VOV4.K’ho - Lâm Đồng là càr geh bă kơphe ơm dơ\ 2 gùt lơgar mờ rlau 150 rbô lồ. Bơh nam 2013 tus tu\ do, Lâm Đồng neh tam pa wơl, lơh niam geh mờr 41 rbô lồ kơphe neh kra. Kơnờm bơh hơ\, cồng nha tơnhàu kơphe kờp bal bơh càr Lâm Đồng dê neh gơguh bơh 24 tạ 8 tus 29 tạ 6 tàm 1 lồ tàm 1 nam, mìng is geh ờ uă broă lơh tam gơl sơntìl kơphe geh cồng nha tơnhàu uă bơh 7 tus 8 tấn tàm 1 lồ. Bal mờ hơ\, Lâm Đồng kung gam dờp kuơ tơn bơh rơndap broă tam gơl lơh sa suơn sre kơ\ kơljap tàm lơgar Việt Nam (VnSAT), pơnjat tai tơnguh cồng nha tơnhàu mờ bơta niam kơphe lơh gơs jat rơndap broă kơ\ kơljap.

Càr Lâm Đồng geh rlau 15 rbô hìu nhă làng bol tam kơphe gam geh dờp kuơ tơn bơh rơndap broă tam gơl lơh sa suơn sre kơ\ kơljap tàm lơgar Việt Nam (VnSAT). Bơdìh geh dong kờl priă nàng bơcri bơtàu tơnguh lơh sa, ală cau do gam geh tus bal ală ơdu\ bơto pơlam tàm jàu bơta chai tam sơngka sền gàr, lòt sền mờ bơsram đòm jat uă broă lơh lơh bal tam mờ tơnguh ròt bơta kuơ kơphe. Jat ồng Nguyễn Thanh Tùng, ơm tàm thị trấn Đinh Văn, kơnhoàl Lâm Hà, càr Lâm Đồng, cồng nha broă tam kơphe jat rơndap broă kơ\ kơljap là go\ loh làng ngan, bơta ờ suk ngan rlau jơh là lơh bè lơi nàng gàr kơ\ anih tơlik tac làng bol in. Ồng đơs: “Tam kơphe kơ\ kơljap den cồng nha tơnhàu kơphe bơh làng bol bol a` dê neh gơguh uă ngan. Mơya bơta kal ke ngan rlau jơh tàm do là anih tơlik tac kal ke ngan. Bol a` dan lơh bè lơi nàng chồl pràn tam klac 4 gah, mờ dà lơgar pal lam mut lơh dong kờl ală mpồl lơh sa kă bro in, ală hợp tác xã tam klac mờ làng bol lơh broă sa bol a`, nàng bơta kuơ lơh geh, anih tơlik tac phan lơh gơs bơh làng bol dê geh gàr kơ\ rlau.”

Tàm tơngai mut lơh, rơndap broă neh mờ gam tơr gùm lam sồr mờ pơn jờng ală hìu nhă tus bal crơng gơs ală Hợp tác xã, mpồl tam klac nàng lơh gơs bơta lơh broă bal tàm ròt broă lơh gơlik mờ tac phan bơna lơh gơs.

Jat ồng Hà Cường, kuang atbồ kă bro Kong ti kơphe Mai Hoàng Sang, kờ` gơtùi lơh bơta do den bơngă bơh dà lơgar dê tàm broă lam lơh, tam klac là kuơ màng ngan. Ồng đơs: “Bơta ngan ngồn lơh broă sa làng bol dê tu\ do kung uă ngan là lơh is, chài lơh broă uă ngan là mờ mờng chài ờs mờng, ờ hềt geh 1 mpồl lơi dờp kơ nòl bè bơta chài lơh broă nàng pơlam dùl bă ngan ngồn làng bol in, hơ\ sồng kung ờ hềt geh cau lơi tơlik khà priă nàng gàr kơ\ anih tơlik tac làng bol in. Bơta ờ suk bơh mpồl lơh sa kă bro dê là kờ` dà lơgar dong kờl nàng mpồl lơh sa kă bro tam klac mờ làng bol, kờ` lam kơphe càr dê brồ guh pràn rlau.”

Ồng Nguyễn Văn Sơn, kuang atbồ Sở Nông nghiệp mờ Phát triển nông thôn càr Lâm Đồng pà git, kờ` tam pa wơl rlau 27 rbô lồ kơphe tàm 3 nam tus, bơdĩh mờ sơlơ tơnguh rlau tai priă ai càn geh dong kờl priă cồng bơh Chính phủ dê, broă mut lơh broă lơh bơtàu tơnguh kơphe VnSAT kung kờ` ringbal ală jơnau kờ`. Ồng Nguyễn Văn Sơn geh jơnau đơs:“Lài ngan, ngân hàng pal kơlôi sơnơng wơl, tơnơ\ tơngai geh tơn jo\ nàng tơm dồs den gàr priă cồng ai càn 6,5%, ba` tơnguh tus 9%. Dơ\ 2, kung pal kơlôi sơnơng lơh bè lơi, priă cồng ai càn lơyah rlau mờ priă cồng ai càn lơyah tơngai tus mờ lơh sa suơn sre [òn lơgar tu\ do, lơh bè lơi tơmù tàm khà pơn drờm mờ ai càn bè ờs lơyah rlau bơh 1 tus 2% nàng dong kờl lơh sa suơn sre. Bal mờ tu\ do geh rơndap broă VnSAT, ngân hàng dunia kung gam geh priă ai càn bè bơtàu tơnguh lơh sa suơn sre kơ\ kơljap gah lơh kơphe, bơ tơl tai kơrnuat ai càn do nàng lơh wơl bă kơphe, bal mờ bă kơphe tam pa wơl ai cồng nha tơnhàu uă den ngan là gơtùi lơh geh cồng nha tơnhàu 3 tấn mờ gùl.”

                                                              Cau cih mờ yal tơnggit K’Duẩn