VOV4.K’ho- Ngai òr 28/2, tàm [òn dờng Dà Làc, càr Lâm Đồng dê, Mpồl đơng pơlam gah phan kơphê mờ Mpồl cau lơh broă sa Dà lơgar Việt Nam pơgồp bal bơyai lơh cribơyai Tơnguh tai pràn jak tàm tơrbo\ bal ai bơtàu tơnguh kơ\ kơl jăp ală khà priă gah phan kơphê. Lâm Đồng tu\ do geh rlau 152 rbô lồ kơphê, tàm hơ\ geh 44 rbô lồ lơh jat tơl khà kơ\ kơl jăp kơnă 4C halà UTZ, kờp jơh kơphê lơh geh pah nam geh 408 rbô tấn. Mơya, Lâm Đồng kung gam ờ hềt geh bơta lơh bal kơ\ kơl jăp mờ dùl ròt bal ală broă lơh tam, sơngka sền gàr, tus lơh gơs phan mờ kă bro, gơlam tus drà kă bro phan do sùm kal ke ngan, bơta niam phan bơna ờ ndrờm bal, ờ geh uă bè khà priă, gơrềng uă ngan tus cồng nha lơh sa. Bơta ndai, broă càn priă ờ sa priă cồng uă, ală jơnau yal bè mờng chài tam, bơta chài tam mờ drà kă bro kơphê niam ngan gam ờ hềt pràn jak, kung là bơta kơryan gơ wèt tus mờ broă lơh kơphê jat gùng dà kơ\ kơl jăp bơh càr dê. Bal mờ hơ\, broă lời uă tu\ jiơ cribơyai, jòi gùng dà tă bơsong ală bơta ờ niam do, uă jơnau đơs tàm dơ\ pơrjum đơs là, nàng bơtàu tơnguh kơ\ kơl jăp, tơnguh ală khà priă kơphê, bơta gơ rềng bal tam klac, lơh bal đah 4 gah kờn geh sơlơ lơh uă rlau tai.

Cau cih mờ yal tơngi\t- Lơ Mu K’ Yến