VOV4.K’ho - Tơnơ\ mờ 1 tơngai gơ-ơm ing, bơh bồ nhai 10 tus tu\ do, càr Dak Lak pơn jăt tai dờp geh uă cau gơtìp mờ vi khuẩn kòp bạch hầu.

Pal kah ngan, ală cau gơtìp ờ geh bơta kòp gơrềng bal mờ gơbàn ờ uă tàm ală [òn krơi is. Bơta do lơh kal ke tàm broă rơcang sơndră mờ kòp tàm càr do.

Gam sơm kòp bạch hầu tàm tiah tam cah is kòp gơtòp tàm hìu sơnơm kơnhoàl Lăk, càr Dak Lak, lo\ H’ Yum Bdap, kis tàm [òn KDiê 2, xã Dăk Nuê pà g^t; gơtìp duh să, jê rơnồng dờ bơh rơlao 10 ngai lài, geh cau tàm hìu jun tus tàm hìu sơnơm kơnhoàl nàng kham mờ geh sền go\ gơtòp mờ kòp bạch hầu.

                                             Bác sĩ kham cau gơtìp kòp bạch hầu in

Tơnơ\ mờ tu\ g^t cồng nha xét nghiệm, g^t să tòm mùl màl gơtìp kòp bạch hầu, lo\ H’ Yum ờ su\k ơm ngan. Mơya tus tu\ do, lo\ neh iang nùs rơlao tài bơta tơngo\ bơh kòp neh gơmù:

-Tu\ mu\t tàm do lài ngan gơtìp duh să, hơ\ sồng kham siêu âm, xét nghiệm cồng nha cau yal gơtìp kòp bạch hầu hơ\ sồng ơm tơn tàm do.

Tàm do bác sĩ sền gàr đơs là ba` ngòt, tàm do neh geh sơnơm sơm bời kòp do ba` ờ su\k ơm tai. Tus tu\ do den neh ờ hoan duh să tai, neh pràn den tàng ờ ngòt tai.

Kơnhoàl Lăk là tiah sơnrờp ngan bơh càr Dak Lak gơtìp kòp bạch hầu, mờ 9 nă cau gơtìp kòp. Tàm khà do geh 2 nă cau neh geh jun tus hìu sơnơm tiah Tây Nguyên tài geh tơngo\ jroă, 7 nă cau gam tai geh sơm kòp tàm hìu sơnơm kơnhoàl.

Kờ` pleh mờ gơtòp tàm hìu sơnơm, hìu sonơm kơnhoàl Lăk neh crơng gơs dùl tiah sơm kòp bạch hầu is tàm Khoa Nội-Nhi-Nhiễm mờ geh tơl bơta phan sơm kòp bal mờ cau lơh sơnơm.

                                Bác sĩ sền rơnồng dờ cau geh tìp rềp mờ cau gơtìp kòp bạch hầu 

Tu\ do geh 6 tàm 7 nă cau gơtìp kòp neh rê bơh hìu sơnơm, cau kòp gam tai kung neh geh cồng nha ờ go\ mờ vi khuẩn bạch hầu 2 dơ\. Bác sĩ Chuyên khoa 1 Nguyễn Hữu Thiện, kuang atbồ khoa Nội-Nhi-Nhiễm, hìu sơnơm kơnhoà Lăk pà g^t:

-Tơnơ\ mờ tu\ dờp cau gơtìp kòp sơnrờp ngan kung bè tàm broă sơm kòp 9 nă cau tàm khoa kòp gơtòp hìu sơnơm Lăk dê, hìu sơnơm neh geh broă lơh, geh rơndăp broă sơm kòp rơcang lài ngan kơrian kòp gơtòp.

Tus tu\ do, jơh ală cau kòp bạch hầu tàm kơnhoàl Lăk neh geh sơm kòp di jăt mờ broă sơm kòp geh ai mờ ờ geh bơta lơi ờ niam gơbàn tus mờ cau kòp.

Jăt ồng Phạm Phú Anh, Phó kuang atbồ hìu sơnơm kơnhoàl Lăk pà g^t, kal ke ngan tàm broă rơcang sơndră mờ kòp bạch hầu tàm kơnhoàl do là ală cau kòp ndrờm ờ geh tơngo\ bơta gơbàn kòp gơrềng tus bal mờ tơl nă cau kòp là dùl tiah gơtìp krơi is. Bơta do lơh gah lơh sơnơm pal lơh jăt bal mờ ală tiah gơtìp kòp nàng kơrian tiah gơtòp kòp.

Kung jăt ồng Phạm Phú Anh yal, tu\ do kơnhoàl Lăk neh lơh gơs broă c^t sơnơm vaccine rơcang sơndră mờ kòp tàm 3 xã sơnrờp ngan gơtìp kòp bạch hầu, là xã Dak Liêng, Bông Krang mờ Dăk Phơi. Geh di pơgăp 40 rơbô liều sơnơm vaccine neh geh c^t ai 20 rơbô nă làng bol kis tàm 3 xã do, geh rơlao 90%. Tàm tơngai tus, kơnhoàl Lăk rơcang geh c^t tai ai làng bol tàm 3 xã Krông Nô, Ea Rbin mờ Nam Ka in. Mơya, tài pa gơtìp tai 3 nă cau tàm xã Dak Nuê mờ Nam Ka den tàng rơndăp broă c^t sơnơm vaccine rơcang sơndră mờ kòp bạch hầu pal tam gơl. Ồng Phạm Phú Anh pà g^t:

-Tàm rơndăp broă den lơh ngan tus bồ quý 1 nam tơnơ\ là geh lơh gơs, mơya bơta kòp bè do di gơlan kung ờ jơh sơl tài he gơrềng bal tàm uă broă lơh.

Tu\ do he geh lơh mờ ờ tơl sơnơm vaccine kung kal ke sơl, ha là geh tơl sơnơm vaccine kung ờ [uơn tài khà cau c^t sơnơm geh uă, he ai dùl dơ\ le\ kung prăp gàr ờ gơtùi sơl.

Gam bè jrum c^t den tus tu\ do kơnhoàl neh blơi tơl, den tu\ do mìng lơh ngan bơyai lơh nàng c^t tai. Broă c^t sơnơm den pal c^t tàm tiah ngài lài hơ\ sồng rê tus tàm tiah rềp rơhời.

Tàm tu\ c^t sơnơm den bơta oh mi tàm do tus mờ geh bơyai lơh uă tiah nàng c^t nàng ba` lời gơtìp tơrgùm làng bol tus gal ir. Di gơlan tơn jơh kung pal là nggùl nam tơnơ\.

Kờp tus ngai 14 nhai 10, càr Dak Lak neh dờp geh 48 nă cau gơtìp kòp bạch hầu tàm 6 tiah là Lăk, Mdrăk, Krông Bông, Cư\ Mgar, Cư\ Kuin mờ [òn dờng Buôn Ma Thuột.

Ală cau gơtìp kòp ndrờm là cau kòn cau mờ geh bal tàm tiah geh c^t sơnơm vaccine ờ uă. Geh uă làng bol kis tàm tiah do gam ờ hềt g^t tơl bè kòp bạch hầu kung bè bơta gơdờp bơh broă c^t sơnơm vaccine rơcang sơndră mờ kòp gơtòp bal mờ sơm kòp, den tàng pal geh broă pơgồp bal nền nòn bơh ală mpồl lơh broă mpồl bơtiàn bal mờ mpồl lơh broă nàng lam sồr làng bol rơcang sơndră mờ kòp gơtòp, nàng tơmù broă gơtòp bơh kòp do dê.

Cau cih Nam Trang- Cau mblàng Ndong Brawl