VOV4.K’ho - Kờ` mut lơh broă tam pa wơl kơphe tơngai bơh nam 2014 tus nam 2020, Ngân hàng Nông nghiệp mờ Phát triển nông thôn hơ pơrgon geh ai bơnah priă càn rlau 12 rbô 500 tơmàn priă. Bulah bè hơ\, tus tu\ do, ngân hàng mìng pa tă geh 758 tơmàn priă (mờr 6%). Mìng is tàm Daklak, pa geh 43 nă cau geh càn priă, tàm hơ\ cau càn là mpồl lơh sa kă bro geh 7 mpồl mờ rlau 500 lồ. Jơnau lơi lơh broă tă priă càn lơỳai ngan mờ ală mpồl tam pa wơl kơphe kal ke geh càn priă:

Pa rơndap wơl ală sră nggal cih mat càn priă tam pa wơl kơphe, ồng Hà Văn Lạc, Phó kuang atbồ Kong ti trách nhiệm hữu hạn một thành viên 720, tàm kơnhoàl Ea Kar, càr Daklak di Tổng kong ti kơphe Việt Nam pà git, kong ti geh 320 lồ kơphe, uă ngan tàm khà do là kơphe neh kra pal tam pa wơl. Mơya bơh nam 2009 tus tu\ do, kong ti rơp tam pa wơl geh mờr 100 lồ. Jơnau tờm ngan lơh kong ti lơỳai tam pa wơl là ờ tơl priă bơcri. Jat ồng Lạc, kờ` tam pa wơl jơh bă ù do kong ti kờ` pal geh rlau 70 tơmàn priă. Bulah bè hơ\ tu\ do, tơl lồ geh ngân hàng ai càn mờr 180 tơlak priă, tă priă càn uă dơ\ jat tu\ tơngai. Kờ` geh càn priă do, kong ti neh gơtìp uă ngan kal ke bè lơh cơng phan bơna nàng geh càn priă. Ồng Hà Văn Lạc pà git: “Là mpồl lơh sa kă bro, bol a` go\ kal ke ngan rlau jơh là bơta priă càn, kuơ màng là priă càn jat broă lơh tam pa wơl kơphe bơh Chính phủ dê, bulah neh geh bơta dong kờl mơya bè sră nggal kờ` geh phan bơna nàng càn priă den jat bol a` ờ geh bơta ringbal bơh ală gah, sơnah lơh broă. Kuơ màng là dong mpồl lơh sa kă bro tàm broă ai phan bơna suơn chi dờng pràn tàm tơnơ\ do, ai bơta hờ\ mờ phan bơna nàng lơh sră càn priă ngân hàng den bol a` hơ\sồng gơtùi lơh, dilah ờ gơtùi den kal ke ngan bol a` in.”

Ồng Phạm Quang Hùng, kuang atbồ Phòng kă bro, Ngân hàng Nông nghiệp mờ Phát triển nông thôn sơne\ tàm kơnhoàl Ea Kar pà git, bơh bồ sơnam tus tu\ do, jơngkah dồs ai càn bơh sơne\ do dê rlau 1 rbô 50 tơmàn priă. Tàm hơ\, jơngkah dồs ai càn tam pa wơl kơphe mờ ală mpồl lơh sa kă bro dà lơgar mìng geh rlau 14 tơmàn 500 tơlak priă.

Tàm tu\ ai càn priă tam pa wơl kơphe, ngân hàng kung sền go\ uă bơta ờ niam lơh gơbàn bơta kal ke tu\ càn priă. Mùl màl, broă đal git khà priă phan bơna tu\ do kal ke ngan mut lơh. Mờ ală mpồl lơh sa kă bro dà lơgar kờ` càn priă tam pa wơl dờng ngan mơya ù khi dê là ù ơpah den tàng ờ geh phan bơna nàng lơh sră. Ai mờ chi tam tàm ù gam geh hòi là phan bơna crơng gơs tàm ù, jơh ală anih lơh broă geh gơ noar tàm [òn lơgar ờ hềt lơh sră gơnoar atbồ tus mờ chi tam jo\ nam, den tàng anih cih mat càn priă ờ bài lơh sră. Ồng Phạm Quang Hùng pà git tai: “Kal ke ngan rlau jơh mờ ală broă lơh bơt bơtàu khi neh bơt bơtàu pơgap mờ do 5 halà 10 nam den broă tơm wơl priă nàng lơh sră ai gơnoar bơt bơtàu kờ` lơh sră atbồ tus mờ ală phan bơna do là ờ gơtùi mut lơh. Dơ\ 2 là tu\ do ờ hềt geh dùl sră nggal lơi cih bè broă lơh sră đal git gơ noar atbồ tus mờ suơn chi nàng lơh phan bơna lơh sră càn priă ngân hàng den tu\ ală mpồl do ờ tơl phan bơna nàng lơh sră den tu\ do ngân hàng kung kal ke ngan tàm bơta ai càn priă. Dilah ngân hàng mut ngui nghị định sồ 55 nàng ai càn priă den khà ai càn ờ geh uă jat jơnau kờ` mờ khi kờ` tam pa wơl. Tu\ do, ờ uă mpồl kờ` tam pa wơl tus git nđờ rhiang tơmàn mơya ờ geh phan bơna nàng lơh sră càn priă, ngân hàng ờ gơtùi tă priă càn do.”

Kờ` priă càn tam pa wơl kơphe gơ gơs [uơn rlau, làng bol [uơn geh càn rlau, ồng Hồ Xuân Bửu Tư, kuang atbồ Ngân hàng Nông nghiệp mờ Phát triển nông thôn sơne\ tàm kơnhoàl Ea Kar sồr, bơdìh mờ broă dà lơgar pal geh cơ chế krơi is đah càn priă chính sách mờ càn priă kă bro, ală anih lơh broă geh gơnoar pal sền sơwì dong kờl 50% priă cồng cau càn in tàm tơngai dong kờl, mơkung tơnguh khà bơcri tă priă càn uă rlau drơng jơnau kờ` cau nac dê. Mùl màl, ai càn priă tam pa wơl kơphe bơh 180 tus 200 tơlak priă tàm 1 lồ. Mơya kuơ màng rlau là ală gah, sơnah lơh broă pal sền sơwì tă bơsong bè bơta lơh sră càn priă mờ phan bơna. Ồng Hồ Xuân Bửu Tư đơs là: “Bol he pal geh cơ chế bơh dờng tus dềt, geh bơta pơlam bơh Bộ nông nghiệp, Bộ tư pháp, ngân hàng dà lơgar cih cơ chế lơh sră càn priă, cau lơi là cau đal git phan bơna tàm ù mờ anih lơh broă lơi lơh sră nàng mpồl lơh sa kă bro geh [uơn [uài tàm broă lơh sră càn mờ phan bơna.”

Tam pa wơl kơphe là broă lơh dờng bơh dà lơgar dê, kờ` tam gơl bă kơphe jo\ nam gam gơtìp kra, chul chồl bơtàu tơnguh gah lơh kơphe Việt Nam, tơnguh niam rài kis cau lơh broă sa in. Bulah bè hơ\ mờ ală kal ke tàm broă đal git phan bơna nàng lơh sră càn priă geh lơh kòl yan tus broă tam pa wơl. Den tàng, kờ` ngan geh bơta lơh broă bal bơh ală gah, sơnah lơh broă geh gơ rềng nàng tă bơsong ală kòl yan do kờ` cau càn in geh [uơn rlau tàm broă càn priă mờ broă dong kờl ai tam pa wơl kơphe in.

                   Cau cih mờ yal tơnggit K’Duẩn