VOV4.K’ho- Sở Nông nghiệp mờ Phát triển nông thôn càr Lâm Đồng pa ai sră cơng tàng dơ\ 2 ai 8 sươn ờng sơntìl kơphê tàm ù tiah càr lơh geh tơl khà tus bal lơh Rơndăp broă lơh VnSat- bơtàu tơnguh kơphê kơ\ kơl jăp. Ală sươn ờng do geh đơs là lơh geh ală jơnau sồr bè bơta niam, anih lơh gơlik sơntìl, ală broă lơh bơtờp sơntìl, chi sơntìl pràn, ờ geh kòp…

Lâm Đồng geh rlau 150 rbô lồ kơphê, tàm hơ\ geh uă bă kơphê neh jo\ sơnam, kra jơh. Den tàng bè hơ\, jơnau kờ` bè chi sơntìl nàng tam pa wơl ală sươn kơphê là uă ngan. Broă dờp sền mờ ai sră cơng tàng tơl khà ai ală sươn ờng in lơh geh tơl ală bơta dong kờl ai ală hìu làng bol lơh broă sa in iang nùs mờ bơta niam anih lơh gơlik sơntìl kơphê, iang nùs bơcri priă lơh sa.

Cau cih mờ yal tơngi\t- Lơ Mu K’Yến