VOV4.K’ho – Ngai òr (6/7), càr Lâm Đồng bơyai lơh pơrjum sền wơl 2 nam lam lơh rơndap broă bơtàu tơnguh ròng kơn rồ dà toh, kơn rồ lơh poac sơntìl pa. Tus tu\ do, kờp jơh mpồl kơn rồ dà toh bơh càr Lâm Đồng dê geh mờr 20 rbô 200 nơm, tơr gùm uă ngan tàm ală kơnhoàl Đơn Dương, Đức Trọng, Lâm Hà mờ [òn dờng Bảo Lộc, Khà dà toh pah ngai lơh geh mờr 200 tấn, gơguh 25% pơn drờm mờ nam 2015. Mpồl kơn rồ lơh poac geh rlau 87 rbô nơm, tàm hơ\ uă ngan là kơn rồ sơntìl pa. Bu\lah broă ròng kơn rồ dà toh, kơn rồ poac sơntìl pa bơh càr Lâm Đồng dê bơtàu tơnguh pràn, mơya ơm tềng đap jơnau kờ` rơndap sap sèng wơl broă ròng phan jat broă rơndap lơh tơnguh bơta kuơ lơh geh mờ bơtàu tơnguh kơ\ kơljap, sồr dà lơgar pal sơlơ geh ală chính sách nàng dong kờl, tàm hơ\ jơnau kờ` jal mhar ngan rlau jơh là priă càn geh dong kờl priă cồng, gàr tơl sơntìl niam mờ sơlơ tam klac bal blơi ală phan lơh gơs bơh kơn rồ dà toh, kơn rồ poac làng bol in. Tàm hơ\, bơta sền gròi sơntìl pa nàng bơ tờp sơntìl kơn rồ in pal geh sền gròi uă rlau tai.

             Cau mblàng K’Duẩn