VOV4.K’ho - Lâm Đồng tu\ do geh rlau 150 rbô lồ kơphe, mờ khà kơphe lơh geh pah nam 408 rbô tấn. Bulah bè hơ\, bơh broă tam, sơngka sền gàr tus lơh gơlik mờ tac kơphe tàm Lâm Đồng kung gam ờ hềt geh bơta tam klac krà` cê mờ ringbal, lơh anih tơlik tac ờ kơljap, bơta niam phan lơh gơs ờ ring, lơh bơta kuơ kơphe dê tu\ tac tàm drà kă bro ờ uă, aniai uă ngan tus cồng nha lơh broă sa bơh làng bol dê. Kờ` bơsong ală bơta ờ niam do, Lâm Đồng gam tơr gùm mut lơh broă tam kơphe jat rơndap broă kơ\ kơljap.

Mut lơh broă tam kơphe kơ\ kơljap di rơndap broă tam gơl lơh sa suơn sre kơ\ kơljap tàm lơgar Việt Nam, rlau 15 rbô hìu nhă tam kơphe tàm càr Lâm Đồng geh dờp bơta kuơ. Bơdìh geh dong kờl priă bơcri nàng bơtàu tơnguh lơh sa, ală cau do gam geh tus bal ală ơdu\ bơto pơlam tàm jàu bơta chài lơh broă, geh lòt sền mờ bơsram uă broă lơh tam klac tam kơphe kơ\ kơljap mờ tơnguh ròt bơta kuơ lơh geh. Jat ồng K’Ron, ơm tàm xã Đạ Đờn, kơnhoàl Lâm Hà, càr Lâm Đồng, do là broă lơh ngan ngồn, ờ mìng dong làng bol lơh broă sa chồl pràn broă tam pa wơl bă kơphe neh kra mờ gam tơnguh cồng nha lơh geh tàm dùl bă ù. Ồng đơs: “Tus bal lơh broă jat mpồl halà hợp tác xã, hơ\ sồng git ală sơntìl chi tam, tơnguh bơta niam, cồng nha lơh geh, a` go\ broă lơh do kuơ màng ngan. Hơ\ là bơh broă tam, rơ wah sơntìl tus broă tơnhàu, lơh gơlik mờ tac tàm drà kă bro tàm lơgar mờ lơgar ndai ndrờm gơ ơm tàm dùl ròt broă lơh, bơta kuơ lơh geh dờng mờ cèng wơl cồng nha niam ngan.”

Jat mpồl atbồ rơndap broă tam gơl lơh sa suơn sre kơ\ kơljap tàm càr Lâm Đồng, kờp tus bồ nam 2017, mpồl neh bơyai lơh 45 ơdu\ bơto bơtê tam kơphe kơ\ kơljap ai rlau 2 rbô hìu nhă lơh broă sa in tàm bă ù mờr 2 rbô lồ; mơkung bơyai lơh 24 ơdu\ b to bơtê bè tam pa wơl kơphe ai git nđờ rbô dơ\ cau lơh broă sa in, rơwah 48 broă lơh ràng tơlik lài bè tam pa wơl kơphe mờ [ồm dà tềm pềr tờm kơphe in nàng làng bol in đòm jat. Ồng Nguyễn Thanh Tùng, ơm tàm thị trấn Đinh Văn, kơnhoàl Lâm Hà, càr Lâm Đồng đơs là, cồng nha broă tam kơphe jat rơndap broă kơ\ kơljap là go\ loh làng ngan, bơta ờ suk ngan rlau jơh là lơh bè lơi nàng gàr kơ\ anih tơlik tac làng bol in. Ồng đơs: “Tam kơphe kơ\ kơljap den cồng nha tơnhàu kơphe bơh làng bol bol a` dê neh gơguh uă ngan. Mơya bơta kal ke ngan rlau jơh tàm do là anih tơlik tac kal ke ngan. Bol a` dan lơh bè lơi nàng chồl pràn tam klac 4 gah, mờ dà lơgar pal lam mut lơh dong kờl ală mpồl lơh sa kă bro in, ală hợp tác xã tam klac mờ làng bol lơh broă sa bol a`, nàng bơta kuơ lơh geh, anih tơlik tac phan lơh gơs bơh làng bol dê geh gàr kơ\ rlau.”

Geh git, tàm tu\ mut lơh, rơndap broă neh tơrgùm lam sồr mờ chul chồl crơng gơs ală hợp tác xã, mpồl cau lơh broă sa nàng lơh gơs bơta tam klac bal tàm broă lơh gơlik mờ tac phan lơh gơs. Jat ồng Hà Cường, kuang atbồ kă bro Kong ti kơphe Mai Hoàng Sang, kờ` gơtùi lơh bơta do den bơngă bơh dà lơgar dê tàm broă lam lơh, tam klac là kuơ màng ngan. Ồng đơs: “Bơta ngan ngồn lơh broă sa làng bol dê tu\ do kung uă ngan là lơh is, chài lơh broă uă ngan là mờ mờng chài ờs mờng, ờ hềt geh 1 mpồl lơi dờp kơ nòl bè bơta chài lơh broă nàng pơlam dùl bă ngan ngồn làng bol in, hơ\ sồng kung ờ hềt geh cau lơi tơlik khà priă nàng gàr kơ\ anih tơlik tac làng bol in. Bơta ờ suk bơh mpồl lơh sa kă bro dê là kờ` dà lơgar dong kờl nàng mpồl lơh sa kă bro tam klac mờ làng bol, kờ` lam kơphe càr dê brồ guh pràn rlau.”

                                                                     Cau cih mờ yal tơnggit K’Duẩn