VOV4.K’ho - Ală nam pa do, tàm kơnhoàl Cư\ Mgar, càr Dak Lak neh geh ờ uă broă lơh sa suơn sre jăt broă ngui công nghệ cao. Gơnoar atbồ tàm kơnhoàl bal mờ anih lơh broă geh gơnoar neh geh gùng dà, broă lam sồr làng bol, anih lơh sa kă bro tam gơl broă lơh jăt broă lơh a pa, kờ` tơnguh cồng nha, bơta kuơ phan geh lơh.

Tơnơ\ mờ tu\ tus bal ơdu\ bơto broă lơh pa tàm tiah lơh sa công nghệ cao [òn dờng Hồ Chí Minh dê, hìu bơto broă lơh kơnhoàl Cư\ Mgar neh lơh jăt broă ngui khoa học, kỹ thuật tàm broă lơh sa suơn sre tàm kơnhoàl do.

Tu\ do, hìu bơto broă lơh do neh lơh jăt ală broă tam rơpung tàm hìu jàl, tam bơsềt linh chi công nghệ cao, tơngai sih tam ờ jo\, gơtùi tam geh uă dơ\ tàm 1 nam. Mùl màl pà go\ ală broă lơh do neh dong kờl tềm pềr priă, sền gròi niam ală bơta sơnơm sền gàr phan tam, tơmù ờ uă ngan tu, kòp lơh aniai, tơmù broă tam gơl bơh trồ tiah dê.

Ồng Nguyễn Ngọc Giao, atbồ hìu bơto broă lơh kơnhoàl Cư\ Mgar, càr Dak Lak pà g^t:

- Bol a` neh geh anih ngui broă lơh sa suơn sre công nghệ cao tiah lơh sa công nghệ cao [òn dờng Hồ Chí Minh bơto tam ală bơta biăp sa nha, biăp saplai mờ công nghệ cao bơh lơgar Israel dê.

Viện công nghệ sinh học [òn dờng Hồ Chí Minh kung neh bơto bol a` tàm gah tam ală bơta bơsềt đông trùng hạ thảo mờ công nghệ cao sơl. Tu\ do, bol a` gam lơh jăt ală broă lơh do mờ a` kơlôi là do là 1 tàm ală broă pal geh lơh.

Tài tơmù khà priă bơcri, tơnguh cồng nha bơta niam phan geh lơh ai geh bơta kuơ uă rơlao. Mờ tơmù bơta rềs àr ngan là broă bơh tiah kis, broă bơta niam phan geh lơh mờ bơta pràn kơl dang să jan cau ngui sa.

Cư\ Mgar là kơnhoàl geh bơta pràn bè lơh sa suơn sre mờ là tiah tam kơphe uă ngan càr Dak Lak dê mờ bă ù ơnàng 36 rơbô lồ. Mơya, tơnơ\ mờ 20, 30 nam lơh tus tu\ do, geh uă bă ù tam kơphe neh kra mờ pal tam gơl tam ală bơta phan tam ndai di pal.

Ồng Nguyễn Văn Minh, Phó kuang atbồ UBND kơnhoàl Cư\ Mgar pà g^t:

- Kơnhoàl gam tơrgùm hòi jà ală anih lơh sa kă bro tàm lơgar bal mờ lơgar bơdìh tus bal mờ làng bol tàm broă tam gơl phan tam di pal, tàm hơ\ uă ngan là tàm broă tam gơl trồ tiah tu\ do.

Kơnhoàl neh geh ală gùng dà, broă lơh kờ` dan mờ càr Dak Lak tam gơl di pơgăp 90 lồ kơphe bơh ală công ty lơh sa suơn sre công nghệ cao, hơ\ sồng tơlòng lơh anih bơto broă lơh ai làng bol in.

Bè bơta kuơ loh làng là tơnguh uă ngan jăt mờ lơh kơphe. Làng bol tu\ do kung gam gơboh kờ` ngan mờ kơnhoàl kung gam tơrgùm lơh tàm ală xã.

Mờ khà kờ` chồl pràn broă ngui măy mo\k tàm broă lơh sa suơn sre, [òn lơgar, mờ ai tơl^k broă lơh pràn bè cồng nha bal mờ bơta niam phan geh lơh, kơnhoàl Cư\ Mgar, càr Dak Lak gam tơrgùm rơndăp broă lơh tiah lơh sa mờ măy mo\k ngui công nghệ cao tơrgùm bal mờ uă ù ơnàng 50 lồ, tam pà gơs uă bă tam phan krơi is.

Broă lơh sa suơn sre ngui công nghệ cao geh dong kờl làng bol wèt tus 1 broă lơh sa suơn sre hữu cơ kơl jăp, gơdờp mờ tam gơl trồ tiah sơlơ ngai sơlơ kal ke ngan mờ ờ g^t lài.

Cau cih mờ yal tơng^t Ndong Brawl