VOV4.K’ho – Tu\ do, khà priă tiêu tàm ală càr Tây Nguyên sùmg ơmù uă, mìng gam bơh 77 tus 80 rbô priă tàm 1 ki\, ndrờm mờ gùl jat tơngai bal nam lài dê. Do kung là khà priă tiêu lơyah ngan rlau jơh tàm pơgap 7 nam do. Khà priă tiêu gơmù, lơh uă hìu nhă tam tiêu tàm Daklak ờ suk.

Ồng Nguyễn Chính Ninh ơm tàm [òn 11, xã Ea Ninh, kơnhoàl Cư Kuin, càr Daklak geh mờr 1 lồ tiêu neh tơnhàu nam dơ\ 4. Kàl lơh tiêu nam do, cồng nha tơnhàu tiêu bơh hìu nhă ồng Ninh dê geh 6 tấn. Bulah tiêu neh pic mờ ìs ra` jơh, mơya ồng Ninh kung gam kwi kuơ, tac halà prap wơl kơp khà priă gơguh jơnhua. Tài dilah tac mờ khà priă lơyah bè tu\ do den ờ geh cồng, ai dilah ờ tac den ờ geh priă nàng kơ lôi rơcang tàm rài kis, priă tơm cau lơh broă, blơi phơng sih, phan bơna nàng bơcri suơn tiêu in tàm ală nam tơ nơ\. Ồng Ninh đơs: “Khà priă gơmù lơyah, tu\ do hìu nhă ờ hềt tac gam kơp khà priă gơguh jơnhua, khà priă gơmù lơh kal ke tàm broă bơcri den tàng hìu nhă gam kơp nàng sền khà priă tac tàm drà kă bro gơguh wơl làh ờ.”

Kung bè ồng Ninh, ồng Đào Xuân Phương, ơm tàm [òn 10, xã Ea Ninh, kơnhoàl Cư Kuin, càr Daklak kung gam ờ suk ngan tàm khà priă tac tiêu gơmù. Hìu nhă ồng geh 8 sàu tiêu, tơnhàu geh 4 tấn pah nam. Ală nam lài, tu\ neh pic jơh, ìs ra`, cau kă bro tus tàm hìu nàng blơi tơn. Mơya nam do khà priă tiêu gơmù lơyah den tàng hìu nhă ồng Phương gam prap wơl jơh khà tiêu tàm anih prap ơn, kơp gơguh khà priă. Ồng Phương ờ suk broă prap ơn jo\ ngai digơlan lơh tiêu gơtìp mo\ sa, lơh tiêu gơbàn `ggờc, ờ huan niam tai, tac ờ huan ỳom tai den ngan là gơbàn hoàc huơr. Ồng đơs: “Khà priă gơmù lơyah ir, dilah tac tu\ do den pơn drờm mờ priă bơcri là ờ geh cồng, den tàng kờ` prap wơl kơp khà priă gơguh jơnhua. He prap tiêu bè do den ngan là tiêu ờ huan niam tai, tài bơh gơtìp mo\ sa, gơbàn `ggờc uă ngan. Tu\ do kung kơp kơ nờm bè lơi khà priă gơguh tus 100 rbô, rlau 100 rbô den a` kung tac sơl, ai tu\ do ờ geh priă nàng bơcri wơl kung kal ke ngan.”

Khà priă tiêu sùm gơguh jơnhua tàm uă nam lài, geh tu\ gơguh tus 230 rbô priă tàm 1 ki\, bơta kuơ lơh geh uă rlau 3, 4 dơ\ pơn drờm mờ tam kơphe, tam điều… lơh uă làng bol tàm Daklak đơs is, ală càr Tây Nguyên đơs bal, ờ lơh jat jơnau pơlam bơh gah lơh sa suơn sre dê, ur ar rề ơnàng bă ù tam tiêu, ờ jat rơndap broă, lơh khà tiêu jơngkah uă. Do kung là 1 tàm ală jơnau lơh tiêu gơmù khà priă. Ồng Huỳnh Quốc Thích, Phó kuang atbồ Sở Nông nghiệp mờ Phát triển nông thôn càr Daklak đơs là: “Pal đơs là broă lơh tam rah rài jat tơl nă ù bơh làng bol dê sùm là lơh jat khà priă phan bơna den tàng gơtìp aniai uă ngan. Bulah gah lơh sa suơn sre kung neh geh rơndap broă, mơya broă lơh glài tus mờ broă tam is ur ar là ờ gơtùi mut lơh, tài tơl nă cau lơh broă sa sơ nơng là tàm bă ù khi dê, khi go\ bơta lơi geh kuơ den khi lơh mờ tài bơta kuơ dờng ir den tàng làng bol neh tam dùl bă ur ar.”

Tu\ do, Daklak geh 28 rbô lồ tiêu, uă rlau mờr 2 dơ\ pơn drờm mờ rơndap broă tus nam 2020. Ală cau pa càn priă lơh ngan bơcri tam tiêu tàm nđờ nam do tu\ do gam kwi kuơ tềng đap bơta ờ suk tiêu gơmù khà priă mờ kòp tu sa lơh aniai.

                                                             Cau cih mờ yal tơnggit K’Duẩn