càn 40 tơlak priă. Hơ\ là tàm tơngai hơ\, cau tam kơphe càn bơh 130 tus 150 tơlak priă nàng tam pa wơl 1 lồ kơphe. Mơya làng bol ờ geh càn dùl dơ\ mờ pal càn rah rài uă nam. Bơta do lơh gơbàn kal ke làng bol in tu\ kờ` tơrgùm priă bơcri uă nàng gơtùi rơcang lài tàm broă lơh sa. Den tàng làng bol ờ huan kờ` tu\ càn priă. Ồng Nguyễn Văn Minh, Kuang jat jơng atbồ Anih duh broă làng bol kơnhoàl Cư Mgar pà git: “ Ngan là Anih priă jền kung neh geh uă broă lơh nàng tă bơsong kal ke bè bă ù làng bol dê ờ duh pal geh cồng nha sền gròi bơta niam ù, hìu nhă lơi ờ hềt geh sră ngui ù den mìng kờ` geh bơta dờp geh ngan bơh gơnoar atbồ ntum dê… Mơya jơnau kờ` càn priă bơh cau lơh broă sa dê là uă ngan, gơya anih priă jền lơh broă sa mìng ai càn tàm khà 150 tơlak tàm dùl lồ. Tàm pơgap 4 nam, làng bol ờ geh priă jền lơi ndai dilah tam pa, dilah geh tam phan ndai den priă lơh geh kung ờ uă, den tàng làng bol ờ huan kờ` mờ priă càn do.”

Daklak là càr geh bă ù tam kơphe uă ngan rlau jơh gùt lơgar mờ rlau 203 brô lồ, tàm hơ\ geh git nđờ jơt rbô lồ neh kra pal geh tam pa wơl. Kờ` drơng rơndap broă tam pa wơl 27 brô lồ kơphe neh kra, nam 2013, anih priă jền lơh broă sa mờ bơtàu tơnguh bòn lơgar neh hơ ai càn rlau 3 rbô tơmàn priă. Mơya tus tu\ do, tơnơ\ rlau 3 nam mut lơh, mìng rơp geh 31 nă cau geh càn priă, khà jơngkah dồs 51 tơmàn priă, bơcri tam pa wơl rlau 600 lồ. Kờ` tă priă càn tam pa wơl kơphe, ồng Tăng Hải Châu, Kuang jat jơng atbồ anih priă jền dà lơgar tàm càr Daklak geh jơnau dan: “ Gơnoar atbồ lơgar pal ngui kes priă dà lơgar nàng ờ kờp priă cồng cau tam pa kơphe in tàm tơngai tờm kơphe ờ hềt tơnhàu nàng làng bol in iang nùs. Dơ\ 2 là ai sơntìl cau tam pa wơl in, tài do kung là bơta [uơn nàng bol he gơtùi lơh niam suơn kơphe mờ khà sơntìl niam. Bè đah [òn lơgar, pal geh bơta lơh bal bơh jơh ală kơnă, ală gah broă lơh, dilah mìng anih priă jền lơm den kal ke ngan mut lơh. Pal mblàng yal, pơlam làng bol pal tam pa wơl kơphe, den hơ\ sồng bol he gơtùi mut lơh geh cồng nha jơnau kờ` tam pa wơl.”

Mùl màl ai go\, làng bol kung gam kơlôi rơcang is nàng tam pa wơl kơphe neh kra tàm li la ngan bơta kal ke. Broă dong kờl ai càn priă tam pa wơl kơphe là ngan ngồn mơya kung pal tơmù dimơ ală kòl yan nàng làng bol in geh càn priă [uơn rlau.

                 Cau cih mờ yal tơnggit K’ Duẩn.