VOV4.K’ho- Kờp bơh ngai 15 nhai 9 tus do, jơh ală phan bơna ờ go\ lơh gơlik bơh tàm Dà Làc, càr Lâm Đồng dê ndrờm ờ geh ai gơnoar tơmu\t tàm drà phan lơh gơs bơh suơn sre Dà Làc dê.

Bùm tơi lơgar Lo blơi rê tơmu\t tàm drà phan lơh gơs bơh sươn sre Dà Làc dê lơh tam gơl dùl ết nàng gơ in ndrờm bè bùm tơi Dà Làc hơ\ sồng lòt tăc tàm drà

Kơrnoat sồr kơryan ờ ai do là broă lơh kờ` kơryan jơnau ală cau kă phan blơi phan lơh gơs bơh suơn sre bè: bùm tơi, ha` tây, kơ rốt geh lơh bơh lơgar Lo tơmu\t tàm drà phan lơh gơs bơh suơn sre Dà Làc dê tơnơ\ hơ\ klài bơrlu\ bal mờ ù pơrhê, lơh tam gơl dùl ết nàng gơ in ndrờm bè phan bơna bơh Dà Làc dê, lơh pơrlồm mat kă bro phan bơna Dà Làc tơnơ\ hơ\ cèng lòt tăc tàm ală drà dờng tàm [òn dờng Hồ Chí Minh nàng kă bro.

                       Anih lơh broă geh gơnoar lơh sră lơh glài dùl dơ\ lơh pơrlồm bùm tơi Dà Làc

Mìng kờp is 2 nhai rềp ndo, ală cau kă phan neh blơi mờ tơmu\t tàm drà phan lơh gơs bơh sươn sre Dà Làc dê mờr 600 tấn bùm tơi lơgar Lo dê. Ală anih lơh broă geh Gơnoar Dà Làc neh sền go\ mờ lơh sră lơh glài lơh tìs mờ priă uă cau bè broă lơh tìs blơ\ blac kă bro phan lơgar Lo mơya lơh pơrlồm wơl mat phan lơh gơs bơh sươn sre Dà Làc dê.

Bal mờ geh kơrnoat kơryan ờ ai blơi ală phan lơh gơs bơh sươn sre bơh tiah ndai tơmu\t tàm drà phan lơh gơs bơh sươn sre Dà Làc dê, anih lơh broă geh gơnoar kung gam crap măy camera tàm tiah drà nàng gròi sền mờ lơh glài di tu\ dilah geh broă lơh blơ\ blăc kă bro gơlik geh.