VOV4.K’ho – Tềng đap bơta ờ geh chèu glòm muh mat tài bơh kòp Covid-19, hìu bơsram Cao đẳng Y tế Lâm Đồng neh lơh gơlik is chèu glòm muh mat bơh tinh chất húng chanh lơh kloh khuẩn pà ờ sa pria\ ai kuang bàng, cau pơgru, cau bơsram dờng mờ làng bol in. Broă lơh geh kuơ bơh hìu bơrsam dê neh pơgồp bơnah tơnguh jơnau git wă rơcang sơndră kòp tàm mpồl bơtìan.

Mờr 3 poh do, bơh tu\ kòp Covid-19 gơbàn ua\, ală kuang bàng, cau pơgru, cau lơh broă bơh hìu bơsram Cao đẳng Y tế Lâm Đồng pah ngai kung gam at tê bal lơh gơlik chèu glòm muh mat kloh khuẩn pà ờ sa pria\ mpồl bơtìan in. Dược sĩ chuyên khoa 1, mò Tăng Lê Quỳnh Trinh, lơh broă tàm hìu bơsram Cao đẳng Y tế Lâm Đồng pà git: Do là chèu glòm muh mat 5 tap, tàm hơ\ geh tap chah hoạt tính mờ tinh chất húng chanh dong lơh kloh khuẩn. Phan tờm ngan là lơh chèu glòm muh mat là sră ngui tàm broă lơh ce túi lọc (neh hồl nàng gơ sơt khuẩn) den tàng [ươn lề, rềl mềr mờ tiah ơm kis: “Bol a` kơp kờ` tă pơgồp bơta pràn bal mờ mpồl bơtìan nàng tơmù [à bơta ờ suk bơ tờp ua\ bơh kòp dê kung bè dong drà kă bro chèu glòm muh mat ờ huan kal ke. Bol a` kờ` lơh gơlik ua\ chèu glòm muh mat rlau tai nàng drơng làng bol in”.

Ồng Trần Thanh Định, Phó Kuang atbồ Hìu bơsram Cao đẳng Y tế Lâm Đồng pà git, chèu glòm muh mat gơ sơt khuẩn geh lơh bơh tơngume kơlôi sơnơng khoa học ngui nha húng chanh geh bơta pràn dong sơm bơsia\, lơh jơh nggù mờ rơcang sơndră as sồt gùng tă nhơm. Tơnơ\ tu\ geh jơnau yal bè kòp Covid-19, hìu bơsram neh lơh chèu glòmmuh mat mờ dà lơh kloh khuẩn nàng ngui tàm hìu bơsram mờ pà ờ sa pria\: “Bơh sơn rờp lơh mờ tê den dùl ngai hìu bơsram mìng lơh gơlik geh 200 nơm chèu glòm muh mat den tàng ờ tơl nàng pà jat jơnau kờ` cau ngui dê. Tu\ do, hìu bơsram neh tơr gùm ală cau pơgru mờ blơi tai ma\i koh, ma\i tơdih nàng tơnguh khà lơh gơlik. Kơp kờ` tàm tơngai tus, bol a` geh lơh tơl jat jơnau kờ` mpồl bơtìan dê”.

Tơnơ\ tu\ lơh gơs broă rơndap lơh lơh gơlik chèu glòm muh mat, tus tu\ do, hìu bơsram Cao đẳng Y tế Lâm Đồng neh pà 2 rbô nơm chèu glòm muh mat lơh kloh khuản ai ală mpồl lơh broă tàm càr mờ bơdìh càr in. Hìu bơsram kung neh rơcang lơh broă cih mat dan ngui phan bơh bồ tơngoh jak lơh gơlik, dan Cục Sở hữu trí tuệ sền sơ wì, lơh sră mòn gơs ai broă lơh gơlik jèu glòm muh mat dră wơl khuẩn 5 tap geh ngui tinh chất húng chanh hìu bơsram dê.

Kung tàm Lâm Đồng sơl, bal mờ hìu bơsram Cao đẳng Y tế Lâm Đồng, hìu bơsram Đại học Dà Làc kung neh lơh gơlik is dà lơh kloh khuẩn nàng rơcang sơndră kòp Covid-19. Bơdìh mờ broă drơng jơnau kờ` bơh kuang bàng, cau pơgru mờ cau bơsram dờng dê, Hìu bơsram Đại học Dà Làc neh pà ờ sa pria\ ai ală hìu bơsram mờ mpồl lơh broă hành chính tàm [òn dờng Dà Làc in, mơkung pơlam bơta chài ngui dà lơh kloh khuẩn ràu tê ai làng bol in tus lơh sră nggal hành chính; dong ală hìu bơsram rơcang rò kơnòm bơsram lòt bơsram wơl.

Cau mblàng K’Duẩn