VOV4.K’ho - Jăt tơngai, uă bơta chài rơgơi ờs mờng kòn cau tàm do gơtìp roh rơhời, mơya mìng is broă tà` ồi yau sùm geh cau ùr kòn cau Bơnhàr tàm càr Gia Lai prăp gàr bè là dùl bơta niam kòn cau dê.

{òn Pơ Nang, xã Tú An, thị xã An Khê là dùl tàm pe [òn xã Tú An, thị xã An Khê dê gam geh uă cau ùr g^t tà` ồi yau ờs mờng ngan. Ală cau ùr do neh crơng gơs mpồl tà` ồi yau [òn dê, ai bơh bơta tòm broă lơh neh geh lài bơh ală mò pàng bơto wơl.

                          Cau chài Đinh Thị Puốt bơto rơnàng oh kòn, kòn sao in tàm broă tà` ồi yau

Lo\ Hồ Thị Viên, cau atbồ mpồl tà` ồi yau ờs mờng xã Tú An pà g^t, [òn lơh broă neh crơng gơs, broă tà` bơh ală oh mi cau ùr dê neh niam. Mơya, broă kal ke là broă jòi anih tăc phan geh tà`, tài tà` mờ tê den tàng khà priă kas rơlao mờ ală phan geh tà` mờ măi.

“Bơta kal ke geh tơngo\ bơta ngăc ngar”, ală oh mi cau ùr ờ tà` uă ào mpha, ồi tai tài khà priă kas mờ tam gơl tà` ală bơta phan geh lơh bơh broă tà` ờs mờng bal mờ ală gơl phan bơka ờs mờng kòn cau dê bè bơno, che kơ\t bồ, `òng, kòng tê, kơl dung ơn điện thoại, phan kơ\t che khoă, chèo dă kơ [àng, phan dă li, kơ-am dà, phan bơta kơl l^k hìu, chèo pơn ngko, kơl dung ơn laptop, ipad... do là ală phan ngui nàng ală cau năc in blơi lơh phan lời kir tài khà priă di pal.

Jăt cau chài Đinh Thị Puốt, 80 sơnam yal, [òn tà` ồi Pơ Nang kờ` tà` dùl pang ồi roh 1 nhai. Pang ồi hơ\ geh koh nàng măi, crăp ha là bơka gơs ồi mbơn, ào, ntrờ`, sơgơn, kơl dung jăt mờ broă lơh ờs mờng. Hơ\ là dùl broă lơh nền nòn ngan, jơh nùs nhơm. Mò sùm lam sồr ală oh mi cau ùr lơh ngan bơsram bal, tam gơl bal jơnau g^t wă kờ` sền gàr bơta niam chài rơgơi kòn cau, gàr bơta niam chài is cau ùr kòn cau Bơnhàr dê.

Bơta niam ồi yau tàm phan soh ha là phan ngui tàm hìu nhă ngui tơl^k bơta niam chài, nền nòn bơh cau ùr tàm hìu nhă dê. Ală bơta phan bơka geh pơgồp bal mờ ală rùp tàm rài kis broă lơh sa mpồl bơtiàn kòn cau Bơnhàr dê, pơgồp bal mờ rài kis pah ngai bè tòm chi, nha chi, bơkào, phan brê, phan ngui. Phan soh niam, tơl^k bơta chài cau ùr dê. Hơ\ kung là bơta tòm kờ` rơwah cau ùr hìu nhă bơh cau klao kòn cau Bơnhàr dê.

Crơng gơs bơh nam 2017, mpồl tà` ồi yau xã Tú An lài ngan mìng geh 10 nă cau, tu\ do neh rơlao 50 nă oh mi cau ùr mờ uă rơnàng, uă sơnam ngan là mò Đinh Thị Puốt (80 sơnam), cau dềt sơnam ngan là ală kơnòm bơsram cấp 2. Ală cau do geh bal nùs nhơm kờ` prăp gàr bơta niam chài kòn cau dê. Bơh broă bơto, tơriang tơriồng tàm broă bơsram, jơnau g^t wă tàm broă tà` ồi ală cau tàm mpồl rơhời geh gơguh, phan geh tà` gơs niam, uă bơta rơlao.

Bơdìh mờ broă drơng tàm hìu nhă, ală phan tà` geh bơh mpồl do dê neh geh ràng tăc tàm ờ uă broă lơh nhơl chờ nàng yal phan geh tà` gơs xã dê. Ală pang ồi yau [òn Pơ Nang dê geh ală cau chài neh mờng chài jo\ nam pơgồp bal mờ ală bơta phan bơka niam bơne\ pa geh bơta niam chài krơi is bơh [òn lơh broă ờs mờng tàm do dê.

Cau mblàng Ndong Brawl