VOV4.K’ho – Ngai 22/11, gah lơh sơnơm càr Kon Tum sơn đờm lơh broă lơh cit sơnơm vaccine rơcang sơndră kòp bạch hầu tàm 2 xã là Đăk Ui mờ Ngọc Réo, kơnhòal Đăk Hà. 2 xã Đăk Ui mờ Ngọc Réo, kơnhòal Đăk Hà geh gah lơh sơnơm càr Kon Tum lam lơh broă lơh cit sơnơm vaccine rơcang sơndră kòp bạch hầu là tiah pa geh 4 nă cau gơbàn kòp do.

Mờ jơnau kờ` kơryan tiah geh kòp nàng tơmù tus khà lơyah ngan rlau jơh khà gơbàn kòp, chơt să tài kòp bạch hầu, digơlan geh rlau 4 rbô 200 nă cau bơh 8 tus 25 sơnam tàm 19 thôn bơh 2 xã do dê geh cit sơnơm vaccine TD rơcang sơndră kòp bạch hầu. Hìu sơnơm kơnhòal Đăk Hà pà git: broă lơh cit sơnơm vaccine rơcang sơndră kòp bạch hầu tàm xã Đăk Ui mờ Ngọc Réo geh lơh 3 dơ\, tàm nhai 11 mờ nhai 12 nam 2019 mờ nhai 7 nam 2020 mờ jơnau kờ` là 95% cau geh cit tơl 3 ding sơnơm vaccine TD.

Cau mblàng K’Duẩn