VOV4.K’ho – Nam 2017 pa do, mờ broă crơng gơs ală [làng sre lồ dờng, làng bol kòn cau Sơdàng tàm 2 kơnhoàl Kon Braih mờ Kon Plông, càr Kontum dê neh balm ờ gơp tam tơ ngời tac mpồl lơh sa kă bro ròng phan in. Bơta kuơ mờ làng bol lơh geh uă rlau pơn drờm mờ tam kòi, tam bùm blàng, lơh gơs dùl bơta tam gơl pa tàm broă lơh sa tàm tiah làng bol kòn cau:

Geh gơnoar atbồ xã Đăk Tờ Lùng, kơnhoàl Kon Braih lam sồr, nhai 4 nam 2017, hìu bơnhă bi A Đế, tàm [òn Kon Vi Vang pơ gồp 2 sàu ù bal mờ 6 hìu bơnhă làng bol tàm [òn mờ 5 hìu bơnhă làng bol tàm [òn Kon Măng Tu lơh [làng sre lồ dờng ơnàng 8 lồ tam tơ ngời, ai tờm nàng tac mpồl lơh sa kă bro ròng phan in. Kơ nờm lơh broă sa tàm [làng sre lồ dờng, priă jền bơcri lơh broă gơmù uă, bal mờ hơ\ gam geh mpồl lơh sa kă bro dong kờl mai\ lơh ù, sơntìl tơ ngời, bơta chài tam mờ phơng sih, den tàng bi A Đế mờ ală hìu bơnhă ndai chờ hờp ngan. Mìng tơnơ\ 75 ngai tam, kàl tơnhàu sơn rờp neh tus mờ làng bol. Bulah cồng nha lơh geh kàl sơn rờp ờ uă uă, mìng geh mờr 30 tấn tàm 1 lồ, mơya pơn drờm mờ khà priă mpồl lơh sa kă bro blơi 730 đông tam 1 ki\ tàm suơn tơn, den tơl lồ làng bol kung tac geh rlau 21 tơlak priă. Đơs bè cồng nha bơh broă tam tơ ngời ai tờm tàm [làng sre lồ dờng, bi A Đế pà git: “Tam tơ ngời pơn drờm mờ tam bùm blàng den tam tơ ngời [uơn rlau. Tơngai dờng pràn lơyah tai, bal mờ hơ\ làng bol gam tơr gùm bal mờ gơp nàng lơh. Lơh jat bal mờ gơp, tam tơ ngời, [ồm dà tơ ngời in, lơh bal lơm. Dơ\ 2 là tơ ngời do pơn drờm mờ bùm blàng den dilah tam bùm [làng pal 2 nam hơ\ sồng gơtùi tơnhàu. Tơ ngời den 1 nam tam geh 3 kàl, cồng nha lơh geh uă rlau mờ bùm blàng. Dùl ki\ tơ ngời tàm do cau blơi tơn tàm suơn là 730 đông tàm 1 ki\.”

{làng sre lồ dờng tam tơ ngời tàm [òn Kon Vi Vang mờ Đăk Tờ Lùng

Sền go\ tus bal lơh sa tàm [làng sre lồ dờng geh uă bơta kuơ, bè [uơn geh gơnoar atbồ tàm [òn lơgar bơcri lơh gùng lòt, bơ tơt rbòng dà; geh mpồl lơh sa kă bro dong kờl sơntìl, priă bơcri, kỹ thuật; lơh sa tơr gùm bal den tàng [uơn atbồ, sền gàr; phan bơna lơh gơs geh mpồl lơh sa kă bro tus tàm suơn nàng blơi tơn… Bi A Gung, ơm tàm [òn Kon Măng Tu, xã Đăk Tờ Lùng pà git, tu\ do den 98 hìu bơnhă làng bol tàm [òn den hìu bơnhă lơi kung kờ` tus bal lơh sa tàm [làng sre lồ dờng: “Làng bol sền go\ broă lơh tam tơ ngời geh cồng nha ngan, tơnguh priă lơh geh hìu bơnhă in. Làng bol kung kơp kờ` geh tus bal broă lơh do.”

Tus jơh nam 2017, tàm tiah làng bol kòn cau Sơdàng tàm 2 kơnhoàl Kon Braih mờ Kon Plông bơh càr Kontum dê neh crơng gơs geh uă [làng sre lồ dờng bơh 7 tus 10 lồ. Mùl màl ai go\ tàm ală xã bè Măng Bút, Ngọc Tem, xã Hiếu bơh kơnhoàl Kon Plông dê; Đăk Tờ Lùng bơh kơnhoàl Kon Braih dê, cồng nha lơh sa mờ làng bol lơh geh bơh broă tam tơ ngời ai tờm nàng tac mpồl lơh sa kă bro ròng phan in jơnhua rlau uă dơ\ pơn drờm mờ tam kòi, tam bùm blàng. Mìng kờ` tơl lồ geh cồng nha tơnhàu bơh 25 tus 35 tấn tờm tơ ngời, pah nam tam 3 kàl, den tàng bol neh geh mờr 70 tơlak priă. Do là priă lơh geh uă rlau mờ ală chi tam ndai mờ cau Sơdàng gam tam. Ồng Đỗ Xuân Linh, Phó Chủ tịch UBND xã Đăk Tờ Lùng, kơnhoàl Kon Braih pà git, broă lơh [làng sre lồ dờng gam geh bơta gơ rề dờng ngan tàm ală [òn bơh cau Sơdàng dê: “Tơnơ\ mờ tu\ tơnhàu cèng wơl priă jền lơh geh làng bol in, să tờm làng bol neh git go\ mờ khi mblàng wơl mờ gơp. Uă ngan hìu bơnhă neh cih mat mờ UBND xã tus bal tàm broă lơh do nàng tơn jơh jơ gloh tơmù r[a. Tàm rơndap broă nam 2018 dê, tàm jơh ală bă ù gời den bol a` geh sồr làng bol tơr gùm gơs suơn, tam gơl lo\ sre, làng lơh bè lơi ai [làng sre lồ dờng tus tàm làng bol, bơh ho\ geh dong kờl bal mờ gơp, tam gơl ngai lơh broă dong kờl bơtàu tơnguh lơh sa.”

Bơta kuơ màng nàng kòn cau Sơdàng tàm càr Kontum lơh ngan bơt bơtàu mờ bơh sơn rờp lơh geh cồng nha mờ ală [làng sre lồ dờng là geh bơta lơh broă nal nền nòn mờ mpồl lơh sa kă bro. Broă kong ti dược liệu mờ Thực phẩm Măng Đen, mờ tus do là uă Kong ti, mpồl lơh sa kă bro ndai hơ pơrgon blơi phan lơh gơs jo\ jòng, dong kờl lơ òr ù, sơntìl, priă bơcri, kỹ thuật dong làng bol iang nùs lơh sa. Bal mờ hơ\, gơ noar atbồ tàm [òn lơgar neh lơh niam bơngă là rbàng tơrbo\ dong mpồl lơh sa kă bro mờ làng bol sền gàr bơta lơh broă bal nền nòn. Ồng Nguyễn Đức Tuy, Phó Chủ tịch UBND càr Kontum pà git: “Bol a` mblàng yal làng bol in git lơh broă bal đah hìu bơnhă nàng crơng gơs mpồl hìu bơnhă mờ lơh broă bal mờ mpồl lơh sa kă bro. Bulah lơh bè lơi den kung pal geh mpồl lơh sa kă bro tus bal nàng crơng gơs ròt bơta kuơ lơh geh. Mpồl lơh sa kă bro dong kờl bơh sơn rờp tàm broă dong kờl sơntìl, phơng sih, dong kờl kỹ thuật mờ geh blơi phan lơh gơs làng bol in. Do là broă lơh mờ jat a` là niam ngan. Bơh bơta digơlan crơng gơs mpồl lơh broă bal halà Hợp tác xã nàng bal mờ mpồl lơh sa kă bro crơng gơs ròt bơta kuơ do.”

Broă kòn cau Sơdàng tàm uă xã di 2 kơnhoàl Kon Braih mờ Kon Plông bơh càr Kontum dê tàm nam 2017 pa do neh crơng gơs ală [làng sre lồ dờng, ờ mìng dong làng bol tơnguh priă lơh geh, tờmu r[ah kơ\ kơljap mờ gam brồ guh nùs nhơm tam klac bal [òn lơgar bơh làng bol dê. Bal mờ hơ\, gam gơtùi bơsong bơta lơh sa dềt, rah rài, ờ tơl sơntìl, priă bơcri, kỹ thuật; ờ pràn bè cồng nha tơnhàu, bơta niam phan lơh gơs. Bơh cồng nha broă lơh [làng sre lồ dờng tam tơ ngời ai tờm nàng tac mpồl lơh sa kă bro ròng phan in bơh kòn cau Sơdàng dê, càr Kontum gam rề ơnàng broă lơh do mờ pơn jat tai lơh ờ uă broă lơh ndai bè [làng sre lồ dờng tam chi lơh sơnơm, kòi bơkah… Do là bơta tam gơl kuơ màng tàm broă lơh sa suơn sre bơh kòn cau Sơdàng dê đơs is mờ càr Kontum dê đơs bal.

              Cau cih mờ yal tơnggit K’Duẩn